زواج سوداناس

غرامات مالية في مواجهة نجل “وزيرة سودانية” وآخرين بعد محاكمتهم بممارسة الدعارة وتعاطي الحشيش



شارك الموضوع :

أدانت محكمة بلدية الخرطوم شرق نجل وزيرة اتحادية و(5) من رفاقه بتهمة ممارسة الدعارة وتعاطي الحشيش، وأصدرت المحكمة غرامة مالية قدرها «2000» جنيه في مواجهة كل مدان، وقررت المحكمة توقيع عقوبة السجن (6) أشهر على المدانين في حالة عدم دفع الغرامة المالية.

ونقل محرر موقع النيلين عن صحيفة اخر لحظة الصادرة صباح الثلاثاء، أن المدانين الـ(6) (3)شبان و(3) شابات أمضوا ليلة في السجن، لعجزهم عن دفع الغرامة التي دفعت لهم يوم الإثنين وتم الإفراج عنهم.

وتعود تفاصيل القضية إلى أن معلومات توفرت لشرطة أمن المجتمع بالخرطوم شرق عن وجود شقة تمارس فيها الدعارة، وتمت مداهمتها من قبل الشرطة وألقت القبض على (6) متهمين بنين وبنات من بينهم نجل الوزيرة، كما عثرت الشرطة على كمية من البنقو بطرف المتهمين، وتم تدوين بلاغ في مواجهتم بقسم شرطة أمن المجتمع، تحت المادة (154) من القانون الجنائي والمتعلقة بممارسة الدعارة والمادة «20أ» من قانون مكافحة المخدرات،

وأدانت المحكمة المتهمين بمخالفة المادة(154)، وتم فصل بلاغ المخدرات في مواجهتهم، وأضاف المصدر أن الشرطة استلمت المدانين عقب محاكمتهم في بلاغ الدعارة لتقديمهم مرة أخرى للمحاكمة في بلاغ المخدرات.

الخرطوم/معتصم السر/النيلين

شارك الموضوع :

تعليقات الفيسبوك

تعليقات


29 التعليقات

إنتقل إلى نموذج التعليقات

      1. 1
        aboush

        Good luck

        الرد
      2. 2
        aشافوه عرفوه خلزه

        يا بخت اولاد العلالى وذوى المال والنفوس ويا بلاش هتك اعراض الناس ويضربوا بالالفين جنيه عرض الحائط و ايه يعنى متعة ليلة مقابل الفين بل مائة الف ماداموا يملكون المال ولن يلحقهم الجلد ولا السجن ولن تعرض صورهم على الصحف ولن يعرضوا على التلفاز ليراهم الناس ولتاخذ الفتيات حذرهن من خداعهن

        الرد
        1. 2.1
          هريسه وهردبيسه

          ما كل اولاد ذوي العلالي والمال فاسدين …. وحسب ما انا شايفوا اغلب االبفسدوا اخلاقيا وماليا هم في الاساس كانوا فقراء لا يملكون المال … فاغتروا حينما جاءهم المال فجأ … الا من رحم ربي

          الرد
        2. 2.2
          عابد

          والله كلامك حقيقه وواقع لو في اذن تسمع يخس على القانون والله لا توجد عدالة بالسودان ولا معنى للشرطة فقط تحرس المسؤولين كبار مسؤولي الدولة ….عشان م ينطط لينا زول ويقول انت بتخرف لكن انا مسؤول من كلامي واقع هسع لو سرقت اي حاجه اول شيء تؤجر عربه تفطر العسكري كيس خضار لدرجة تدفع مبلغ لجلب الكلب البوليسي تصرف نص المبلغ الى ان تصل قضيتك وكيل النيابة وكيل النيابه يوم وراء يوم النص الاخر ينتهي لمن ترفع للقاضي انت مديون تقول ياجماعة عاوز العفو يعني بالعربي الفصيح توبه توبه من تشتكي ولا تقول ان سرقت ولا مظلوم … والله والله وهذا بلاغ مني في ظلم ظلم شديد بالوضع الذي فيه اقسام الشرطة وكلاء النيابات لن امس القضاء لم اجربه لكن من وكيل النيابه لحد اخر جندي شرطة يوم القيامة الله يعينكم يا سعادة المسؤولين نرجو تحسين عمل الشرطة متابعة قضايا الناس سرعة الاجراءات م معقول زول يفقد حاجته بسبب تباطيء العمل يفقد م بلغ عنه

