منوعات

تشريعي الخرطوم يكشف عن رسوم شهرية على (الدرداقات)


كشف رئيس لجنة الشؤون المالية والاقتصادية بالمجلس التشريعي لولاية الخرطوم التيجاني أودون عن فرض رسوم على (الدرداقات) بمحليات الولاية بلغت (15) جنيهاً شهرياً، ونفى أن تكون تلك الرسوم لليوم الواحد.
وقال أودون في حوار مع (الجريدة) ينشر لاحقاً، إن رسوم (الدرداقات بالمحليات بلغت 15 جنيهاً شهرياً، وهي ليست يومياً)، وأضاف: (أي زول يدفع أكثر من ذلك يكون ارتكب خطأً).
وشدد رئيس لجنة الشئون المالية والاقتصادية بالمجلس، على ضرورة عدم تجاوز ذلك الرسم، وتعهد بمتابعة أي قرار تتخذه اللجنة المالية، وزاد: (ربنا بسألنا عن رفع العبء عن المواطن).

صحيفة الجريدة


‫4 تعليقات

  1. أي زول يدفع أكثر من ذلك يكون غلطان؟ غلطان هو ولا غلطان الشال منو القروش الأكتر من ذلك؟ ثم تانياً تعريف الرسوم هو مبلغ يؤخذ نظير تغطية نفقات خدمة معينة، ماهي الخدمة التي يتم تحصيل رسوم الدرداقات مقابلها؟ ده بدل ما تمسكوا الأولاد اليافعين ديل وتقولوا ليهم ليه وتودوهم مدارس يتعلموا فيها بدل ما يضيعوا مستقبلهم ورا درداقة لا تسمن ولا تغني من جوع؟

  2. النظام ضروري يا ابو حلا
    كل شي لازم يتقنن ويتنظم وما اظن 15 جنيه كتيرة
    وبعدين المحلية ما مسؤلة عن دراستهم في جهات تانية هي اللي بتعمل الحاجة دي

  3. والله لو بتشوفو البحصل بعيونكم

    ناس المحليه ديل ذره رحمه ما عندهم أنا أتفك مع ناس الكشه بس ما بتفك مع الأعمال البقومو بيها دي ديل بيكشحوا النعمه في الواطه الأكل ومياه الشرب ومصادره الدرداقه شوف عيني واحد بيشيل الرشوه من المساكين ديل
    صاح خاربين النظام وجايطين السوق بس هم مجبورين يعملو شنو يعني يمشو يسرقو وين التعامل بالحكمه. وين اللطف بي المساكين
    ديل عليك الله أسي بفرضو عليهم رسوم ما تخجلو ما تخافو الله من عرق المساكين
    (ربنا يهدؤنا ويهديكم )