أبرز العناويناقتصاد وأعمال

الدولار يترنح امام الجنيه السوداني ويواصل رحلة الهبوط


في بداية تعاملات الأسبوع شهدت أسواق المال تواصل هبوط أسعار صرف العملات الأجنبية أمام الجنيه السوداني في السوق السوداء، وسجل الدولار الأمريكي يوم الأحد 11.65 جنيه.

بينما سجل الدولار يوم الخميس 11.80 جنيه في ختام تعاملات نهاية الأسبوع الماضي كسعر أقل من يوم الأربعاء 3 فبراير حيث كان سعر صرفه 11.92 جنيه في العاصمة السودانية الخرطوم، بعدما حققت العملة الخضراء سعر قياسي يوم الثلاثاء الموافق 2 فبراير 2016 حيث وصل سعر الدولار 12 جنيه سوداني، كأعلى رقم قياسي لصرف الجنيه.

لمعرفة أسعار بقية العملات يمكن مراجعة النشرة اليومية لأسعار العملات بموقع النيلين.

الخرطوم/معتصم السر/النيلين


‫14 تعليقات

  1. يترنح عدييييل كدة ياخ والله بالغتو
    انا لم قريت الخبر قلت الجنية بقى بي 7 دولار

  2. المضحك هو استخدام عبارات بالونية شديدة الانفجار

    فالذي يقرأ ” يترنح ” يتخيل إنها حلبة ملاكمة …البطل فيها الملاكم الأسطوري ” محمد علي كلاي ” …ولكن

    عندما تتمعن فيماذا ولد الجبل ، تجده قد ولد فأرا من نوع السيسي ..كمان ما جربوع كبير

    وحتى لا نحبط فدعونا نتفاءل خيرا

    فطريق المليون يبدأ بالخطوة الأولى ….فالفلسات القليلة التي هبطت ستتبعها جنيهات وجنيهات إلى أن نصل درجة الضربة القاضية

    بطل يا جنيهنا بطل

  3. هههههههه. ..لكن يترنح دي عجبتني ..يامعتصم السر والله انت شكلك البتترنح … ???..

    1. ههههههههههههههههههههههه والله بالغت #ياكيمو ياخوى . ده قصف فى الجبهه

  4. ب 11.65 وتقول لي يترنح دي في بلدك يعني مباراة الرد تكون كم
    زي واحد ماخد اسنا في قبولو ويقول ليك قربت اصقطها ليهم

    1. غمران شنو يازول دا زمان دخلو العناية المكثفة وبنسمع همسات كلام كدي إنو اصبح ميت دماغياً يعني مافي امل يطلع منها وكل هذه الاشياء التي تسمع عنها اشاعات
      احلام زلوط لكي يعود الجنيه مقابل 4 دولار اقل شيء بعد خمسة سنوات من الان

  5. أود أورد لكم أسباب إنخفاض الجنيه أمام الدولار ، أولا تدني مستوى الإنتاج الذي سببه الدولة بسياساتها المعوقة للإنتاج من جبايات وضرائب ، وكذلك فساد التقاوى ، وعدم حماية المنتج ، وذلك في الحفاظ على الأسعار التشجيعية في حالة الوفرة . كوفرة الطماطم في الأيام الفائتة ، ثانيا تحويلات شركات الإتصالات بالعملة الصعبة (أسهم شركات الإتصالات الخارجية) ، ثالثا التهريب بما فيها تهريب الذهب . أما الحديث عن ترنح الدولار أمام الجنية . هذة طبطبة . يعني بالبلدي لولاي شافع. نوم نوم اذا ما جاييه نوم بنوم؟

  6. هسع وينو التِرنح؟
    الدولار عامل 11.67 هسع ده ترنح؟
    أوماااال لو رجع لي سعرو الرسمي يبقى تِفِحِط؟!
    ماتخمونا ساي عليكم الله
    ترنح وبلّي وبتاع

  7. خلعتونا و الله ، قلت تاني الواحد يقول للأهل يستلفوا قروش لامن الأسعار ترجع تاني و نحول ليهم ، لكن الحمد لله شكلو الدولار بتلولح من الطراوة بتاعت الشتا ..