منوعات

قصة “أعنف شاكوش” سوداني.. فتاة تترك حبيبها بعد قصة حب دامت لخمس سنوات بسبب مغترب..وحبيبها يبعث لها برسائل مؤثرة


هناك مصطلح شائع بين أوساط الشباب السودانيين وهو (الشاكوش) ويعني ترك احد المحبوبين للآخر ويسمي الشاب الذي تتركه حبيبته لأجل شخص أخر بـ(المشوكش).

ولعل أكثر ما يهدد علاقة الشاب بالشابة هذه الأيام الشخص القادم من الاغتراب من أجل إكمال نصف دينه والارتباط بشريكة حياته.

ويأتي تهديد المغترب للعلاقة العاطفية بين الشاب والشابة نظراً لجاهزيته في إكمال الزواج ومن هنا تبدأ قصة “الشاكوش” حيث يتقدم القادم من بلاد الغربة للفتاة المرتبطة بشخص آخر ويبدأ في تقديم العروض التي يسيل لها لعاب أسرة الفتاة من كون أنه جاهز لإكمال مراسم الزواج.

الفتاة بدورها ستوافق علي الزواج من المغترب تحت ضغط أسرتها أو بمحض إرادتها, وإن أرادت الزواج من حبيبها فعليها الانتظار لفترة قد تطول وتطول.

ومن ضمن هذه القصص التي وصفها ناشروها بالمأساة قصة شاب سوداني وفتاة عاشا قصة حب وصفها المقربون منه علي مواقع التواصل الاجتماعي بالأروع  نظراً للحب الكبير المتبادل بين الطرفين.

وقد امتدت هذه القصة لخمس سنوات كاملة دون انقطاع وسط تفاؤل الطرفين بختم القصة علي أروع ما يكون وأن يبدأ حياة زوجية سعيدة متى ما تيسر الحال.

متابعات محرر النيلين أشارت إلي أن الشاب (م ـ أ) والذي نشر قصته علي موقع التواصل الاجتماعي فيسبوك يعيش حالياً في أزمة عاطفية بعد أن تركته حبيبته (ش ـ ع) والتي كتب اسمها علي صفحته عبر فيسبوك ورفض المحرر نشره ويصفها بالخائنة بعد أن تركته واختارت شخص عائد من الاغتراب لترتبط به.وقد بعث لها برسالة مؤثرة يقول في جزء منها (هل نسيتي أم تناسيتي لأيامنا الجميلة؟ هل نسيتي أم تناسيتي قصة حبنا التي يصفها أصدقائنا بالأروع علي الإطلاق؟ أم كنت تكذبين علي؟ هذا هو الواضح لأنك قبلتي الزواج بأول شخص تقدم لخطبتك).

الشاب  (م ـ أ) ظل يكتب رسائله بشكل يومي علي موقع التواصل فيسبوك وسط تعليقات أصدقائه الذين وقفوا معه وخففوا عن أوجاعه العاطفية بتعليقاتهم المطمئنة والتي يؤكدون فيها (ولا يهمك يا غالي بتلقي الأحسن منها) وصديقاته أيضاً لم يقصروا وجاءت تعليقاتهم (والله فلانة دي ما بتستاهلك وهي الخسرانة ما أنت, وان شاء الله حتتزوج ست ستها).

القصة التي وصفها الكثيرين بقصة أعنف شاكوش نجحت في حجز مكان لها عبر صفحات مواقع التواصل الاجتماعي حيث قام الكثير بنشرها كعظة للشباب حتى لا يوهموا أنفسهم بالزواج من حواء دون تجهيز حالهم.

وحذروا من خطورة المغتربين بعبارة (المغترب خطر حقيقي علي حياة كل قصة حب سودانية.

محمد عثمان _ الخرطوم

النيلين

 


‫14 تعليقات

    1. سيب العطال وتريش في مغتربين معاهم شي وشويات يا باشا ماتصدق مغتربين مفلسين دي الدولار والريال في السماء

  1. خمس سنوات حب و ما قادر تتزوج …؟؟!!
    انت قايل بنات الناس لعبة و قايل الحب دا ونسة و جكيس و واتساب و هدايا
    الزواج مسؤولية و ما بقدرو عليه الا الرجال و المغترب الختيتو في خانة الشيطان دا سافر و اتغرب و تعب و اتبهدل عشان يقدر يتزوج و انت يا خفيف قاعد مقضيها ونسة و حبكانات..
    لي علمك البنات ما دايرين حنك و كلام .. ما كفاية؟
    البنات دايرين راجل يدق صدرو و يفتح بيت و لو بالقليل البسيط و يستر نفسه و يسترها ..
    ان شاء الله التجربة دي تعلمك الدنيا و المسؤولية

  2. عادي جدا .. انا ماخد شاكوش بعد 7 سنة وكانت
    لطيفة جدا معاي .. والمغترب كان قادم من لبنان
    ماعندو الا خيو وبدي وحاليا انا مزوج ومستوره والحمد
    لله ..

  3. يا جماعه قبل كدا حصلت معاي قصه عجيبه ودي قصه حقيقه والله ما بكذب ولا بألف مشيت اجازه السودان وفي يوم مشيت احدى الجامعات لواحد صاحبنا لقيتوا قاعد مع بت حلوة شديد المهم صاحبي ساقني كدا على جمب براحه قالي اوعك ما تقوليها انك مغترب وجاي من السعوديه وكدا بتضحك فيك ،، طبعا انا حترت جدا واتفاجئت كيف يقولي كدا المهم كملنا القعده واتخارجت طبعا يا جماعه صحبي دا طلع مفتح هو قالي كلامو دا عشان خايف اسحب منو الجو حقو اوكي اشبع بيها شبع يا صاحبي ..!

  4. ما قلنا الا غتراب بصل والمحلى عسل..حسع المغتربين يهاجمونا؟؟؟لكنها حقيقه المغترب بصل..انظر حولك الخليج راح فيها بسبب البترول ..المرتبات ستنخفض الى الثلث . يعني الشغله مانافعه..عليه الحب اصبح كوليرا في هذا الزمن الاغبر

    1. يلا يا المحلي … امشي اتزوج … عشان اول انبوبة غـــــــاز تقطع ..ح ينقطع نفسك

      1. هههههههههههه… بعد السعر الجديد الانابيب وقعت بصل اها بالدين كمان قلت لك المحلي عسل…والمغتربين لحقو انابيب الغاز اصفر ..برتقالي…اغبش …ظهري…اخضر…. كلوا طلع ياسودان يامحلي ياعسل ٢٠١٦ اي فرد لازم يعرس ولو بالدين .إدين وإتبين حريقه في الدنيا

  5. عندك قروش تعرس اي بنت حب وما حب دا كلام والسلام طول ما مافي شخص قروشه اكتر منك تحبك مالو اهو تمضيه وقت البنات ديل بضاعه اليدفع اكتر يشيل لكن كمان في الحاله دي تستناك لبتين يعني خمسه سنين حب وونسه ما قادر تعرس يعملوا ليك شنو البنات فرصهم اضيق وهم عارفين كدا واي وقت بمر ما برجع ما زي الاولاد عشان كدا لو اي بنت خلت موضوع الحب والكدب دا ورجت نصيبا احسن ليها لا باعته ولا باعها اسا الخمسه سنين دي لو سويت شيء مفيد بدل الونسه دي كان احسن لو بعت مويه في السوق كنت عرست كان ممكن تحفظ كل القران اهو ضياع في ضياع

  6. خمسة سنين عدييييل كدة
    لو كنت اتزوجت من وقتها حسي ولدك كان قرب يخش المدرسة