رأي ومقالات

والله الا تندموا يا ناس زين


والله الا تندموا يا ناس زين …..
‫#‏زين_عالم_شين‬
مقال رقم 1

السلام عليكم ..
طالما بتقرا في الرسالة دي معناها انك داخل نت .. لو داخل نت بي ام تي ان او سوداني فانا احييييك .. واقول ليك استمر وما تفكر انك تدخل نت بي زين ..

احتمال كبيير سمعتا الناس بتقول شبكة زين في النت اقوى من باقي الشبكات .. كلام مظبوط وانا شخصيا كنت من الناس ديل .. وكنت بنصح باقي الناس انهم يحولو شبكاتهم لي زين …

لكن بعد الحقارة والاستخفاف والاستهتار والتهميش الحصل من شبكة زين ضد المستخدمين بقيت انصح بالعكس وفي نفس اليوم حولتا لي ام تي ان .. ما انا براي انا متاكد انو اكتر من نص المستخدمين عملو كدة .. والنص التاني م عايز يحول لانو شغال برقمو من زمان والناس كلها عارفاهو … ودي مشكلة حلها بسيط جدا ح اقولو في اخر المقال ..

الموضوع م محتاج كلام كتير … ب بساطة لو انت ما راضي بالحقارة الحاصلة كل المطلول منك انك تنضم لينا ..

منو نحن ؟
نحن مستخدمي زين السابقين. قررنا نقاطع زين نهائيا بعد الجريمة الحصلت منهم في حقنا

كيف ح تتم المقاطعة ؟
شوف الشبكة الاقوى في منطقتك ام تي ان ولا سوداني .. وحول ليها طوااالي ..

كيف حملة المقاطعة ح توصل لي اكبر كمية من الناس ؟
– اولا بي نشر المقالة دي في الفيس بوك والواتساب
– ثانيا عندنا فكرة فيديوهات ظريفة ح تلقاها في صفحتنا في الفيس اسمها زين عالم شين …
– ثالثا لو عايز تشارك معانا بي فيديو الفكرة بسيطة :
*فيديو لا يتجاوز 15 ثانية
*بيلخص الطريقة الحتتخارج بيها من شريحة زين
*الشريحة البديلة
*ارسال الفيديو على صفحتنا في الفيس بوك ليتم نشره

كيف انضم ل حملة المقاطعة ؟
– اول خطوة استبدل شريحتك زين ب اي شبكة تانية
– انشر اي حاجة عندها علاقة ب مقاطعة زين
– لو ممكن اعمل ليك وشير علي صفحتنا في الفيس بوك زين عالم شين عشان نوصل لاكبر عدد ممكن من الناس

رقمك بتاع زين قديم وما عايز تتخلى عنو ؟
– بسيطة امشي لي اي مركز من مراكز ام تي ان وسوداني وقول ليهم رقمي زين وعايز اتحول لي شبكتكم بي نفس الرقم .. وخلي الباقي عليهم

بقلم صفحة
زين عالم شين


‫3 تعليقات

  1. وأنا أشطر من بلال

    أنا مقاطعهم من زمااااان

    أحيي فراستي وشفافيتي التي جعلتني أعرفهم

    كونوا زيي

  2. انا أفتكر ده أهم قرار تسويقي اتخذته زين منذ مجيئها السودان !!

    الموضوع بسيط , عايز الرخيص و البطئ أمشي للرخيص في أم تي ان و سوداني , عايز السريع و الغالي خليك في زين ..