سياسية

حزب الأمة القومي: الصادق المهدي في الخرطوم بـ «الثلاثاء»


وضع حزب الامة القومي حدا للجدل الدائرحول عودة الامام الصادق المهدي زعيم الحزب للخرطوم وحدد السادس و العشرين من الشهر الجاري موعدا لعودتة للبلاد والمشاركة في الاحتفال بذكري تحرير الخرطوم الذي ينظمة الحزب في التاريخ نفسه و تدشين حملة (هنا الشعب) وقالت الامين العام للحزب سارة نقدالله في حوار مع الوان يتشر لاحقا ان عودة المهدي ليس لها اي علاقة بالحوار الوطني الذي وصفته بالفاشل لافتة النظر إلى ان للامام مهام اخري بالداخل سواء كان ذلك مع قوي نداء السودان اومع جماهير الحزب مبينة ان عودته سيكون لها دور كبير في رفع الهمم بحسبان دعمه اللامحدود لحملتهم هنا الشعب وقالت ساره ان حسابات الربح والخساره للحزب بسبب غياب المهدي متعادلة لان النجاحات التي تمت في الخارج كبيره جدا للسودان اولا وللحزب موضحة ان الامام اينما وجد فخيره (يهل ويطل) وهاجمت ساره بشده الذين قالت انهم يروجون الي انة هناك توريث داخل الحزب وابانت ان المهدي لم يفرض نفسه علي قواعد الحزب رئيسا بل اتي بالانتخابات وقالت ان الناس لاتري مايحدث في الحزب من تقدم عناصره الشبابية والنسائية لكنها تري فقط بقاء الامام في منصبه واضافت صحيح (المابريدك في الضلمة يحدر ليك).

صحيفة ألوان


‫15 تعليقات

  1. يعني عارفين انفسكم مكروهين وغير محببوببن ؟
    كويس انه رسالة الشعب وصلتكم

  2. يا رب قلت ادعونى استجب لكم وانك لا تخلف الميعاد
    فانا نسالك كما امرت ونبتغى استجابتك كما وعدت نسالك الا تطا طائرة المهدى ولا قدماه ارض السودان فى عودته هذه
    امين اللهم فاستجب امين

  3. موضحة ان الامام اينما وجد فخيره (يهل ويطل)

    يعني زي المطر هههههههههههههههههههههه

  4. (هنا الشعب) هنا امدرمان ههههههههههههههههههههههههههه

  5. النجاحات التي تمت في الخارج كبيره جدا للسودان اولا !!!

    زي شنو مثلا النجاحات دي؟؟هو في نجاحات تحصل لدولة مع العالم الخارجي في شخصية فرد واحد؟!!
    وحتي رئيس الدولة مايعرف هذه النجاحات .

    ياناس ماتعقلوا ,,الشعب اكبر من ان تلعبوا علي عقله بهذه النجاحات الوهمية.

  6. قالوا الولد بلغ بان شوارب ولحيته فلا زم نبحث عن عروس ولكن العروس رفضته قالت انها لا تحب الشعر البلوند
    ولا تطيق اللحى الفخارىشوفوا لينا حل نعمله صنفرة وبوهية سوداء

  7. خبر عاجل…احزرو يوم الثلاثاء سوف تحل بالسودان كارثه .من كوارث الجلل اذا كان ااخبر دا صحيح بقدوم الهارب سجم الامه الي السودان

  8. يا جماعه الصادق حكايتو شنو يوم جاي يوم ما جاي مافي زول بسأل منك تجي ما تجي كلو واحد احسن تقعد باقي عمرك ده في مسجد وخلي سبحتك قويه عمرك ٨٠ سنه غير الكلام الكتير والنظريات ما عندك اي شي وانت زاتو ما معارض لانه ولدك مع البشير في القصر وانت بتاكل من ماهيتو كيف تكون معارض يازول انت حلقك ده ما بيوجعك من الكلام الكتير ده
    زمان كنت ريس وزراء وما عملت شي غير زرعت الفتن في السودان ولسي ما انتهت
    كلها سببها انت بعدين الحكومه دي ما عندها ليك اي اعتبار
    بعدين عارفنك داير تجي تحصل باقي الحوار ده اشان تلقي فرصه تكون ريس وزراء زي زمان لكن دي تحلم بيها تاني

  9. الصادق شئنا ام ابينا معاه طير كتير وهو عامل زي ملكة النحل والشغيلة تعبانة ليه وفي كل الحالات احسن نكسبه امكن نحصل منهم شوية عسل لو استحملنا القرصات بتاعتهم فنقول مرحب يا امام واشاء الله نكون عقلت واحسن ليك تشارك اهلك وعشيرتك وكمان حيرانك البملو ليك جيبك حلاوة بدل الملطشة بين الحلب والحبش ونسأل الله لنا ولك حسن الخاتمة – ونوعدك بتعديل لجنة نعملها 7+8

  10. قبل العودة المباركة نستجدي الإمام بأن يشحن الأطنان المطنطنة من الكلام الذي أنتجه في الخارج إنتاج موسم 2015 ـ 2016 حتى يتم توزيعه على الشعب ليعلف به وهو أفضل له من القمح المعدل وراثياً والخبز المخلوط وكمان يغير من الفول وموية الفول ويجرب وجبة ناشفة ويرتاح قليلاً من الزيت والكولسترول ـ الخير يهل ويطل والإمام لا يكل ولا يمل والإنتاج وفير ويغطي الفجوة الغذائية والدوائية والبلائية وكل مواطن سوف يحصل على بضع أطنان ويخزنها فوق رأس البيت وكل يوم يأخذ ربطة واحدة يأكل ويشكر .

  11. الله لا عادو كل مشاكل السودان من تحت هذا الزنديق
    اسال الله الكريم ان تنفجر به الطائره فوق البحر الابيض المتوسط

  12. لك الله ياسودان وربنا يجيرنا فى مصيبتنا والله الامام الصادق راجل سودانى ونزيه ما حرامى لاكن فاشل ونجاحو الوحيد انو جاب عبد الرحمن الصادق

  13. الإمام الله يديه العافية دائماً بحب الهبوط السلس لانه رجل مسالم وده العاجبني فيه