منوعات

اطلاق سراح شيخ الامين


نشر عدد من حيران شيخ الأمين ظهر يوم الإثنين صور وأخبار عن إطلاق سراح شيخ الأمين.

وقال نشطاء تم اطلاق شيخ الامين الساعة 2 ظهر يوم الإثنين وقام بمنع اتباعه من التجمع في مسيده بود البنا.

ونقل محرر موقع النيلين عن محمد عادل عضو حزب الأمة وأحد حيران شيخ الأمين تهنئة بمناسبة إطلاق الشيخ المثير للجدل الامين عمر الامين.

الجدير بالذكر أن دولة الإمارات العربية قامت بإعتقال الشيخ المثير للجدل “الأمين عمر الأمين” ثم ترحيله بعد عدة أسابيع للسودان .

ولحظة وصول شيخ الامين لمطار الخرطوم قامت السلطات السودانية بإحتجازه ثم تم إغلاق زاويته بمدينة أمدرمان .

وحتى الان لم يصدر أي توضيح سوداني أو إماراتي عن التهم الموجهة ضد شيخ الامين.

الخرطوم/ معتصم السر/النيلين
الامين2


‫25 تعليقات

  1. غايتو الوهابية بيكونوا ماتوا…كل ما يقولو الزول ده انتهى يظهر اقوى واقوى…

    1. وهذه أول خطوة في توقعاتي

      المرحلة الجاية حيكرم

      ومن ثم سيقلد وسام ابن السودان البار

      اصبري بس

    2. كدى خلى الوهابية على جنب وخليك فى نكبة شيخك الامين . . حتى ولو صح خبر خروجه من السجن فهو لم يخرج منتصرا بل خرج مهزوما بالقاضية الفنية من الجولة الاولى وصار كدلقون قديم لايصلح حتى لمسح الجزم . أما معالم هزيمته البائسة فتتلخص فى الاتى :
      أولا : خرح من سجون الامارات بعد أن دفع كل مطالبات القضايا المرفوعة ضده ويقال انها تتجاوز ال25 مليون درهم .. يعنى جه راجع من هناك يامولاى كما خلقتنى ودة طبعا خبر سئ للحيسة الموائد والفتات .
      ثانيا : ممنوع من دخول الامارات مدى الحياة وهذا يعنى حرمانه من اعادة كل بلطجاته المالية التى كان يقوم بها فى دبى والتى لن تتوفر له فى أى بلد أخر .
      ثالثا : اصبح من مرتادى السجون فى السودان بعد عودته ونزيل سجن كوبر والعياذ بالله مما أدى لتدمير صورته المزيفة وهيبته المصطنعة أمام المجتمع عموما وأمام حمرانه المخدوعين خصوصا .
      رابعا : تم قفل وكره بأمر السلطات ومنع اقامة حفلات الساوند سيستم التى يسميها ذكر ولو أن السلطة تأنت قليلا لقفلها اللمين بنفسه لضيق ذات اليد .
      أذن قل لى أين قوته هنا ولا حول زلاقوة الا بالله .

  2. على الذين اتهموا زورا وبهتانا وافكا…ان يستغفروا ربهم ..وان يقعوا ارجله طالبين السماح. …عسى ان يغفر لهم المولى انة غفار.

    1. اتق الله يا رجل من من المسلمين قعى لرسول الله حتى يقعوا لتافه زي هذا الرجل .. انه احقر من ان تقوم له ليجلس ناهيك ان يقعوا له عند قدميه وكان بهذا الكلام تمثله بادم عليه السلام حين امر الله الملائكة بالسجود له وقال في معنى الاية فان سويته فقعوا له ساجدين كما جاء في الاية ,, وهيهات ان تمثل هذا الدعي بادم عليه السلام ….

