وصفه بعض الحاضرين بـ(الكلس)… رجل يهدد زوجته (بالطلاق) بسبب (أنبوبة غاز)
شهد منفذ لتوزيع الغاز بولاية الخرطوم اطرف موقف دار بين رجل وزوجته حيث احتد النقاش بينهما عبر الهاتف و تطور ليصل إلى مرحلة (الغليان) وسط حيرة المواطنين وتعود تفاصيل القصة إلى الاتصالات المتكررة التي كانت تقوم بها الزوجة بين الفينة والأخرى بهاتف زوجها للتأكد من حقيقة وجودة بمنفذ التوزيع وذلك بعد أن تأخر في العودة للمنزل بسبب انتظاره لوصول أسطوانات الغاز ليفقد الرجل أعصابه ويفشل في التحكم بنفسه وهو يرد عليها عبر آخر مكالمة جمعتهما بعبارة: “ياخ كرهتيني إنت والغاز والله العظيم تضربي لي تاني تشيلي هدومك وبيت اهلك وطوالي”، الطريف في الموضوع أن احد المواطنين المتابعين للمشهد قام بتحية ذلك الزوج بحرارة مؤكداً له بأنه (راجل كلس) !!
صحيفة السوداني
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
تانى مااتصلت
اكييييد ما اتصلت، لكن كدة الزوج وضع اول شرارة للانهيار عش الزوجية في المستقبل كان يشوف طريقة أفضل من كدة. والزول الكبر ليهو راسو ويقول كلس دة اكييد مرت الجيران هي المرسلاهو لانو قاعد لا شغل ولا مشغلة ويدي نصايح للمتزوجين
كلس شنو كمان
ده راجل اضينة ساي ومنفوخ في الفاضي
الوليه عندها جعال وعايزة تطمن انه لقى غاز
مافي داعي للكلام الفاضي ده
يرد على ام العيال باسلوب كويس
شنو تشيلي هدومك وتمشي بيت اهلك
ده راجل فرطوف ساي
ما اهانهن الا لئيم
هكذا قال احسن الحلق
عليه الصلاة والسلام
بعدين راجل بخوف مرتو ده اصلا ما راجل
واكيد حينفزر قدام احيب راجل ويخاف