          الرد
        3. 2.3
          مصعب

          دا بحصل عند الفقير والغني بس لو عندك شوية قريشات في السودان إلا تخلي البلد وتعيش بيهم برة من الحسد … الفيديوهات الداعرة البتجيك من وقت للتاني جزء كبير منها في بيوت بسيطة وحقت ناس فقراء ما مقرشين … البنقو دا حايم في الكلاكلات والحاج يوسف وأمبدات أكتر من المنشية… العرقي الرخيص أكتر من المشروبات الغالية حقت المرطبين … بس لو زول عنده شوية قروش و غلط إلا يطير .. شماتة جد … الحسد والحاجات دي مرض لما الزول يكون وضعه سئ عشان يحاول يتعايش ويقنع نفسه بإنه كويس .. بس لو كان أحسن وإتقي كان أفضل ليه … ما كل الفقراء حاسدين وما كل العندهم شوية قريشات فاسدين .. الناس ما تكيل بمكيالين

          الرد
      3. 3
        محمد ادريس

        شى طبيعى ولد الوزيرة بعد طلعوا من مشكلة مخدرات يتورط دعارة من أمن العقوبة ساء الادب المشكلة انو الوزيرة وزيرة عدل ما عارف السيد رئيس الجمهورية رايو شنو برضوا ها يرفض الاستقالة برضوا

        الرد
        1. 3.1
          aشافوه عرفوه خلزه

          اخى فى بلاد الادميين حتى المسؤولين يحاكموهم ويعرضوا صورهم وبياناتهم رغم انهم معروفين للعامة كما يحدث الان مع وزيرة خارجية السويد وكثيرون غيرها
          اما عندنا فى السودان فالمحكمة تقول للمجرم مادمت من اولاد الهاى لابف افعل ما بدى لك بس المهم حضر فلوس الغرامة علشان ما تقوم علينا الشعب والشبهات وتحطنا فى حرج يا بلاش اعراض الغلابة لا تسوى عندنا صفة تمباك ما دام هاتكها ولد وزير او مسؤول
          والى ما له ظهر يستند عليه يضرب على قفاه
          والله اننا نعيش عهد الطبقية والسادة والعبيد

          الرد
      4. 4
        زول نصيحة

        انتو الحكومة ما لقت من نسائنا غير الوزيرات امهات المتحرفين والساقطين ديل؟؟؟

        الرد
        1. 4.1
          aشافوه عرفوه خلزه

          اخى زمان كنا نسمع المثل القئل الولد يطلع على ابوه ولكن فى زماننا فالواقع يكذب هذه المقولة فاصبحت المقولة الولد يطلع على امه وخصوصا الام هى التى تربى

          الرد
      5. 5
        زول سوداني

        منقول من النيلين….نشر قبل قليل…..

        أعلنت نيابة مكافحة الفساد في السويد، الثلاثاء 19 يناير/كانون الثاني 2016، أنها فتحت تحقيقاً أولياً حول الظروف التي استأجرت فيها وزيرة الخارجية مارغو فالستروم شقة من نقابة.

        وكتبت النيابة في بيان: “نشرت وسائل الإعلام منذ الجمعة معلومات مفادها أن ممثلين لنقابة كومونال وعدوا بين نهاية صيف 2014 ثم قدموا عقد إيجار لوزيرة الخارجية مارغو فالستروم لشقة في استوكهولم تملكها هذه النقابة”.

        وبسبب الشبهات التي تحيط بهذه القضية قررت النيابة بالتالي “فتح تحقيق أولي بتهمة الفساد لتحديد ما إذا تم ارتكاب جنحة”.

        وبدأت الفضيحة حين كشفت صحيفة “افتونبلادت” أن نقابة الوظائف العامة “كومونال” وعدت الوزيرة بشقة في العاصمة بإيجار يتطابق مع السقف المحدد في القانون، لكن من دون انتظار سنوات طويلة على غرار ما يحصل مع المستأجرين العاديين.

        أثارت استياء السعودية وإسرائيل

        وفالستروم (31 عاماً) شخصية تثير الجدل في حكومة اليسار السويدية. وقد أدلت بمواقف حادة في مجال حقوق الإنسان أثارت استياء في السعودية وإسرائيل.

        وردت الوزيرة على الفور على قرار القضاة قائلة: “أنا أشيد بفتح تحقيق. ليس لديّ ما أخفيه، وهذا أمر جيد أن يتم توضيح كل شيء”.

        وقالت بحسب وكالة الأنباء السويدية: “سأواصل أداء عملي”.

        وهذه القضية وضعت وزيرة الخارجية في موقف محرج وألقت الضوء على مشكلة السكن في استوكهولم، المدينة التي تعاني من نقص في الأبنية الجديدة منذ فترة طويلة.
        ……………..
        لا تعليق.

