العبقري السوداني “مصعب” يكتشف ثغرة بفيسبوك والموقع يضعه على قائمة المشاهير ويكرمه بجائزة مالية
العبقري السوداني “مصعب محمد صالح”صاحب ال 19 عاماً قد يكون أول سوداني يدرج إسمه على حائط المشاهير ( wall of fame ) وذلك من قبل إدارة موقع التواصل الإجتماعي (facebook ) لتعاونه معهم وإبلاغه عن ثغرة أمنية خطيرة لتقوم إدارة فيسبوك بتلافيها لاحقاً .
ودرجت إدارة موقع فيسبوك على منح 2000 دولار كشكر للهاكرز الأبيض اللذين يقومون بإكتشاف ثغرات خطيرة على مختلف خدمات وتطبيقات موفع فيسبوك.
وقال الشاب “مصعب” بحسب ما نقل عنه محرر موقع النيلين (هكذا اكون اول سوداني يدرج اسمه في حائط المشاهير لدى شركة الفيس بوك في سنة 2016 Wall of fame updated).
وتلقى مصعب التهانئ من مجتمع ونشطاء فيسبوك على الإنجاز المقدر.
الخرطوم/معتصم السر/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
انشاءالله
مبروك الألفين دولار
الحياه هدوء وراحه بال
مبروك يا ولدنا رفعته راسنا
والله كلام عجيب,أنا في سنة 2015 شهر مارس كنت كشفت ثغرة امنية في غاية الخطورة في موقع فيسبوك وتزامن مع زيارة بروف غندور للولايات المتحدة أها اطمانت شوية مع الزيارة دي وقلت بحصل خير ودي حاجة كويسة تتزامن مع زيارة غندور الا في النهاية خاب ظني وعرفت انه دا كلو لعب ساي بعد ما قمت و عملت ريبورت لادارة الفيسبوك وشرحت ليهم تفاصيل الثغرة من الالف للياء بلغة انجليزية رصينة وقاموا ردو علي بعد يومين انه هم مافهموا كلامي دا وطالبوني بارسال صور او فيديو للثغرة من وقتا انا فهمت الحاصل شنو بعد جيت اعمل الصور والفيديو لقيتم صلحوها بسرعة عجيبة وتاني رسلت ليهم نكرو اي حاجة وقالو ما عملو حاجة في الموقع بناء على الريبورت حقي.كل الحاصل في راي الشخصي انو انا سوداني ومقيم في السودان وهو من شروطهم انو ما تكون مقيم في دولة ترزح تحت العقوبات الامريكية.وتبقى هذه المشكلة.والله انا ماعاوز ولا مشتهي الدولار لكن بس دايروم اقولو الزول الفلاني دا عمل كدا وهو من السودان.
معليش دقّت في العارضة؛
ولا يهمك.
أبو هاجر:شكرا لمرورك اللطيف!!!
ايمن
يا خطير ..
بالله عاوزنك …تنشر كلام ده في اي جريده وتجيب معاك شرح لثغرة انجليزي وعربي ..وصور من محادثتك مع موقع الفيسبوك ..
.
علشان تسفيد حاجات كتيره من الموضوع ده ومنها
1- جريمة الحصار علي السودان …متسبب فيها الرئيس الامريكي والرئيس السوداني …والعقاب يتحمله الشعب السوداني 2- انو الوطن بخير وزاخر بي العباقرة …3- افضح غش موقع الفيسبوك …
ود النيلين:شكرا لمرورك , انا نسيت الموضوع دا عديل ما ذكرني ليه الا الخبر دا اليوم لامن قريته,فعلا البلد بخير وزاخر بالعباقرة لكن يبقى الحصار هو المشكلة.
اول واحد اكتشف ثغرة سوداني هو محمد هاشم
وبعده التاني مازن
ثم مصصعب التالت
الف الف مبرووووووووووووووووووووك
عددا الاصوات الان في الموقع
12,963
زيادة كبيرة جدا في غضون يوم منذ نشره عبر موقع النيلين
السلام عليكم ورحمة الله تعالي وبركاته الرجاء التصويت لرفع العقوبات الامريكية عن السودان
التصويت من خلال الرابط التالي
https://petitions.whitehouse.gov/petition/lift-sudan-sanctions-they-are-oppressing-poor-and-killing-innocent-people
بس قاعدين تكتشفوا في الثغرات متين تبدعوا حاجه جديده