زواج سوداناس

شيخ الامين يحكي تفاصيل اعتقاله في الامارات: باكستاني من فريق التحقيق قال لي”صديق، ستسجن 8 سنوات” فقلت له “الله لا كسبك”.. يمكنك الاستماع للتسجيل



شارك الموضوع :

قال الشيخ المثير للجدل أن دولة الإمارات بها 152 جنسية على خلفية إعتقاله بها ومن ثم إطلاق سراحه، وأضاف أن هنالك شخص قال للسلطات الإماراتية (أن شيخ الأمين لديه علاقات مع شيوخ كبار، وأن لديه علاقة قوية جداً مع ثلاثة ضباط مخابرات قطريين).

وحكى شيخ الأمين التفاصيل التي تم بها توقيفه بدولة الإمارات ووصف أن إعتقاله تم بطريقة “ظريفة جداً”

وحكى كيف أن الضابط الإماراتي قال له نحن نعرف كل شئ وعليك أن تعترف.

وقال شيخ الأمين ان الأمن السياسي الإماراتي اتهمه بدعم الجهاد لكنه رد لهم (دا فريق كرة) “فريق الجهاد الامدرماني لكرة القدم” .وليست لدي دعوة بالجهاد أو المخابرات.

وأضاف شيخ الأمين وهو يشرح مكان حبسه بدولة الإمارات بأنه عبارة عن غرفة مكتملة الخدمات مع العناية الطبية وتوفير مختلف الأطعمة.

وقال شيخ الأمين بحسب التسجيل الصوتي الذي إستمع اليه محرر موقع النيلين، يحكي عن أحد أعضاء فريق التحقيق معه وصفه بالباكستاني قال لشيخ الأمين(صديق في غرفة هنا 8 سنوات وفي غرفة 5 سنوات) فرد عليه شيخ الامين “الله لا كسبك دا خبر تدينا ليه”

وحكى الامين أن لديه رقم عربة مميز في الامارات (909) وواصل تفاصيل طريقة إخلاء سبيله مع عدم مصادرة أملاكه بالإمارات.

وقال شيخ الأمين بحسب التسجيل عن اللذين شتموه بمثل كلمات حرامي، دجال، محتال،نصاب، حرق فندق دبي ، إني أعفو عنهم، وأضاف (الحمد لله الذي وهبني حسنات لم أتعب فيها) وقال أن هنالك من قام بالذبح أن الله حلاهم من شيخ الأمين وأنه لن يأتي للسودان.

الخرطوم/ معتصم السر/النيلين

شارك الموضوع :

تعليقات الفيسبوك

تعليقات


44 التعليقات

إنتقل إلى نموذج التعليقات

      1. 1
        جلاد الدجالين

        طيب ماوريتنا الزول البلغ فيك عملو ليهو شنو وايش معنى قال البلاغ دة عنك
        هم ماذكرو اسم قطر انت على اي اساس قلت قطر
        وبعدين بدون اي سبب لمن نكرت ليهم علاقتك بقطر شبكو فيك الجهاد!!
        وانت زول شيخ كيف تنكر علاقتك بالجهاد الذي هو سنام الايمان!!
        يعني زول متهم في امن البلاد يختو ليهو دكتور وغرفة فندقية !! ياخي اما ان الاماراتيين مغفلين او انك قايلنا عورا!
        والله دة فلم كوميدي. هو زول خاتينو مرطب الترطيبة دي دكتور خاص ووجبات متكاملة الاعترف ليها شنو ـ لا وبعدين بكل اريحية خلاص ماداير تعترف قوم اطلع وبقو اصحابو كمان هههههههه

        انت صمت لله ولا صمت علشان تحكي وانا مرقت وشوفو كراماتي

        الرد
        1. 1.1
          atbarawi

          إعتقالك وحده يدل على انك لست انسانا سويا – خرجت او افرجو عنك او تدخلت حكومتنا التي ترعي الدجالين او فكوك بالضمانه ففي النهاية ان هناك نقطة سوداء ستظل في سجلك ما يعني انك ليس كما تدعى – والعياذ بالله من امثالك

