سياسية

البشير يصدر قراراً بفتح الحدود مع جنوب السودان


أصدر الرئيس السوداني، عمر البشير، الأربعاء، قراراً قضى بفتح حدود بلاده مع دولة جنوب السودان. وذكرت وكالة الأنباء السودانية التي أوردت القرار، أن البشير أمر الجهات المختصة باتخاذ التدابير كافة لتنفيذ هذا القرار على أرض الواقع.

وكانت الخرطوم قد أغلقت حدودها مع دولة جنوب السودان العام 2013، بسبب اتهامها للأخيرة بدعم وإيواء المتمردين السودانيين وتم إيقاف الحركة التجارية النشطة بين البلدين.

وجاء قرار البشير بعد يومين من إصدار رئيس دولة جنوب السودان سلفاكير ميارديت، أوامر لوحدات جيش بلاده بالانسحاب الفوري من الحدود مع السودان، وأبدى استعداداً للتطبيع الكامل معه وتفعيل اللجان المشتركة التي تم تشكيلها بعد انفصال بلاده عن السودان يوليو 2011.

وقال ميارديت حسب بيان صحفي صدر في جوبا، إنه قرر التطبيع الكامل مع السودان وسحب جميع القوات العسكرية التابعة لبلاده من الحدود لمسافة خمسة أميال جنوباً، وفقاً لحدود العام 1956.

وجاءت خطوة ميارديت التصالحية تجاه الخرطوم بعد أيام قليلة من إصدار نظيره السوداني، عمر البشير، توجيهات بمراجعة الإجراءات الاقتصادية الانتقالية مع دولة جنوب السودان، بعد أن طلبت جوبا تخفيض المحصلة المالية لعبور النفط الجنوبي عبر أراضي السودان.

شبكة الشروق


‫25 تعليقات

  1. والله حيرتونا السودان دا حاكمنو كيف .بالعواطف ولا بالمؤسسية اي قرار بكون متسرع ويصدر من شخص واحد فقط.
    طيب وين ايام الحشرة الشعبية ويا نحنا في جوبا وهم في الخرطوم وديل ما بنفع معاهم تفاوض وحنوقف التفاوض .
    اذا انتو نسيتو الناس الماتو في هجليج وابو كرشولا والتجار البموتو كل يوم في الجنوب وايام الاتنين الاسود نحنا ما نسينا ي حكومتنا .
    اتقوا الله فينا تقولو الاقتصاد تعبان وغاز مافي تفتحوا الحدود تجيبوا لينا ملايين الناس يضايقونا في الما مكفينا وبعدين ياريت لو هم بحفظو الجميل ديل ناس غدارين وما عندهم امان.
    حلو قضية الحدود وابيي والحركات المسلحه اولا وبعدين افتحو الحدود الاصلا هي فاتحه طببعي .
    اللهم ولي علينا خيارنا

    1. يا ريس
      نحن لا نقول الشعب فهم غلابة …بل القادة ممن تربوا في حضن أعدائنا

      تفتح الحدود مع الأفاعي والعقارب ؟

      هل قيمت حجم الضرر بسبب هؤلاء القادة الذين كبدونا زهرة شبابنا ….الورود التي كان منتظرا أن تتفتح وتؤتي ثمارها ؟

      هل اتفقت معهم على طرد الحركات الؤذية العميلة ؟

      وأخيرا يا ريس هل تستخير الله في أي عمل للرعية ثم تقدم ؟

  2. انحنا سودانيين ومفروض
    نكونوا طيبين
    الجنوبيين كانوا وما زالوا
    اخوانا والدليل الوجود
    المكثف للجنوبيين
    في الشمال دون اقامات
    وكذلك الشماليين الموجودين
    في الجنوب ولا حكومه تسأل
    عن اقامه
    العنوا العدائيات ما دمنا جيران

