أبرز العناوينسياسية

الكودة: ناس حكومة الانقاذ، خدعوني وغشوني وحق التذكرة ما دفعوه لي


غضب المعارض السوداني الدكتور يوسف الكودة المقيم بسويسرا بعد رجوعه لمقر إقامته وبعد أن شارك في مؤتمر الحوار الوطني السوداني المنعقد بالخرطوم،حيث هاجم اللجنة المنظمة للحوار الوطني وقال وعدوني بتجهيز السكن وتذكرة الطائرة وذلك ما لم يحدث حتى الان.

وأضاف الكودة بحسب ما نقل عنه محرر موقع النيلين(السكن سكنت علي حسابي اما التذكرة طلبوا مني صورة منها وانا في السودان فسلمتها لهم ثم اتصلوا بي مرة اخري قائلين بان صورة التذكرة ضاعت، سلمتهم صورة اخري وحتي الان وحياة ربكم الكريم لم يحصل شئ).

وقال الكودة (هذه شكوي علي الهواء مباشرة من يدخل واسطة يرجع لي حقي من حكومة الانقاذ). وأضاف يوسف الكودة (انا مش نادم علي المشية لانهم ما ادوني حقي انا بتكلم عن كذب وخداع وغش).

وأبدئ الكودة أسفه لما حصل معه وقال(انا دعيت من جهات رسمية لامر عام وهم الذين وعدوا بتسديد سعر التذكرة انا لم اطلب السفر ولا اشترطت عليهم هم الذين وعدوا).

الخرطوم/معتصم السر/النيلين


‫34 تعليقات

    1. ما حدث مرة وخرجت إلا وأمطرك القراء بوابل من السخط والإزدراء

      وسلقوك بألسنة حداد

      لأن خروجك يحدث نوعا من الضجة السخيفة

  1. كان يجب عليك ان تقطع الامر في مصارينك لأنك شريك مع المؤتمر في هذه المؤامره

  2. ومنهم من يلمزك في الصدقات فإن أعطوا منها رضوا وإن لم يعطوا منها إذا هم يسخطون …..صدق الله العظيم
    خط عريض تحت اذا هم يسخطون.

  3. والله غير جريك ورا الدنيا ماف شي مسقط حجرك
    ياخ تذكرة في عينك

  4. يعني انت خليت الحوار و قضايا البلد و الحكم و بقيت في حق تذكرتك و سكنك ..لو راجيين ديل واطاتنا اصبحت

    1. اصلا لو انت داعية كما تدعي ومصلح واتيت من اجل الحوار – ما كان يهمك قروش التذكرة ولا مصاريف السفر – لو عندك وطنية كان دفعتها من جيبك – ثانيا لما سافرت من السودان من وين دفعتها – ثالثا اذا كانت هذه المعارضة فيبدوا انها معارضة من اجل المصاريف وقروش التذكرة – كما النسوان غشوني ودخلوني الصندوق وابو يدوني الصرفة الاولى – ان كانت لك وطنية وكنت مصلحا ومعارضا معتدلا يعني بمصلحة الوطن وصلاحه لما نشرت غسيلك ولكنك كالبقية لا خير فيك وعليك السلام

    2. بلادى وأن جارت على عزيرة *** وأهلى وأن ضنوا علي كرآم

      وللأوطان فى دم كل حر *** يد سلفت ودين مستحق

  5. راجل رخيص .. والله مااف زول سوداني بتعااطف معااك ، قااعد لي في سويسرا و مستخسر تدفع قروش تذكره، يااخ غشووك ما بتخجل تتكلم بيها في التلفيزيون.

  6. خدعوووووك وجرحوا سمعتااااااااااااااااك..
    هو انت علييييك الله عندك حياء خليك من السمعة…
    البخليهم يرسلوا ليك حق الطيارة شنو؟.. انت مش متزوج من أربعة ومطلق خمسة وكلهم بي أولادك قاعدين في الخرطوم….
    انت براك (طافش) وعايز (تصيع).. أها هسي (صيعوك) و(ضيعوك)…
    قال حقي قال.. حقة في خشمك الكبير دا…
    الله لاكسبك ولا كسب أخوك الحرامي الكان معتمد للخرطوم أكل مال الناس لما ربنا إبتلاه بسئ السقام و وعظيم الاورام..
    أ/شي كلمو خليهو يديك قروش الشالها من حق الناس في الواقف الجديدة والاكشاك والاسواق, ولا أقول ليك كلم (أسيادك) المقعدنك معاهم خليهم يدوك قروش يا (شيخ الدكوة)

  7. مافي مشكلة يا زول نكلم ليك شيخ عرمان يديك ليها في مؤتمر الحركة الشعبية
    قروشي شي شي هسع ناو