          الرد
      2. 2
        ودنفيسه فون

        دا واحد دجال بس

        الرد
      3. 3
        ابو عصام

        قال تعالى :
        فاستخف قومه فأطاعوه إنهم كانوا قوما فاسقين

        الرد
      4. 4
        التاج

        …هههههه….قلت لى الجماعة ضبحوا قايلينو ما جاييى تانى….غايتو شيخ الامين يوم بيكتل ليهو وهابى ببالمغصة ساااى.

        الرد
        1. 4.1
          محمد

          هههههههههههههههه الله يخيبك يا خايب

          الرد
      5. 5
        تامر الحاج

        ما قلنا ليكم الوهابية زى الضفادع بالليل تسمع صوتها تعتقد انها بقرة…نفخة فى الفصى…بطون مليانة كبسة وحليب مراعى. ..والباقى يعلم الله.

        الرد
        1. 5.1
          محمد

          ههههههههههههه امش على شيخك البشبهك قال نادي الجهاد

          الرد
      6. 6
        منصف

        وقال شيخ الأمين بحسب التسجيل عن اللذين شتموه بمثل كلمات حرامي، دجال، محتال،نصاب، حرق فندق دبي أعفو عنهم، وأضاف (الحمد لله الذي وهبني حسنات لم أتعب فيها)
        ده شيخ وين ده
        انت ما دام القرآن ما بتقرا صاح حا تعرف فقه كيف
        انت قلت عفيت عنهم تاني حسنات تجيك من وين

        الرد
        1. 6.1
          ناصح

          بعيداً عن الخبر وصاحبه وتصحيحاً لمعلوماتك
          قال تعالى : وَجَزَاءُ سَيِّئَةٍ سَيِّئَةٌ مِّثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ

          الاجر على الله ما تعتقد انك اذا عفيت عن زول معناه ما عندك اجر

          الرد
      7. 7
        Naser

        الظريف في الأمر أن هذا الدجال قال قبل كدا ان حبسه اعتبره خلوة وانو كان صايم…هسي قال أكلوه وشربوه مختلف الاطعمة…وانت لما ما صادرو املاكك طردوك ليه، وبعدين املاكك دي حترجع ليها كييييف..المثل قال ليك لو بقيت كضاب ماتبقى نسّاي…
        طبعا الشينة منكورة…الاماراتيين ديل بكونوا قبضوك عشان خالفت القانون وبالذات مع الأمراء..أصلك أنت شليق..مشيت زي شلاقتك الهنا دي داير تعملها..الجماعة كرفسوك..يكونوا جلدوك واكرموا وفادتك بالشلاليت..لكن البتكلم منو..
        قال فريق جهاد…والله أنت قفص جداد كتير عليك تمسكو…يمسكك جسمك بي شلل رباعي يا زنديق

        الرد
        1. 7.1
          شاكوش

          عيب عليك يا ناصر تدعي على الرجل …. ماذا لو حضر دعوتك ملك وقال لك (ولك مثل ما دعوت)

          الرد
          1. شاكوش

            ياخي شوف ليك لقب تاني
            إتعلم ابتكر مش طوالي تشيل ألقاب الناس

            الرد
      8. 8
        رضوان

        انا والله لست اعرفك ولم اقابلك يوما وكل الذي اعرفه عنك مجرد اقاويل من محايدين أو من باغضين والكثير منهم بغضوك دون أن يعرفوك بغضوك من أحاديث أعداء التصوف أو من أحاديث من ازعجهم صوت الذكر واقلق منامهم اللذيذ انا صدقني اختلف معك كثيرا و أظنك نلت أكثر من ما تستحق لضعف امكانياتاك الدعوية وقلة تفقهك في الدين ولكني لا ابغضك ولا احجر عليك فأنت مواطن سوداني و هذا بلدك فافعل ما شئت دون أن تضر أحد من أفراد هذا الشعب و لن يشمت فيك الا الذين يحبون أن يحجروا آراء غيرهم رغم جهلهم اني أدعو لك الله أن كنت محسنا أن يتمم عليك نعمه و يفقهك في الدين وان كنت مسيئا أن يهديك لطريق الصواب و يجنبك شماتة الأعداء

