أبرز العناوينمنوعات

الخرطوم تعتزم إصدار رخصة المشاة.. تسمح لحاملها بالمشي، هل هي جباية جديدة لإرهاق المواطنيين؟


تدرس الخرطوم، إطلاق مشروع “رخصة المشاة”،وتسعى بها إلى تعليم المواطنيين قواعد المرور، وذلك من أجل التقليل من حوادث المرور التي تحصد الألاف في شوارع السودان.

وسبق أن أعلنت الإدارة العامة للمرور بالسودان أن حوادث الوفاة في العام 2015م ، كانت 1662 وأوضح مدير عام المرور اللواء عمر مختار حاج النور أن جملة الحوادث التي وقعت في العام 2015م، بلغت 12648 .

التجربة سيتم تطبيقها في المرحلة الأولى بالتنسيق مع وزارة التربية والتعليم وعدد من الجامعات السودانية في العاصمة السودانية الخرطوم وبعد ذلك يتم تعميمها على ولايات السودان المختلفة، وبحسب مصدر رفيع قال لمحرر النيلين “تقوم فكرة المشروع على خضوع الطلاب لدورات تدريبية حول قواعد المرور والقيادة وإرشادات السلامة المرورية، تمنح بموجبها رخصة هي “رخصة المشاة” ومن ثم تطبيق المشروع لاحقاً على كافة المواطنيين” .

وبحسب فكرة المشروع سيكون إلزامياً على أي مواطن أن يحصل على رخصة المشاة حتى يتسنى له المشي في الشوارع العامة وهي رخصة شبيهة برخصة القيادة التي تتيح قيادة السيارات.

وحذر صحفي فضل حجب إسمه بحسب ما نقل عنه محرر موقع النيلين أن تكون “رخصة المشاة” وسيلة جديدة لمزيد من زيادة الرهق على المواطنيين وهدفها قد يكون مصدر جباية جديدة للحكومة.

محمد عثمان- النيلين


‫28 تعليقات

    1. أهاااا

      أهو زي توقعاتكم دي يا مجهول وتحصل !!

      زماااان الناس قالو ما باقي إلا تعملو رخصة مشي ….وهاهي

      باين الحكومة موظفة ناس لتتبع آراء الناس وتعليقاتهم وبدون أي تردد تلطش الأفكار وتستثمرها

      تقدر تفتح خشمك تقول دي فكرتي ؟ لأ طبعا لأنك ماك مسجلها كبراءة اختراع

  1. سبحان الله…!!
    أين هي الطرق التي تريد حكومة السجم والرماد أن تضع لها قوانين تلزم المشاه بحمل رخص للمشي ??
    أين وسائل السلامة في الطرق وأين هي العلامات و الإشارات المرورية الدولية في السودان ???
    حكومة شغلها الشاغل تضيق الخناق على المواطن و ابتزازه في كل يوم تشرق فيه الشمس
    لله دركم يا أهلي وأبناء وطني المكلوم

    لكن تأكدوا يا فسدة يا عملاء يا مأجورين لكم يوم ذي سواد حالك

    إن غداً لناظره قريب

  2. هههههههههههههههههههههههههههههههههه

    حا نقعد في البيوت إلي أن نموت

    وم حا ندفع حق الرخصة

    والله عجيبه …..

    دي من إبتكارات مستشار الجبايات

    العالم تبتكر لتزيد الإنتاج ،،، ونحن نبتكر لنزيل الإنتاج

  3. هم المواطنين ديل ما يموتهوهم عديييل ويرتاحو منهم
    يلقوها من الغاز ولا من السكر ولا من شنو
    رخصة شنو الحيعملوها للناس البتمشي في الشارع
    وبرسسوم ولا ببلاش؟ ولكبار السن من الجنسين ولالاطفال ولا بس للشباب ؟ ورخصتهم دي فيها تجديد ولا ما بتتجدد؟
    هملو عايزين يوعو الناس ويعلموهم قوانين المرور عندنا وسائل الاعلام والقنوات التلفزيونية دي بدل ما هم مالينها اغاني يملوها بالارشادات التوعوية والتعليمية المرورية بدل ما ناس التلفزيون ما عندهم افكار ومواضيع لبرامج مفيدة

  4. ياربي الرخصته مطوفة لو لاقاهو بوليس المشاة حا اربط ليهو كرعينو الحوامات ديل ولو الواحد عامل باركنق في الركن ومتكل علي الحيطة يعتبر مخالف ولا ما مخالف وما هي احكام الجاري والمفحط بالباتا والناطي الخور وهل الناس المروقين الراكبين جزم ايطالي والناس الجزمهم عايزة سمكرة عقوبتهم واحدة

  5. دقيقة يابتاع المرور اخد نفس من المشوا الطويل عشان اطلع ليك الرخصة —— هاك الشلوت دا

    1. دقيقة يابتاع المرور اخد نفس من المشوار الطويل الماشيه كداري عشان اطلع ليك الرخصة —— هاك الشلوت دا

  6. في الاول يجب على الحكومة ان تنظر في حال الطرق و الشوارع هل هي صالحة لقيادة السيارات
    هل الطرق عندنا حسب المواصفات و المقاييس العالمية هل هناك أماكن مخصصة للمشاة بما يكفي
    افتكر بدري علينا لرخصة المشاة.