  3. شيخ الامين لم يكن معتقلا…هو اجراء روتينى ارتد بهة جهاز الامن الاحاطة بأطراف الأمر. ..ولكن الوهابية وما يطلق علية الوهابية ( م.ن )اى مغفل نافع. ..هم من سعو لتصوير الامر كذلك…

  4. البموتم شنو ياناصر!! خزعبلات شيخ الامين أم استغلال حيرانه له لانهم عواطلية لاماهم الجنيهات البوزعا ليهم بعد الرقيص والغناء…وصدقني استغلالهم له هم عارفين انو الزول دا ماعندو علاقة بالدين بس عندو علاقة بالبزنس والقروش وبقولو نحنا مالنا مدام امورنا ماشة ان شاء الله يدعي النبوة..ياناصر ماتتكلم ساي والوهابية البتقولم ديل ماعايزنك تكون عبد زليل لي شخص اصلا هو عبد زليل عايزنك تكون مع الله دا كل الموضوع…

    1. الدليل علي انو بعيد عن الدين انو اتباعو بسبو العقيدة والعياذ بالله

  5. يااخينا القحطاني الوهابية والصوفية طرفي نقيض ونشاة الوهابية لتدمير الاضرحة والزيارات والتبركات التي لاتجوز والوهابية أساسها كتاب الله تعالى وسنة رسوله الكريم صل الله عليه وسلم

  6. …ههههه…المعادين لشيخ الامين صاروا أشبه بسحرة فرعون. …خاصة فى استرهابهم للناس كى يعادوا ذلك الشيخ.

  7. لا ادرى على اى اساس بنى هؤلاء حملتهم على شيخ الامين. ..هذا الشخص يكفيه عدد الذين دخلوا الاسلام على يدية من عرب واعاجم…

  8. يا جماعة ايه رايكم ان هذا الرجل في ورطة كبيرة جدا ولن يتخارج منها بالساهل .. مصادر المعلومات تقول انها الطامة التي المت به وربما هاجر خارج السودان لاي دولة اوربية تاركا حيرانه في حيرة من امرهم .. هل هذا هو الذي كانوا يعتقدون انه شيخ .. هل يعقل ان يكون بهذا الضلال ..
    نعم انه كان اكثر مما تتخيلون من ضلال وافك وكذب وضحك على السذج البلهاء .. واتحدى اي واحد من حيرانه او او تلامذته ان ياتي ويدلي لنا بدرس تعلمه من هذا الدعي ؟؟
    اتحدي كل من يدعي ان هذا الدعي يعرف شيئا من القرآن ان ياتين بتفسير خاص به ولو لايه هذا الرجل لا ينطق الايات سليمة ناهيك عن انه لا يحفظ الا بقدر ما صلي به ..
    واطلب من اي واحد من المضحوك عليهم ولازم هذا الدعي ان ياتي لنا باي دليل عرف به انه شيخ او عالم جليل يجب ان يعامل معاملة العلماء والشيوخ ..
    كذاب افاك منافق لا يعلم من الدين ولا يعلم من السنة التي ستدل بها فقد فضح نفسه من قبل في اللقاء التلفزيوني .. ويا خبر بفلوس بكرة ببلاش .. ولعلمكم دول الخليج تتعامل مع بعضها في ملفات المجرمين فان كان قضيته في الامارات تحرمه من الدخول فالله اعلم تاني يشوف مكة ولا المدينة

  9. ياسلام يا سلااااااااااااااااااااااااااام الف حمد لله علي السلامة علي اطلاق صراح شيخنا الامين عمر الامين نفعنا الله بجاهه والف حمد لله علي السلامة والله اكبر فليخسا الخاسئين الله اكبر كييييييييييييييييييييييييييييييييييييية للشمتانين رغمو انو شيخ الامين اكبر من عقول الشمتانيين ويا شمتانيين معزومين معانا حولية وكرامة وتجمع ضخم لسلامة شيخ الامين

  10. تصحيح الآيه يا الاخ mukh Mafia
    (- فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ)

    1. تسلم اخي الكريم انا لم اورد النص حتى لا اقع في الخطأ النصي والاملائي ولذا قلت كما جاء؟؟؟وقال في معنى الاية فان سويته فقعوا له ساجدين.. وبهذا اكون قد تجاوزت الخطأ .. اتتفق معي

  11. …ياخى انتو ما بتزهجو من الاسطوانة المشروخة دى…اعداء الدين يتربصون به ونحن نتربص بى بعضنا البعض…

  12. اها العطالة جزم الزنديق ظهرو….
    تعالو النسألكم (سألكم نكير).. انتو شيخ هباب بتاعكم دا قبضوهو لي شنو؟!!!…
    الشينة منكوووورة..