        الرد
      9. 9
        النار

        الله اكرمك ياشيخنا رفعت راسنا والله بكلامك الجميل وبعفوك وصفحك عن الصعاليك وفعلا ليس اخو علم كمن هو جاهل

        الرد
        1. 9.1
          محمد النقر

          كدي لو ممكن تورينا ياتو علم فيهم عند شيخك !!

          لو علم دنيا ياها ادراة الاعمال في السعودية و ما معروف تماها و لا خلصها , و كان علم آخرة ياها قراية الخلوة القريناها كلنا , لا فيها حفظ جميع القرآن و لا فيها بقية علوم الدين .
          انت مباري ليك شيخ جزئين من القران ما حافظهم و من غير احكام تجويد , أمشي حضر المرقوعة بتاعتك و شوف ليك سارية علم اتشعلق فيها …

          الرد
        2. 9.2
          محمد

          ههههههههههههه حيوان متخلف

          الرد
      10. 10
        ابوعمر

        أنا لست صوفيا” ولكن بقول لى شيخ الأمين ربنا أوفقك لعمل الخير .

        الرد
      11. 11
        زول

        عندنا مشكلة كبيرة فى السودان وهي
        نتمني الدمار والحرق والشلل وكل مصائب الدنيا لاي زول بيخالف تفكيرنا
        كل شاة بمعلقة بعرقوبها وربنا بيحاسب الناس دي كلها يوم القيامة
        .
        .
        .
        الشي المؤسف انو شيوخ الصوفية بيستثمرو فى جهل تابعينهم لاقصي حد وفرقهم من شيوخ الطوائف التانية . انو الباقين بيسمحو بشوية فرصة للتعلم
        .
        المهم البيخالف ما تتمني دمارو والافكار لا تحارب الا بالافكار

        الرد
      12. 12
        ابو عبدالرحمن

        طيب وين الناس الي أنكروا الحبس والسجن وقالوا ما سجن ولا حبس وعلى رأسهم ( المحامي ) الكبير. كلهم كذابين وأفاكين!!

        الرد
      13. 13
        بارنوخ

        الحمد لله الذي فك اسرك وربنا يوفقك في مساعده الناس وربنا الموفق، وما التوفيق الا من عند الله
        لو أنفقت ما في الأرض جميعا ما ألَّفت بين قلوبهم ولكنَّ الله ألف بينهم انه عزيز حكيم

        الرد
      14. 14
        زورو

        يا ناصر انت وهابي حمار
        الصايم ده وقت المغرب ما بفطر؟!
        ويا شيخ الامين بطل التبذير واعلم ان صاحب السلطان مثل ممتطي الاسد

        الرد
      15. 15
        Naser

        العاطل المدعو بارنوخ…
        الآية المذكورة حق وكلام ربنا حق..لكن انت اردت بيها الباطل…
        أمشي اسأل شيخك الني وأسألو خليهو يقراها ساي بالتجويد..مااااااابعرف دا واحد شليق ساي وانت يا طيرة متابعو…
        أمشي شوف ليك شغلة تنفعك بدل ما تسك ليك زويل تويفه عشان يأكلك ويكسيك..خليك راجل وأمشي إسترزق بدل ما تتكل علي واحد نصاب وحرامي..تتابع الزويل دا بدخلك جهنم متر…

        الرد
        1. 15.1
          بارنوخ

          سلامات ناصر،شيخ الامين حسابه عند الله سبحانه وتعالي، وكلنا نحاسب عند العزيز المقتدر، وكلنا لانعرف بواطن الامور، نحكم بالظاهر، شكلك متابع القطيع ، الحكم عن الناس بكلام الجرايد والاشاعات اثم، والله اعلم

