منوعات

ترحيل المتهم المشهور ب”شيخ الأمين” الى سجن كوبر


منذ أن قامت دولة الإمارات العربية بإعتقال الشيخ المثير للجدل “الأمين عمر الأمين” ثم ترحيله بعد عدة أسابيع للسودان باتت أخباره تشغل حيزاً واسعاً في أوساط المتابعين.

ولحظة وصول شيخ الامين لمطار الخرطوم قامت السلطات السودانية بإحتجازه ثم تم إغلاق زاويته بمدينة أمدرمان .

وحتى الان لم يصدر أي توضيح سوداني أو إماراتي عن التهم الموجهة ضد شيخ الامين.

ونقل محرر موقع النيلين عن مصدر موثوق أنه تم مساء الأحد تحويل الشيخ الامين عمر الامين الى سجن كوبر، وتجدر الإشارة أن بعض المتهمين في قضايا حساسة تكون فترة إنتظارهم بسجن كوبر حتى تقديمهم للمحاكمة.

الخرطوم/ معتصم السر/النيلين


‫39 تعليقات

  1. كلام اثلج صدورنا من الصبح …وياريت لو كان
    معاهو بتاع مكتب الرئيس طه عثمان ..
    بلد 90% منها دجالين .. اصحي يابشير واقلب
    الطاوله الايام دول والتاريخ لا يرحم .. اعمل حاجة
    تبض وشك الكبير ده

    1. والله أنا لحدي هسع مُحتار في مرافقته لرئيس مكتب الرئيس للإمارات السنة الفاتت!!!! فيكم واحد عارف سر تلك ( الرِفقة)؟ مدير مكتب رئيس الجمهورية ماشي في مهمة رسمية، أيه الداعي يشيل معاه الزول دا؟

    2. والله كلامك دا كلنا بنادي بيهو …. هذه آخر فرصة للرئيس ليكون رئيساً لبلد كريم وكرماء أهله يتحرج الآن من هذا الموقع إلى الدرك الأسفل … وليس رئيساً لحزب

  2. اتمني ان يخدم الموقع في تقليل نسبه العنوسة المتفاقم التي تمر به البلاد والأسباب لاتخفي على احد

    1. انسان دجال وضلالى لماذا تتمنى فك اسره أى نعم كل نفس بما كسبت رهينه ولكنه انسان يتسبب فى ضلال الاخرين البسطاء الجهله لماذا تتمنى فك اسره هل انت مبسوط من ممارسته لانك لو مبسوط من ممارساته وتحبه سوف تحشر معه فى جهنم لانه راعى بدع وضلالات الا تعلم ان كل ضلالة فى النار ومعها صاحبها ومن ممعه .

  3. اللهم أرنا فيه عجااائب قدرتك.. وأجعله عبرة لمن لا يتعبر..وأخسأ (حيرانه) (الحيرانين)…
    طبعا الجماعة لبدو لبدة كلب في طاحونة…
    كلهم سكتوا العطالة الحيارى…
    الغريبة انو دا اسمو ماعند علاقة بيهو يعني شابكننا شيخ (الأمين) شيخ (الأمين) وهو حرامي محترف..دجال زنديق…
    عجبنا ليك والله..وان شاء الله الكريم كدا عقبال يشنقوك ويرمو جيفتك النتنة في أبعد بير…المشكلة تقوم بي حسادتك وعفانتك دي تسمم لينا المياه الجوفية

  4. انت يا المسمي نفسك مريسه ماقلنا ليك غير اسمك القبيح دا
    اعوذا بالله انت مالقيت ليك اسم غير دا؟

  5. …هههههه…Naser ده اظنوا من الناس الطردهم شيخ اللمين من زاويتو…لانو ممكون فعلا…

    1. تم طرد شيخ الامين وحيرانه من زاويته في حي ود البنا شر طرده …. خروج نهائي

  6. الاخ الشايقي .. الميم عليها ضمة
    والراء عليها سكون والياء عليها شده ..
    الظاهر انت بتاع مرايس … الكلمة من التريُس

    1. ههههههـ طيب ضع العلامات حتى تُقرأ صحيح – لكن بشكلها الحالي يمكن تأويلها ولا يعني ذلك ان يكون الشخص (بجغم المريسة)

      مُرْيّسة

      ثانياً اخي ان الله غفور رحيم ويقبل التوبة .. فلندعو لانفسنا وله بالهداية

      تحياتي وودي

    2. قصدك : مَرْيَسَة … ههههه والله أنا برضو آسف كنت مستغرب في إسمك المتناقض مع فهمك دا ؟؟!!! لكن هسه وقع لي …. لكن المَرْيَسة برضو مشكلة …ههههه

    3. والله اتزعتوا منا الضحك انتزاع يا مريسة انت والشايقى نسال الله الهدايا لنا جميعا وان ياخذ المبتدعين الضالين للمستضعفين اخذ عزيز مقتدر

  7. غايتو الوهابية الشمار كاتلهم…يعنى حتى اليوم ماقدرو يعرفوا الزول ده قضيتو شنو..بس شابكننا دجال جكسى بيبسى….