  3. الجنوب يختنق ., لا ابيى ولا حركات مسلحة ولا ولا ولا
    تعليمات امريكا

  4. ان شاء الله يا البشير يفتحوا ليك رأسك بى اربجى ما يخلى فيك حته تدفن ….ياخ الناس ديل اتخارجوا باستفتاء ١٠٠٪ صوتوا للانفصال نحنا مالنا ومالهم ونحنا كمان دايرين استفتاء لفتح الحدود الله يفتح اضنينك ويكبو ليك فيها صرفى ويتبعوهوا بى نمل ابو ريش قادر يا كريم الله لا كسبك ولا بارك فيك ياخ انت فاتح ليهم باب بيتك ديل جايين خاشين وطن لو بتفهم يعنى شنوا وطن …..شعب ….يالله الشعب اليتكوك بيها بعد يفتشوا ليك علاج ما يلقوهوا …الله لا تبارك فيك الله لاتبارك فيك الله لا تبارك فيك

    1. وأنت فرد مرة كان تعملها زي قصيدة حرامي الملايات بتاعت ” حوامة كدرابي ”

      أو قصيدة الجوال المسروق

      وكووولكم ياكم شوايقة …وموهوبين في سوات الشعر الساخر

  5. والله الجنوبيين اخوانا وكل شي ونتقاسم اللقمه مع بعض لكن لمن يكونو قاعدين بي ادبهم ياخ والله استخبارات الدنيا كلها في الجنوب والمشكله حكومة الجنوب ما عندها زمه والله تبيعك يال البشير بي تلفون وانت بتعرفهم كويس غدارييييين … الله يستر

  6. السكر .. الذرة .. البصل .. الدقيق .. الزيت .. و كل المواد التموينية سوف يتضاعف سعرها .. بسبب تصديرها أو تهريبها (في الغالب) للجنوبيين المحظوظين بدولتهم الجديدة و بترولهم وحدودهم .. مع الاستمرار بالبقاء والاستقرار في السودان !! يعنى جري و طيران !!
    اللهم لا نسألك رد القضاء و لكن نسألك اللطف فيه !!

  7. البشير بينظر لمصالح السودان مع الجنوب في السياسة ليس هناك عدو دائم ولاصديق دائم المصلحة فقط هي الباقية وبعدين قفلنا ولا فتحنا الحدود الجنوبيين موجودين في الداخل ماعنا يعني قفلنا شنووو .انظر من تبادل التجاره مع الجنوب حيستفيد السودان بالملاييين الدولارات هناك ما يغارب او اكثر من مائة صنف يتسوق فالجنوب من السودان من الفتريتة الي الصابون ولاكن لا نقض النظر عن امننا .ودينا الحنيف علمنا نعامل الناس بالتي هي احسن.وان جنحوا للسلم اجنح لهم .الناس ديل قالو الروب .

  8. بكرة تغلا الفوتريتة وترخص المريسة – مبروك ياطشمنجية وهارد لك يا غنماية

  9. السكر .. الذرة .. البصل .. الدقيق .. الزيت .. و كل المواد التموينية سوف يتضاعف سعرها .. بسبب تصديرها أو تهريبها (في الغالب) للجنوبيين المحظوظين بدولتهم الجديدة و بترولهم وحدودهم .. مع الاستمرار بالبقاء والاستقرار في السودان !! يعنى جري و طيران !!
    اللهم لا نسألك رد القضاء و لكن نسألك اللطف فيه !!

  10. بداية الحلقة الاولى من الجزء الثانى .. في مسلسل مشروع قرنق العالمى ( السودان الجديد ) … الله يبشرك بحطب جهنم ليل ونهار يا الملولو …

  11. دة تخبط من الحيكومة واسترخاص لدماء الشهداء في هجليج ، الجماعة ديل كان حلمهم الانفصال وصوتو ليهو بإرادتهم لانهم قالوا نحن في الشمال درحة تالتة نمشي نعمل لينا دولة برانا نصبح درجة اولى، وحتى المواطن الجنوبي البسيط يحمل ضغائن كبيرة على الشماليين، والوضع الان في البلد لا يتحمل زيادة اجانب
    والله حيرتنا يا البشير تتصرف براك في البلد زي ما داير

  12. و ما هو الذي تغير في الأسباب التي ادت الى اغلاق الحدود ؟؟؟،،،، الحركات المسلحة موجودة و كل نشاطها في الجنوب ،،، و هذه لعبة مكشوفة و واضحة الجنوب غرق في شبر مية الحرب الاهلية دمرت البلد ،،، الدول التي كانت اعطتهم وعود ببناء الجنوب اقتنعت بعدم جدوى الدخول في بلد تمزقه القبلية و العنصرية حتى من المتعلمين منهم ،،، البترول يشهد تدهور و هبوط في الاسعار باستمرار ،،، الان سلفا كير يبحث عن أي طوق نجاة و أي شيء يبقيه على الحكم ،،،، قرارات عاطفية مثل قرارات اللجنة الشعبية ،،،،