  7. صدرت هذه في الجزائر .. وصحفى السجم عمل ليها ( ختف ولصق ) ..

    1. دائما صحفيي الغفلة الذين يكتبون في مواضيع هم غير فاهمنها. هؤلا هم سبب معانأة المواطن

  8. وعليه يبدو أننا سنشهد مقبل الايام مزيد من (الرخص) والترخيص ضد المواطن الرخيص…
    نحن في بلد يسترق إنشأ طريق معبد بالاسفلت مايقارب السنتين وفي بعض الاحيان عشرة سنين والامثثلة موجودة, ولايستغرق تدمير نفس الطريق أقل من ستة أشهر.. وبعد هذا وبكل الاستخفاف يأتي من يشرع وينظر ويتفنن في تعذيب المواطن الغلبان…
    يكفينا فقط عند الله يبعث عباده أن يحاسبكم أيها (المسئولون أمام الله) بـ.. (لما تسووا لهم الطريق)..عندها نسأل الله وهو خير مسئول أن يسوّي لهم الطريق الى جهنم.. وهذه من بشرى النبي صلى الله عليه وسلم للمظلومين إذ قال:(( مامن إمام يموت وهو غاش لرعيته الا وحرم الله عليه الجنة)).. أو كما قال صلى الله عليه وسلم….فهنيئا” لكم (بجهنم) فأدخلوها خالدين

  9. الشغلانيه ديه بعلموها لي اولاد الروضه من صغار المربيه مثلا بتعلمن كيف الواحد يعبر الشارع حسب تعليمات اشاره المشاه.. .حتي زوي الاحتياجات الخاصه كل اشاره فيها جرس مثلا لفاقدي النظر.. .مفروض الدوله تدخلا ضمن المناهج الدراسيه

  10. يعني انتو عايزين تمشوا في تراب الحكومة بالمجان؟؟؟ أولا الرخصة دي إلزامية و بتجدد قبل كل خريف ، و هناك عدة رخص مش واحدة، رخصة للمشي في التراب و ثانية للمشي في الظلط و دي أغلى من رخصة التراب لأنه الظلط مكلف الحكومة الشيء الفلاني، و ثالثة للمشي بالحمار و لو كنت راكب جمل دي كمان براها لأن الجمل أخفافه عريضة بتاخد مساحة أكبر من التراب، و أهلنا ناس الغرب البيركب ليه تور الله قال بي قوله دا كمان رسومه براها. و أبشر وزير المالية إنه الربط حايفوق المقرر بكتير و ما أظنه يحتاج لزيادة أسعار البعر لأنه الناس قرروا يرجعوا ليه تاني في الوقود بدل الغاز.

    1. دي زي النكتة الواتسابية

      لكل من يعارض بارتفاع البنزين والغاز

      هل عندك شك في أن الحكومة هي من اكتشفت البترول ؟ وطلعته ؟ وباعته ” من حقها ” طبعا

      حفرت معاهم ؟ لأ

      وصفت ليهم المكان ؟ لأ

      أديتم برميل فاضي من عندك ؟ برضو لأ

      غديتهم أو عشيتهم وهم بحفروا ؟ لأ

      يلا اقفل خشمك واقعد محلك

      ” تضامنوا معا لتحسين صورة الحكومة “

  11. ههههه هههه حلوة لكن يعني انا لو نسيت رخصتي في المكتب اقول لي ولد الجيران شوف الشارع كيف انا داير اصلي في المسجد لكن نسيت رخصتي في المكتب ،،،،،او واحد اقول ليك بالله جيب لي فول من البقالة عشان رخصتي منتهية ،،،، و لا اقول ليكم اكون نسوان ماشات مناسبة اقولوا لي بعض الرخصة منتهية ما تمشي معانا ،،،، واحده تقوم تتفشخر عليهن انا رخصتي طالعه من رئاسة المرور بواسطة ود اختي اشوفوها ارجعوها لي على طول هههههههههههههه

  12. بسم الله الرحمن الرحيم
    ايها السادة اكرر نحن لا نحب النظام وكل شئ فوضى وشوفوا الناس كيف تعبر الطريق والاشارة خضراء لسير السيارات
    ولذا المفروض يغرم كل من يعير الشارع والاشارة لمرور السيارات
    ولعلمك فى دولة الامارات والكل يعلم اذا لم تتبع قواعد عبور المشاة غرامة 200درهم
    فهمتووووووووووووووووووووووووووووووا تعلموا الثقافة والنظام لانه من هب ودب وصل العاصمة ببدويتة
    واتركوا الاستهتار با من شطاركم فى النقد فقط دون دراسة الماضيع يا غصن الشوك ويا مكنيكى ويا ناصر

    1. ووين هي الشوارع المخصصه للمشي فقط دون السيارات ووين هي خطوط عبور المشاة ….؟؟؟؟

      بعدين ليه الناس تمشي( كداري ) ما يمشموا بسياراتهم الفارهة دي !!!!!