    1. كدي … خلي الوهابية وأنا والله العظيم أنا ما وهابي ولا سلفي ولا أنصار سنة … إتْ رأيك فيهو شنو ؟؟؟؟؟؟

  8. …نرجو ان تتجه الدولة نحو القضاء الافكار والمذاهب الوافدة مثل التشيع والوهابية الداعشية. .حتى ننعم بالامن والاستقرار فى هذا الوطن.

  9. اللهم عليك بكل من شاركك في كنهك
    من التعبد التذلل والرجاء والركوع

    1. هو طبعا عمايله كتيرة . . لكن الظاهر العملة الاخيرة دى كانت كبيرة جابت خبره .

  10. يلا ورينا كراماتك يا شيخنا حتى لو تقفز بالمواسير، شيبوب عملها انت ما قادر تتخارج

  11. يا مريسة،اول مرة اعرف أنك انثى!
    وكنت ايضا اظن مريسة اسم الشراب المسكر المعروف!
    ولكن ما معنى التريس؟؟؟
    إلا إذا كنت تقصدين التريث بمعنى التمهل والتأني!
    فتكون:بضم الميم وفتح الراء’وليس سكونها’ مع كسر الياء المشددة وفتح الثاء ثم التاء المربوطة.
    كل هذا اكتبه بقصد نبيل ولا شيئ آخر.

  12. ياعمده لك ودي وعذري ..
    ماسمعت بالرئس .. الريسوهو وتيسوهو …
    وبرضو من الرئاسة …

  13. ههه غايتو عليكم غبلء مركب ومعليش للناس المحترمة نفسها لكن الناس الطير ديل رايكم فيهم شنو

  14. الله يهديك ياناصر بس انا محترم مابسيئك لكن ربنا هو البنتقم لي منك ياراجل

  15. كان لى مداخله بعد اعتقاله فى مطار لخرطوم و ذكرت أن القضية الاساسيه و التى كانت سببا فى تأخر عودة رأس الدولة الى الخرطوم فى أخر زيارة له لدولة الامارات العربيه المتحدة .
    الى الان لم تصرح جهات الاختصاص عن الاسباب التى ادت الى اعتقاله و ترحيله الى سجن كوبر بعد يومين من الاعتقال ؟
    شيخ الجيكسى م ن و تابع للنظام فى توجهه و سياساته و لا يمثل اى حزب معارض او حركه مسلحه ؟
    يعتبر من الرأس ماليه و لديه استثمارات خارج الحدود و يمتلك علاقات واسعه مع كبار رجالات الدولة و لديه مريدين من لطبقة المثقفه من اطباء و مهندسين و أساتذة جامعات و كبار تجار البلد و مشايخ الصوفيه تابعى المتبوع و تشيخوا ؟
    خريج جامعة الملك عبدالعزيز بالغربيه و وصل الى العالمية و أشتهر فى المحيط المحلى و الدولى و أسس الى بناء امبراطوريته الفريده فى العالم و جمع الشباب من مختلف الاجناس و الدول كما ذكر أنه مطور للصوفيه و استخدام التقنية الحديثه للربط بين المريدين و المشايخ و استخدام اللغات الاجنبيه لتجقيق اهدافه ؟
    اللهم لا شماته و كل ما حدث فى ايام معدودات بين الامارات و الخرطوم و الترحيل الى سجن كوبر واعنى بسجن كوبر ليس السرايا الصفراء و هى مخصصه للساسه و المعارضه و الشمالية لتنفيذ احكام الاعدام و الجنوبيه و الغربيه لعتاة المجرمين ؟
    الجرم الذى ارتكبه هذا التشيخ مس الاقتصاد السودانى (غسيل اموال ) والله اعلم ؟
    لم تنظر المحاكم فى قضايا الحيران وارعتداءات على سكان ود البنا و ود در وابوروف الاب عد أن اعتقل لماذا يا ترى ؟
    اغلاق الزواية بحكم قضائى من معتمد امدرمان على عجله و احقاق الحق و نصرة المظلوم ةالحمد لله الذى نصر اهلنا و احبتنا و خلصهم من هؤلاء النبت الشيطانى و بتره من جزوره و الله الموفق .

  16. اللهم أرنا الحق حقا وأرزقنا إتباعه وأرنا الباطل باطلا وأرزقنا إجتنابه