        الرد
      6. 6
        ابوالفاضل

        لو كان ود مسكين ماذا يحدث؟

        الرد
        1. 6.1
          aشافوه عرفوه خلزه

          طبيعى حنشوفه فى التلفزيون وصورته فى الصحف وحيتعرف عليه الجميع وسيجلد ولربما لوكان محصن يرجم على فرجة من الناس ويتحط رؤوس اهله واصحابه وذويه فى الارض وتداس كرامتهم وتدنس شرفهم وسمعتهم والنهاية ياكل خرة
          اما ود الوزيرة فليفعل مايحلو له واعراض فتيات المساكين رهن اشارته فهى مباحة له ولامثاله بس عليهم يوفر تكلفة الغرامة الرمزية
          هذه هى الحقيقة شاء من شاء وابى من ابى وطز فى الظالمين ولهم يوم مهما طال اعمارهم وطغوا وتجبروا على العباد

          الرد
        2. 6.2
          مصعب

          إنت زاتك تلقاك لو جلدوا ليهم واحدة مسكينة ضد حد الجلد … ليه يجلدوا دا يعني؟ عشان أمه وزيرة؟ ما تكيل بمكيالين ؟ الناس ديل في شقة ويمكن عادي ما ضبطوهم في حالة زنا بأربعة شهود عشان كدا الغرامة … والغرامة دي لكل الناس في السودان مساكين وأغنياء … وإنت يا التاني منو القاليك ديل بنات مساكين؟ ما يمكن صاحباتهم وغنيانات؟ ليه تسئ لكل البنات الفقراء ضمنيا إنهم بضيعوا شرفهم؟ لأنه نفسك جواها كدا صاح؟ إستغفر وإعتذر

          ما عشان بنكره الحكومة والمسؤولين الفاسدين يعمينا الحسد ويبقينا ما عندنا أخلاق وبنكسل بمكيالين … الزيكم ديل ياهم لو مسكوهم الحكومة ببقوا الفساد زاتو

          الرد
      7. 7
        احمد شلبي

        وتم فصل بلاغ المخدرات في مواجهتهم،
        ونعم الكيزان

        الرد
      8. 8
        زورو

        هل هناك قانون سري يحمي ابناء الوزراء من الجلد
        لماذا لم يجلدوا
        في الخرطوم يتم جلد اصحاب الركشات المساكين بسبب مخالفات مرورية مثل لون الرقشة والعمل ليلا بينما يكتفى بتغريم الداعرون والداعرات المسطولون والمسطولات من ابناء الوزراء
        لقد حق عليكم القول

        الرد
      9. 9
        زرد يه

        ده ود تور الدين تاااااني
        حسب الراكوبه
        دبتي المست غرورك

        الرد
      10. 10
        سبحان الله

        ما حصل سمعنا ابن مسؤول ختم المصحف او اخترخ شئ يوم بنقو يوم مخدرات يوم دعارة ويوم داعش اعوذ بالله منكم

        الرد
        1. 10.1
          مصعب

          يجيبوا ليك في الجريدة لما يحفظ القران؟ عشان تدق جرس برضو؟ ومنو القاليك ما قاعد يخترعوا وما قاعدين ينتجوا؟ حسد ساااااااكت صاح؟ كلام فكيته كدا ساي من غير أي تفكير

          ما كل المسؤولين أولادهم فاسدين ولا كل المسؤولين غنيانين يا أخوي .. الحكومة كعبة والفاسدين دايرين قطع الراس عديل .. بس ما تبقي زيهم

          الرد
      11. 11
        ام سهل

        وحدة ولدها بتاع دعارة ومخدرات وكيف تكون كفؤة لتشغل منصب وزيرة مفروض قبل ما تبقي وزيرة كان يتحرو عنها وعن اخلاق اهل بيتها كيف وزيرة وقدوة واهل بيتها اخلاقهم سبئة
        وطبعا عادي ح تدفع لابنها الغرامة ويطلع عادي كان لم يحصل شئ ويعيد الكرة تاني وامو تدفع اموال ساااايبة
        اجلسي في البيت وشوفي عيالك احسن ليكي … اكسبي عيال سوويين اخلاقيا اخير ليكي من جمع المال

        الرد
        1. 11.1
          h

          ما رأيك يا أم سهل في ولد نوح أو زوجة لوط هما ابن وزوجة انبياء. كل نفس بما كسبت رهين. ارجو عدم الشماتة