          الرد
      16. 16
        الكنانى

        تقوم الدعوة على مبدأ هو هداية الناس الى طريق الحق
        وترتبط بالرفق واللين( ولو كنت فظا غليظ القلب لانفضوا من حولك)
        ان نحن شتمنا الصوفية او انصار التوحيد فلن يستمعوا لنا ولن نبلغ
        ما نريد…الذى اراة ان ننتهج الدعوة بالحسنى……ونتبع ذلك…..
        ….بأن نسأل الله لهم الهداية بدلا الدعاء عليهم بما يوردهم النار

        الرد
      17. 17
        Naser

        يا زورو ولا يا زوزو انت…قوووول كان صايم..الصايم دا بصوم لله ولا للناس..الحلوة بتاعكم دا مما فكوهو طوااالي شبك الناس (انا كنت صايم)…هسي دا يقولو عليهو شنو…
        وبعدين الصورة الفوق دي شنو؟!! تلقاك واحد من الجماعة البتمسحو بي بزاق الني دا…هووووي والله الشيطان دا بوردكم مورد التهلكة..هسي كان اتوكلت على الله وقلت يا لطيف ومشيت قعدت تقراء قرآن وإستغفرت مالو؟!!… لكن المشكلة انك والمعاك ما بتقدرو والله.. متابعين الهوى والرقيص والجكس…ذكر ربنا صعب علي المنافقين…أمشي نطط معاو لما ينططك جوه جهنم يا مسكين

        الرد
      18. 18
        سودانى مغبووووون

        انا سؤالى في الصورة الفوق دى .. هسه الغناميتين القربن يسجدن قدام البدله الافرنجى دى ؟؟؟ ياربى حاسين بى شنو !!!!!!

        الرد
      19. 19
        زورو

        يا كناني المقام مقام دفاع وليس مقام دعوة
        هؤلاء الوهابية والكيزان هدفهم المال والسلطة
        ووجدوا في هذا الشيخ الموهوم ضالتهم للترويج لدينهم الشيطاني

        الرد
      20. 20
        Naser

        والله يا زوزو شكلك انت جاااااهل ووديع ومغرور..يا ولد شد حيلك حبة …
        هسي انت واع في كلامك دا…
        والله ما بعيدة عليك (تطشم) انت وشيخك…

        الرد
      21. 21
        الفيلسوف السوداني

        البوليس في ( اللمارات اسمو شنو ؟؟ اسمو تحري يا جماعة … الفريق بتاع الكورة اسمو شنو ؟؟؟ اسمو الجهاد يا جماعه …..كان ورانا 3 عربات كبيرة … كان ورانا شنو ؟؟ 3 عربات يا جماعة ..قالو لي عندك علاقة مع 3 ضباط قطريين …عندك علاقة مع شنو …؟؟ 3 ضباط يا جماعة …………… غايتو الناس الخاضرين الكلام دا لو بكرة جوك ما حافظين لازم كل واحد تدي 10 جلدات في طابور الصباح …. ونحن تعال احلق لينا ( قنابيرنا ) دي بي موس ………تحلق لينا بي شنو …؟ بي موس يا اللمين ……………….

        الرد
        1. 21.1
          yasir

          هههههههه

          الرد
        2. 21.2
          محمد النقر

          هخخخخخخخخخخخخخخخخع الله يجازي محنك يا فيلسوف !!

          يجازي شنو ؟؟؟ محنك , و كدي تعال بكرة ما حافظ 🙂 🙂

          الرد
      22. 22
        NADER

        اي زول بدخل غرفة الاشباح بياخد حقو مظبوط
        خلي الكلام الفارغ
        قال غرفة مكتملة الخدمات
        قوم نوم
        قول اخدت الفيها النصيب

        الرد
      23. 23
        راضية

        اتفق مع الدعوات التى تنادى باجتثاث الافكار والمذاهب الدخيلة على السودان خاصة بعد حملات التشويه التى تعرض لها ذلك الشيخ الفاضل الشيخ الامين، واثمن خطوة الحكومة في ابعاد المذهب الشيعي عن البلاد..وأعتقد ان الوقت قد حان للالتفات للافكار الوهابية والدواعش..والله من وراء القصد.