  13. …ههههه…Naser لسه بيسأل عن ما اقترفه الشيخ…فعلا عقلية قطيع…بيعنى هيمة و عندها جوال…ههههه…الله يخيبك. …يتبكى و ما عارف الميت….

  14. ناصر ده معزور يا ناس بيستخدم ساقط القول ، مثلا جزم ، واطى،،،،، وهكذا .ما تردوا على هذه الشاكله فكل اناء بما فيه ينضح

  15. تلحقنا وتنجدنا وتكشحنا بي فاتحة مدنكلة عمرنا كله ما نقع في ورطة زي الوقعت انت فيها وتدينا حيران تجم بجم ورييسينم مقفلة لا بشوفو الحاصل ولا بسمعو كلام الا كلام الشيخ وعلمنا شوية حركات نقنع بيها الحيران المثقفين يمشو ورا المدروشين كترنا عليك لاكن معليش من عشمنا فيك خاصة بعد ما عرفنا انك من اصحاب السوابق وبتقدر على الحاجات البسيطة دى

  16. حسبي الله ونعم الوكيل ،،،

    بالله شوفوا الناس وصلت وين !!!!!!!!! ونحنا لسع بنتكاتل في : شيخ فلان علي حق … ومش عارف مين علي باطل …

    عقول متحجرة …

  17. الذي لا أستطيع فهمه ما هو سر هذا الهوس الذي أصاب المجتمع السوداني بشيخ الأمين أو غيره من الأمور الانصرافية أين الشعب من قضايا مصيرية تهم هذه الأمة التي تسمي نفسها السودان وأهمها على الإطلاق هو الهوية .من نحن وماذا نريد ؟ الذي يبدو جليا أن الشعب أصبح مشتت التفكير ولا يدري عما يريد
    هل انشغال الناس بموضوع الأمين كونه لديه علاقات بالحكومة ! إذا فالشعب يكره الحكومة ! فماذا اذا عندما قامت جميع الشعوب العربية طلعتو مديتو ريسينكم شوية ومع اول بمبان عييك
    بعدين ترباس ما مع الحكومة وفرفور وندى القلعة وجمال الوالي بتسمعو اغانيهم وتشجعو فرقم .يعني زول ما عندو أي ثقل سياسي ولا حزب والناس تكرهو عشان بتصور مع البشير وبزوره دا كلام عباره.
    إذا كان المشكلة مع الصوفية فلازم اذا الواحد يحدد هو شنو تلقى الواحد ينبذ الصوفية ولمن تسالو انت فكرك وهابي يقول ليك لا تقول ليه انت إخوان يقول ليك لا طيب انت شنو ؟
    فكريا العالم الإسلامي السني ينقسم إلى 3 فئات الاشاعرة والماتريدية والوهابية .الاشاعرة والماتريدية هم السواد الأعظم منها ومنهم كثير صوفية ويتركزو في جميع البلاد الإسلامية ومنهم أغلبية علماء الأمة .فالواجب أن الواحد يحدد هو وين ويتبع من وبعد داك يصبح دا موضوع علمي للنقاش
    غالبية أهل السودان صوفية وكل من تزوج والداه قبل 25 سنة عقد قرانهما شيخ صوفي حيث كانت أغلب المساجد تتبع لهم وقلة قليلة هي مساجد الوهابية والإخوان .لذا هناك سوال مهم وهو يا من تعتقدة بأن شيوخ الصوفية على ضلال وكفار هل تعتقد بأن زواج عقده هولاء الشيوخ باطل فإذا كان الجواب نعم معناها بقينا زي عمك القتل الناس داك في مدني ومرحبا بداعش في السودان وابقو عشرة على رقابكم

  18. كبير المنافقين ودجال وضلالي والحيران انتفاعية
    عاوزين القروش فقط مافي زول فيهم عاوز علم لانو كبيرهم ماعارف حاجة غير النفاق وفات مسيلمة الكذاب
    وفرعون زاتو
    اختشي يا وهم انتا
    وشيخك دة ماخلو ليهو جنية واحد كل قروش الدجل انتهت شوف ليك جمبة جديد اترزق منها انتا والوهم الزيك
    وشيخ مافضل ليهو الا جلابتو الخدرة دي
    وحيشلوها منو وتاني لا تعملو حولية سيد العريان
    كل زول اكورك براهو
    عجب والله