          الرد
          1. ام سهل

            لو قريت كلامي كويس وفهمتو ح تعرف انو كلامي ما فيهو شماتة اني لا اشمت والعياذ بالله انا بقول الام احسن ليها تجلس في البيت وتهتم برعاية ابنائها
            بدل اهمال تربيتهم واللهث وراء المال ودي ما شماتة دة كلام موجه لكل ام اولادها محتاجين مراقبة لانو ماكل الابناء محتاجين متابعة ومراقبة يكفيهم التربية من الصغر وغرس المبادئ والتربية الدينية بس في لا يولون لتربية ابائهن اهتمام
            (

            الرد
            1. ام سهل

              انا بس مستغربة هي كانت وين منو لغاية ما تورط وادمن مخدرات وكمان دعارة
              دة لو ولدي والشر برة وبعيد والله كان بنفسي سلمتو وبلغت عنو عشان يتادب ويبقي مدام انا ما قدرت عليهو
              دعارة ومخدرات يا اخ h ما حاجة ساهلة دة ضياع ما بعدو ضياع ودة كان ح يكون رايي لاي زول مهما كان منصبو يعني ما شماتة لانو انا اصلا ما عندي معاها سابق معرفةدة رايي

              الرد
        2. 11.2
          البطل النميري

          صدقيني لو كان البيت سوي ما كان طلع ولدها بالسوء هكذا
          إذا كان رب البيت بالدف ضاربٌ فشيمة أهل البيت كلهم الرقصُ.
          طلب الخليفة عمر بن الخطاب من واليه في مصر الصحابي
          عمرو بن العاص رضي الله عنهم بالحضور للمدينة عندما علم
          أن ابن عمرو بن العاص ضرب شاباً ، فقال الخليفة عمر بن الخطاب
          رضي الله عنه قولته المشهورة (متى استعبدتم الناس وقد
          ولدتهم أمهاتهم أحراراً)؟ ، ثم أمر من الشاب أن يضرب بن
          عمرو بن العاص مثلما ضربه ..

          الرد
      12. 12
        سوداني

        الولد مصود عشان امه وزيرة شنو يعني معاهوا بنات او بنقو لو اي واحد بشرب بنقو او يمسكو مع بنات ٩٠% من السودانين يكونوا في السجن

        الرد
        1. 12.1
          ودامدرمان

          وهل أنت من الـ 90%. استغفر لربك مما تقول، رغم الفساد الأخلاقي في البلد إلا أن نسبة المفسدين لا تصل إلى هذا الحد حتى في الدول الإباحية.

          الرد
        2. 12.2
          مصعب

          بالزبط كلامك … دا بحصل عند الفقير والغني بس لو عندك شوية قريشات في السودان إلا تخلي البلد وتعيش بيهم برة من الحسد … الفيديوهات الداعرة البتجيك من وقت للتاني جزء كبير منها في بيوت بسيطة وحقت ناس فقراء ما مقرشين … البنقو دا حايم في الكلاكلات والحاج يوسف وأمبدات أكتر من المنشية… العرقي الرخيص أكتر من المشروبات الغالية حقت المرطبين … بس لو زول عنده شوية قروش و غلط إلا يطير .. شماتة جد … الحسد والحاجات دي مرض لما الزول يكون وضعه سئ عشان يحاول يتعايش ويقنع نفسه بإنه كويس .. بس لو كان أحسن وإتقي كان أفضل ليه … ما كل الفقراء حاسدين وما كل العندهم شوية قريشات فاسدين .. الناس ما تكيل بمكيالين

          الرد
      13. 13
        واحد

        إنما. هلك. من. قبلكم. كان. اذا. سرق. الضعيف. أقاموا. عليه. الحد. ، و اذا. سرق. الشريف. تركوه. ، أني. اري. نهاية. أمة. و الله. نسال الأمان. مما فعل. السفهاء

        الرد
        1. 13.1
          مصعب

          إنت زاتك تلقاك لو جلدوا ليهم واحدة مسكينة ضد حد الجلد … ليه يجلدوا دا يعني؟ عشان أمه وزيرة؟ ما تكيل بمكيالين ؟ الناس ديل في شقة ويمكن عادي ما ضبطوهم في حالة زنا بأربعة شهود عشان كدا الغرامة … والغرامة دي لكل الناس في السودان

          الرد
      14. 14
        كوكو الضعيف

        اذا سرق الشريف تركوه واذا سرق الضعيف اقاموا عليه الحد ……..اذا زنا الشريف وابن الشريف تركوه و,,,,,,,,,,,,,,اه يا بلد

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *