منوعات

سودانيون على فيسبوك يقولون للرئيس البشير: بنحبك يا ريس.. ويلقبونه ب “بشير الخير”


تبارى مدونون على شبكات التواصل بالتعبير عن تقديرهم لتواضع الرئيس السوداني عمر البشير، ونقل محرر موقع النيلين تدوينة للرئيس السابق لاتحاد طلاب السودان “النيل الفاضل” حيث كتب (رجل نحبه في الله، متواضع يحترمك مهما كان عمرك، حفظك الله سعادة المشير البشير).

وجاءت التعليقات على خلفية صور زيارة الرئيس البشير يوم الثلاثاء لمشروع “امطار” الزراعي السوداني الإماراتي، وكتب طارق محمد خالد
( مشيت الخطوات الصاح يا ريس ، سير ..سير يا البشير، يلا عائدنا منها 30 مليار دولار علي الاقل، اما آن لهذا الشعب ان يرتاح قليلا ويهنأ …. !!).

ومن التعليقات التي رصدها محرر موقع النيلين

– رجل بقامة الوطن …حفظك الله للشعب
– والله لولاهذا الرجل لتوقفت مسيرة الانقاذ لان الناس تري فبه مصداقية الانقاذ والان الحوار الوطني بضمانه الشخصي

– ربنا يوفقه لما فيه مصلحة الامة السودانية
– (احب الحكومة واموت في الرئيس) على قول الشاعر

– بشير الخير، اسأل الله ان يعينه ويوفقه
– فيه يتجسد معنى (سودان العزة )

-البشير حبيبنا حفظه الله
-والله بنريدك ياريس

-البشير حبيبنا حفظه الله .. ربنا يعينه في مسئوليته الكبيرة
– حفظك الله سعادة الريس

– وانا احب البشير والنيل في الله
– اللهم زده صحة وعافية.

الخرطوم/معتصم السر/النيلين


‫14 تعليقات

  1. امنجيه حراميه منتفعين رباطه
    شواذ والباقين زي ود تور الدبه

  2. خير شنو البيتكلموا عنو الناس دى الناس دى ما قاعده فى البلد دى ولا شنو البلد الراجل ده انتهى منها

    1. اسد عليك بس ياوهم …
      نسيت لما شرد من جنوب افريقيا ولا شنو ؟؟؟؟
      ولا نسيت لما شرد من نيجريا ….
      قال اسد قال………

      1. يا ابو احمد زي الما (الزين الرزيقي) دا ما بردو عليهو

        ريح بالك منو وانساهو

  3. فين الخير وهو قضي علي الاخضر واليابس منتفعين طبالين حرامية كذابين

  4. ديل الجداد الالكتروني لان كل سوداني يسب ويلعن البشير والحكومة
    هذا النفاق والكذب مضر ضرر كبير لانه يوصل صورة مغايرة للرئيس ويجعله عايش في وهم بعيد عن الواقع

  5. علي الطلاق حتي العجائز عمر 95 ومافوق
    ادعوا عليهو صباح ومساء .. ياخونة يامنتفعين
    كلكث حرامية وبتاعين امن كل واحد سلموهو دبل
    قبينة عظان اصعلف بيها .. كلكم جيعانين ووسخانين

  6. البشير ده لكن الكبر ظهر فيهو خلاص .. ملامحو اتغيرت الراجل ده وكرعينو اتكعوجت .. خلاص ما بقى في الصحة صحة زمان

  7. آ الرزيقي عشان ادا اهلك سلاح يكتلوا الناس شمال يمين
    على الاقل انت دوافعك قبلية احسن من الجداد الالكتروني
    قبيلتكم دي محتاجة اعادة تأهيل فرقكم شنو هسي من قبايل اليمن والسعودية على الاقل ديلاك عندهم قروش يدارون بها سوئاتهم

  8. كلها ستذهب لجيوب كبار الإنقاذيين المتنفذين والشعب يأكل نار …. ود مش الأمنجي المصور مع الكلاش داك . سمعنا قالوا أدوه بالجزمة وطردوه شر طردة والآن موجود بإحدى دول الخليخ العربية …..

  9. الصوره توحي بالشبح ؟؟؟؟ انتو متأكيدن انو هو هو الرئيس ولا شبح الرئيس سبحان الله يمهل ولايهمل

  10. الناس البتشتم البشير نفسي اغرف علي اساس ولا انت عندك بديل يغير حال السودان.. انتو السودانين كده ضعيتو نميري وجبتو الصادق والسجم والرماد خليتو البلد ذي الراكبو في الخريف وخليتو البلد كلها طوابير.. في المخبز.. في البنيز.. وهلحرا ذي ما بيقول الصادق.. وهسع الفي راسكم شنو مامعروف.. تسمعو كلام الناس العاملين معارضه ديل والله الفي هسع ده ما تلقو. ديل ناس مقاطيع ماعندهم التكتح..