    2. شوف ياسيد دي شغلة بتاعة قلة ادب وفارغة كمان الناس ماشة برجلينها مما ربنا خلق الدنيا المشي كمان بقي داير ليهو رخصة لالالالا دي كثيرة شوية وعدم موضوع من الحكومة وافتكر خلاص يعني كمان بعد شوية …الكيزان مجانين لكن يبدو انها مرحلة الجنون النهائي مافاضل بعد ده الا عمر البشير يجيبو ليهو كديسة او كلب ويعنهم مستشاريين

  13. هو كويس تعليم الناس الإلتزام بقوانين المرو ولكن أليس من الأجدى عمل درابزين على الشوارع وتخطيط أماكن تُخصص لعبور المشاة؟ وفوق ذلك عمل إشارات للسيارات للتوقف عند أماكن عبور المشاه هكذا أسلم وأفضل وهو الوضع الأصح والأمثل، ومن يعبر بغير هذه الأماكن يُعرض نفسه للمسؤولية والغرامة ، لكن عشنا وسمعنا برخصة( السير على الرِجلين)، هل هي طريقة جباية جديدة؟ وهل سيكون هناك أفراد شرطة مُخصصين لمراقبة الذين يمشون على أرجلهم؟ وكم سيُخصص من أفراد شرطة لكل شارع؟ وهل يتواجد أفراد شرطة(السير على الرجلين) في الشوارع الرئيسية المسفلتة فقط؟ أم حتى الشوارع الفرعية والداخلية بين البيوت؟ وإذا كنتُ أسكن أحد هذه الشوارع الجانبية وخرجتُ من البيت فعلى بعد كم خطوة من الباب يبدأ عمل (رخصة المشي) بتاعتي؟ وهناك أزقة أمدرمان في أحيائها العريقة هل يُحاسب الماشي على رجليه أيضاً ؟ وأخيراً كيف ستكون ( رخصة السير على الرِجلين) وهل ستحمل صورة صاحبها؟ وهل هناك رخصة (لراكب حمار) مثلاً؟ وهل ستكون الرخصة لراكب الحمار أم فيها صورة الحمار؟هناك ألف طريقة لتعليم الناس الإلتزام بحركة المرور ولكن ليس من ضمنها إستخراج رخصة سير على الرجلين!!!!

    1. نسينا أن نسأل كمان كم سؤال :- هل سيُمنح الشحادين والشماسة رخص سير أيضاً؟ وحتى حبوباتنا لمن يكونن ماشات السوق برضو لازم يحملن رخصة سير؟ والطلبة والطالبات كمان؟ أها والحمير والغنم السايبة و معاها الكلاب والقطط الضالة نعمل معاها شنو؟ عجباً للتطور بإستخراج رخصة ( سواقة الرِجلين)!!!! وزي ما قال عادل إمام:- دي العملية وِسعِت أوي!!

  14. في رخصة اكيد لازم يكون معاها
    ..نمرة .. خطرات …وفرامل …وقربة موية

  15. أفيدوني يرحمكم الله .. اذا جاءني ضيف وعندي ديك عايز اضبحو لضيافة الضيف وانا اطارد في الديك وفجأة وجد باب الحوش فاتح وخرج مهرول وأول ما وصلت عتبة الباب شفت رجل مرور السير قريب ماذا أفعل؟؟ هل اترك الديك ؟ واذا تركته بماذا اضيف الضيف؟ ولمن تؤول ملكية الديك؟ يجب ان نعرف اجابة كل التساؤلات حتى نحطاط.

    1. انتا كده يا اخوي اتمليت مخالفات اولا كونك تطارد ديك بدون دفع رسوم المطاردة دي مخالفة واضحة وصريحة
      ثانيا ما عندك تصريح بضبح الديك ؟وهل دفعتا رسوم الضبح
      ثالثا كيف تحري وتمشي

  16. هههه شر البلية ما يضحك عليكم الله الحكومة دي تقاعده لشنو غلبه بالتعملو قال رخصة مشاه قال دي ما في دوله في العالم عملتها يعنى نحنا تاني نقعد في بيوتنا ما نطلع ولا شنو ورخصة مشاه لشنو اذا كان الطرق متهالكة والارصفة زي الزفت وقالو عاوزين يقللو الحوادث انتا بتقلل الحوادث بعمل رخصة مشاه احكي ليكم القصة دي مره سايق عربية وكان في هوا شديد وجيت ماشي وما شايف اسطوب بعد شوية مسكوني ليك ناس المرور يازول قاطع اشارة مالك قلتا ليهو هي وينا الاشارة دي اتاري الهواء لف الاشارة للاتجاه التاني قلتا بالله دي يشوفها حمراء ولا خضراء كيف . ويجو يقولو ليك رخصة مشاه ….. دي ضرائب جديدة