  8. الراجل كلامو واضح قال بتكلم عن الغش والخداع
    بغض النظر عن التذكره .. كلكم لامين في الراجل
    توبيخ .. عيب عليكم .. شعب سطححي ليس الا

  9. اذا كان الكلام دا صحيح كدا تاكدا لنا السيد الكودة انك راجل رخيص وبغيض وما عندك وطنية .يعني عايز يعطوك حق قدومك من احضان اليخلفوك الوطن ليس في حوجه للامسالك الرخيصة .الشرفاء في الحوار رفضو بان يصرف لهم اعانات شهرية وقالوا لم ناتي لقروش جينا للوطن .ارجع انت وامسااك الله لا عادك.

  10. الراجل بتكلم عن انه تم وعده ولم يتم الايفاء ، و يتحدث عن عدم مصداقية فبالتالي هو يذم في الحوار الوطني ليس
    عشان التذكرة …مع اني ما بطيقه بس الحق يقال

  11. هذا مصير كل من يعمل جاسوس فانت من بعت انصار السنة وقسمتها لمصلحة الحكومة فهذا جزاءك فشكرا لهم .

  12. المضيعنا نحن السودانيين الواحد لمن يختلف مع واحد او يخاصم يفجر في الخصومةز واذا عارض عارض من اجل المعارضة . ما بنشوف الحق حقا ولا الباطل باطلا . ( ولا يجرمنكم شنئان قوم أن لا تعدولوا إعدلوا…….)
    الرجل ليس لي أي علاقة به ولكن الحق يقال .

    الرجل يتكلم عن الغش والخداع وعدم المصداقية وضرب مثلأ بالتذكرة والسكن . والموضوع ما يستاهل كل هذا الشتم . لا تحملوا عنه وزره.

  13. هسع لو ادوه حق التذكرة والسكن والمصاريف كلها ما كان كتب الكلام دة….. راجل منافق

  14. بسم الله الرحمن الرحيم.
    ياسلام عليك ما تستحى تقول ما اعطوك حق التذكرة يعنى شنو لو اتبرعت من اجل الشعب السودانى بحق التذكرة
    اخاف ان يكون وعدوك بمقعد ولم تحصل عليه
    شوف رجل معتبر نفسه وطنى وله مكانة وجاى من اجل قضية وطنية ويبكى على سعر التذكرة
    هل علمتم انهممممممممممممممممممممم بلا اثتثناء يبحثون عن المصلحة الشخصية
    الله المسسسسسسسسسسسسسسستعان على شعب السودان الغلبان من مثل هؤلاء

  15. والشيء الوحيد الذي كشفته من لجوئك في سويسرا أن الباصات هناك مافيها كمساري وعرفت في الاخير أن حق التذكرة مدفوع سلفا . وصدقا ل كلامك اعتبرنا تذكرتك مدفوعة سلفا ووفقا لسالفتك سالفة الذكراعتبر التذكرة سلف .. والقصد اتحقق من دعوتكم لاظهار المزيد من الفلس .

  16. ديل ناس معارضة الفنادق الخمس نجوم ، كل ناس المعارضة ديل كده من عرمان ل باقان ل صاحبنا الكوده السجمان ده . عاوزين الفنادق الخمس نجوم والنثريات وبعد داك البلد تتحرق كان تتحرق .
    ياخي إنت ما عندك أهل وبيت في السودان تقعد فيهو !! .. وبعدين ما بتخجل قاعد في أروبا وأنت راجل كبير كده بتاكل وبتأكل نسوانك وأولادك من قروش الولفير أو المساعدات الحكومية (ده بالمناسبة كلامك ما كلامنا) ! ما بتخجل.

  17. يازول البركة في المحمر والمشمر والمشويات والحلويات اللهطوها باسم الحوار

  18. يا كودة يا سجمان موقفك دا تعبان وما بوصلك الدكان ياخي ما تغيرو ؟؟

  19. والله العظيم الرجل دا أنا إتدخلت لصالح واحد خالفه في الرأي على صفحته في الفيس بوك فسلخه الكودة سلخاً شديداً ( كلام لا يتماشي مع الدين ولشخص يدعي الشياخة ) … فتداخلت وعلقت تعليقاً من صميم الدين والمعاملة الكريمة للناس والتواضع … عارفين عمل شنو ؟ حظرني …

  20. الكودة الرمة … خائن الوطن يا عواليق … يا عرة الرجال … يا نكرة

  21. الله يخيبك انت مشيت لأمر عام وتركته جانبا وتبحث عن قيمة التذكرة والسكن عشان تمشي تاني حوار الطرشان ده