  13. الزول دا ما يتجوعل فينا ساكت نحن الجنوبيين ما مستفيدين منهم أي حاجة وما فارقين معانا

  14. ي اخوانا روقو المنقا شوية ما قال االوحدة بل فتح حدود زي بتاع مصر وارتريا ثيوبيا والسعودية ودى رحمة للتجار السودانيين البجازفو يوصلو بضاعتهم للجنوب بشتي الطرق اولا وبعداك رحمة للبخيت ود البخيت.قيلو عافية١!!!!!!!!!!!!!!!!!!١!!!!!!!!

  15. رحمة للتجار وعذاب للمواطنين .التجار يغنو ونحنا نعيش في جحيم .
    تاني جوطة في المواصلات والناس ترجع للخمر ديل عالم ما بشتغل يرجعو يعملو لينا المريسة والعرقي ويجيبو الايدز .
    ما بريدك وما بحمل فرقتك دا شعار الجنوبيين هم براهم اختاروا الانفصال طيب يتخارجو .
    وبعدين البقول زي مصر واثيوبيا ديل ما كانو معانا في دولة واحدة والسودانيين الفي مصر بالملايين ونحن مستفيدين منهم .الجنوبيين غير الحرب ما استفدنا منهم حاجه .
    ناس الحكومة ما محتكين بالناس ديل في الحياة العامة نحنا المواطنين المتضريين الواحد فيهم يعاين ليك يصر من غير سبب حقد دفين وبعد دا ما دايرين يتخارجوا مننا .
    اللهم اكفهم عنا بما شئت

  16. وين ملف دعم المعارضة وقطاع الشمال؟
    وين ترسيم الحدود؟
    للاسف الساسة السودانيين عاطفيين وما ويعرفوا ممارسة الضغوط الفروض يتعلموا من الامريكان .طبعا الامريكان دربوا الجنوبيين على فن ادارة المفاوضات وكانت النتيجة طلعنا صفر من انفصال الجنوب وتم الانفصال قبل ترسيم الحدود وضياع حقوقنا في البترول والمياه.كان من المفترض انا لايتم الانفصال قبل 20 سنة ويتم تقاسم البترول لمدة30 سنة.طبعا هذه السنوات لا تعني شي فى عمر الامم.الله يجازي اللي كان السبب
    الجنوبيين اتعلموا السياسة بعد انهيار اسعارالبترول والحرب الاهلية وتخلي امريكا والغربيين عنهم بعدخيبة املهم في الجنوب وايقاف مساعدتهم اتجهوا شمالا للمندكرو

  17. يعني مزيد من المعاناة لشعب السودان تفتح الحدود من اجل زيادة الاسعار وارتفاع الدولار وزيادة الطين بله الاخدر ده عمرو ما يتعلم سياسه ولا افتصاد ولا امن 26 سنه ما فهمت عاوز تقهم متين؟؟ لمن تفضل دارفور والنيل الازرق والشرق

  18. كيف مامستفيد منهم وال٢٤ دولارات هينات وعندك ا لخشب والفحم والابنوس المنحوت دييك فىى شارع الغابة ديل مصريين برضوواقوةالشرائيةالعندم ٠٠٠٠٠؟؟؟؟؟اايي حاجة بتمنو

  19. أعتقد أن مصدر الخبر الأول طلب سلفاكير والثاني سرعة رد البشير غير صحيح … وقد تابعت كل الصحف السودانية والعالمية فلم أجد تأكيد أو نفي لهذا الخبر … فمن أين حاءت النيلين بهذا الخبر … ؟؟؟؟؟ وفي الحديث الشريق ( لا يلدغ المؤمن من جحر مرتين ) نسأل الله الخلاص من الجنوبيين بتنفيذ الاتفاقبات لضمان السلام في المستقبل .. وعلى حكومتنا الوقوف بصلابة لتصحيح ما فقدناه في تنفيذ اتفاقية السلام . نسأل الله أن يحفظ السودان وأهله من كيد الأعداء والمتربصين .