منوعات

إبعاد (94) سودانياً من الأراضي السعودية و(10) من الليبية


ابعدت السلطات السعودية(94) سودانيا من أراضيها الاسبوع الماضي، وقال مصدر لـ( آخر لحظة ) إن المبعدين وصلوا مطار الخرطوم علي متن الخطوط الجوية السعودية من جدة وأضاف أن اسباب الابعاد مختلفة إلا أانه رجع وقال إن معظمها بسبب الإقامة بطريقة غير مشروعة والتسلل. ومشيراً إلي ان السلطات الليبية ابعدت من اراضيها (10)سودانين بسب التسلل قائلا إن المبعدين وصلوا مطار الخرطوم علي الخطوط الجوية الأفريقيه.

صحيفة آخر لحظة


‫7 تعليقات

  1. طيب وين الخبر
    والجديد شنو
    اجراء روتيني بحصل كل يوم

  2. اللهم لا شماته ..لكن بلا يخمهم لا يحترموا قوانين الغير يوم النيجر ويوم الجزائر ويوم من مصر ناس وهم بس

  3. والله يا اهل العوض فضحتونا وكرهتونا السعودية يا اخي احترمو نفسكم شوية.اتمني من السلطات السودانية منع غير المتعلمين من مغادرة البلاد (كراعي المواشي وغيرهم) الواحد تلقاه بعراقي وسخان ومقطع ومرقع كانه في سوق 6 الحاج يوسف بلي يخمكم انتو قايلناها فوضي كلباش وتترمي في السجن زي الكلب وتترحل احسن خليكم مع بهايمكم ودردقاتكم بلي يخمكم

    1. لا يسخر قوم من قوم عسى ان يكونو خيرا منهم — الرعى مهنة سيدنا محمد وسيدنا موسى يا جاهل انت فضحت نفسك واثبت انك جلابية لافة — اكيد انت سواق خاص او مراسلة او طباخ او شغال وناس وفاكر نفسك ممنوع عنك الترحيل — الرعى مهنة فيها كل الجنسيات هنود بنغالة افغان يمن –المشكلة شنو

    2. هلاص أخو الفاتح

      نخلي ليك الشارع عشان تتبرطع فيهو وما نخجلك

      لا لا لا حا نجي بي عراريقنا المقطعة ووسخانه ونحوم بي كل المدائن

      وأكان ما عاجبك أحلق حا جبك

      وحا نفضحك ونشرط عينك

      إنشاء الله تكون في جده عشان تشرب من المالح

  4. 1- اول حاجة تعملها تطلع رخصة
    2- حاول تعيش في جده او الدمام او الخبر لانو الرياض صعبة جدا وغالية جدا
    3- حاول تصاحب كل الناس وخليك اجتماعي
    4- ما تقارن مرتبك بالسوداني يعني لو انت مرتبك 3000 مش معناها انك بتقبض 9000 جنيه سوداني
    5- اي حد هنا ما بيعرفوه اسمه محمد لحد ما يعرفوا اسمك
    6- السعودية مش فسح وطلعات السعودية من الشغل للبيت ومن البيت للشغل واخرك الحدائق العامة
    7- السعوديين مش ملائكة فيهم السيئين زي مافيهم الناس الكويسين والطيبين والمحترمين
    8- ماتغش نفسك وتقول سنتين ابني بيت واعرس الكلام دا تنساه خالص كان غيرك اشطر
    9- حتقول لي انا حافضل متغرب كده حياتي كلها حقول ليك اشتغل وانت ساكت
    10- السعودية مازي زمان يعني حنك ال 500 ريال مصاريف ده تنساه خالص
    11- ما تسوق عربية ماعندها تأمين
    12- لو عملت حادث بطل امور السودانيين دي ماتنزل تسب وتكورك عادي يا معلم حتنزل بكل ادب تسلم على ال عمل معاك حادث لحد ما نجم يجي
    13- ماتقول لي نجم ده شنو حتعرف بعدين
    14- حتلخبط معاك في الاول وحتلاقي نفسك مفلس وما بتوفر حاجة وبالعكس ممكن تستلف عااااادي جدااا
    15-رأس مالك هنا الحقيقي اصحابك
    16- لو حصلت اي مشكلة من اي نوع ماتحكي لي اهلك في السودان حاجة علشان ماتقلق بيهم
    17- لو لقيت نفسك متضايق وبتبكي عااادي برضو يا معلم كلنا بكينا
    18 – اخر حاجة خليك ديما متفائل مهما كنت في مشاكل
    19_ لو حصلك مشكلة مع كفيلك وبلغ عنك هروب واكل تعبك وشقاك ومستحقاتك الموضوع دا عادي بيحصل يعني ده روتين ولازم تتعود عليه
    20- لو مشيت مكتب العمل تشتكي علي كفيلك ماتفتكر الموضوع ساهل وحيخلص بسرعة لازم يكون بالك طويل لانه عادي الموضوع بيقعد سنين
    21- حنك انك حتعيش احسن عيشة وشقة وسيارة وراتب وجوال بتاع حديث كلها اوهام مجرد ما توصل حتشوف وتجرب
    22- اوعي تفكر نفسك فلانتينو وحريم السعوديه هتجري وراك وممكن تعرس منهم وتعيش ملك عشم ابليس في الجنة
    23 – لو لقيت حد من اصحابك عامل نفسو مهم وبيتجدع ولابس احلى لبس وراكب سيارة موديل السنة وكل شوية يضرب تليفون للشغل قدامك ويكورك ويجوط ده مندوب ودي سيارة الشغل وبكورك في الهندي بتاع الشاي
    وبي كدة تكون غربتنا انتهت واتمني ان تكون من الدروس المستفادة وعبرة وعظة واتاكد ان حتتعلم الرجولة وتحمل المواقف الصعبة وحتخليك بعد كدا ماتستغرب من اي حاجة وحتعرف صاحبك من عدوك وهتاخد خبرة كبيرة في مدرسة الحياة ( الغربه).

  5. الحمد لله حيجي يوم نبطل الغربة ونشتري ارض زراعية ونحفر فيها بير ونوصل الكهرباء ونسورها ونحرتها ونزرعها ونسقيها وتقوم زي العجب ونحصد ونبيع انتاجنا ونعرس ووووووووو………. دحين يا اخوي العربية الجاية علينا دي مش حقت الاقامات ….. يا زول يا زول …………….. اقيف كلبش اركب … وداعاً يا حلمي الجميل .