        الرد
        1. 23.1
          زول

          هههههههههههههههههههههههههه ضحكتيني

          الرد
        2. 23.2
          محمد

          هههههههههههههههه لذيذة لكن

          الرد
      24. 24
        احمد الخضر

        يقال انه في الصوفية لا تمح رتبة الشيخ الا بعد تجربة واختبار ولا يمنحها الا شيخ معروف فقط أسأل هل هذا الشيخ قد اتبع النظام وحاز علي مؤهل شيخ امن امام مشهور.أم انه شيخ ظاهرة كالظواهر التي تملأ البلاد.

        الرد
      25. 25
        عابد

        بالله عليكم دا صياغة خبر امشي امتهن ليك اي حاجه احسن تعال نشاركك في قروب نديك درس في الصحافة ونرجعك النيلين كلام طربقه كله وبه كلام خطير علاقة اذا كان لديه علاقه من هذا النوع وين دور الدولة

        الرد
      26. 26
        محمد بدرى

        الموضوع خطييير والله …. الصوفيه فيهم الناس الكويسين ولكن اشكال شيخ اللمين واتباعه ديل افرغوا الدين من قدسيته ومضمونه ودة حاجة خطيرة …..
        مرة سالوا شيخ اللمين ليه لامي الجكسي والشباب المايعين جوة الزاوية وعامل اختلاط بين الجنسين قال عشان اشغلهم بالذكر بدلا من الكلام الفارغ …. بالله دة كلام شيخ ؟
        الموضوع خطييير لان هذه الظاهرة ( ظاهرة شيخ اللمين ) ستنتشر مع مرور الزمن وستتحول عقيدتنا زى عقيدة الايرانيين كلها رقيص وحشيش وليالى احتفالية مختلطة …. فى ايران يقولو ليك اسكر …. اسطل …. ازنى … افعل ما شئت بس زور الحسين واتبع شيخك …!!!

        الرد
      27. 27
        مسيخ

        لاول مرة اعلق على هذا الموضوع فنحن نحتاج تفسير من السلطات حول الذي يحدث و لماذا وصل الاستخفاف بالشعب لهذه الدرجة و ترك الناس تعوم كل على هواه و من ذا الذي يسعى لزرع فتنة صوفية وهابية ؟

        الرد
      28. 28
        خالد

        المدعو شيخ الامين عكشوا تاني

        الرد
      29. 29
        كديسة

        وفد من الامن الاماراتي يصل الخرطوم لشرح ملابسات اعتقال شيخ الامين مؤخرا ونفي ما ردده الاخير ان توقيفه جاء بتهمة التخابر مع قطر . الوفد الامني يحمل ملفا متكاملا يوضح كيف تحصل شيخ الامين على مبلغ 35 مليون درهم من احد اقرباء منصور بن زايد نائب رئيس مجلس الوزراء الاماراتي كمساعده للسودان باعتباره مبعوثا رئاسيا
        خدمة الاخبار الخاصة من ‫#‏مونتي_كاروو‬

        الرد
      30. 30
        fatin ali

        he is criminal man ,he destroy our reputation outside

        الرد
      31. 31
        شترة

        السبب هو المريدين المتخلفين الذين يتبعون شيخ اللمين هؤلاء المريدين للاسف من طلبة جامعات الجيل الحالي ( فاسقين – متخلفين بمعنى الكلمين – غير محترمين وليس لديهم اولياء امور ) .

        شيخ اللمين دجاااااال مهما برأ نفسه فهو دجال واما مريدوه هم نساء على هيئة رجال كل واحد لديه صفات رجولة لحيه وخشونة صوت لكنه انثى بتصرفاته

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *