منوعات

بسبب هذه الصور.. جمهور المطربة السودانية مونيكا يفجر مفاجأة ويطالب بوضع صورتها علي العملة مثل الملكات


سحرت المطربة السودانية المعروفة مونيكا روبرت جمهورها المتواجد علي مواقع التواصل الاجتماعي بصور أظهرتها وهي ترتدي الثوب السوداني.

جمهور المطربة السودانية مونيكا يفجر مفاجأة ويطالب بوضع صورتها علي العملة مثل الملكات

ويبدو أن جمهور المطربة المعروفة ونجمة الإعلانات السابقة قد بالغ في اهتمامه بها وبصورها, فبعد أن قام الجمهور بتنصيبها ملكة لجمال السودان من خلال صور قام بنشرها موقع النيلين في وقت سابق.

جمهور المطربة السودانية مونيكا يفجر مفاجأة ويطالب بوضع صورتها علي العملة مثل الملكات

عاد نفس الجمهور المهتم بمونيكا بطلب يحمل بداخله الكثير من الغرابة, حيث طالب البعض ممازحاً بوضع صورتها علي العملة الرسمية للبلاد, وذلك حسبما كتبوا في تعليقاتهم التي رصدها محرر النيلين.

 

ويري هؤلاء أن مونيكا نجمة وملكة لذلك يجب أن يتم وضع صورتها علي العملة تيمناً ببقية الملكات مثل الملكة زنوبيا في سوريا والفنانة فريدا كالو في المكسيك وإيفا بيرون في الأرجنتين.

جمهور المطربة السودانية مونيكا يفجر مفاجأة ويطالب بوضع صورتها علي العملة مثل الملكات

وقد رصد محرر النيلين بعض التعليقات التي كتبت علي صور مونيكا, طارق محمد كتب (أنتي حلوة وسمحة وأنا لو عندي سلطة في البلد دي بخت صورتك في العملة عشان الشعب نفسوا تتفتح).

 

وقد وافقه الريح خالد الرأي وكتب (كلامك صاح لو ختو صورة مونيكا في العملة الناس نفسها بتتفتح).

علي إدريس كتب (يا جماعة زمان الملكات والفنانات بختو صورهم في العملة غايتو لو الزمن برجع لي وراء كان ختينا صورة مونيكا عشان العالم كلو يعرف انو السودان جميل).

 

محمد عثمان _ الخرطوم

 

النيلين

 


‫35 تعليقات

    1. الفهمتو يا ” محمد عثمان ” إنك بتقعد تباري فيس بوك هؤلاء البنات وتقعد تلقط مثل هذه الأخبار !!!!!

      يسألك الله دي شغلانة ياكل منها الإنسان عيشو ؟!

      1. والله ياساخرون يا أخوي… أنا نضمت معاهو بهناك…جايب ليه خبر عن شهد المهندس ماعندوي أي مذهب ومافيهو أي مصران…ف قلت ليه يا أخوي دي ماشغلة توديك لي قدام…

        1. سلام أخي مسلمي

          نفسي أعرف هو بيقرا تعليقاتنا دي ولا نحن نؤذن في جزيرة ” Deception ” ؟

          الظريف الجماعة بي جاي جراهم ” ود بنده ” لدرب تاني !! هههههها

    2. اخطو درب مونيكا دي اصلها جكسوية ضابط كبير بجهاز الامن لذلك جوزا لايهش ولاينش وراضي بالحال

  1. انا لي يومين عندي كحة والحمى وفتور ..الخ
    لكن لما شوفت صورة مونيكا حسيت بتحسن .. الحمد لله والشكر لله.

  2. إقتباس:

    ((وذلك حسبما كتبوا في تعليقاتهم التي رصدها محرر النيلين))

    يعني الخرمجة دي جاية من محرر؟!! مخير الله
    أنا إقتبست الجزئية دي بإعتبار الخبر كلو لا يرتقي للرد عليه لأنو عبارة عن (نقيع قعونج) بس الكلام البين قوسين ده مستفز شديد والله…ده كلام زول محرر ودرس ليه 5 شهور إعلام؟

  3. ي ناس النيلين عليكم الله ريحونا من سزاجة سراج النعيم ومحمد عثمان وينو هسة الجمال ولا عاجباتنك الجضوم

  4. المعلق النقش ركبتا وقال جكسا في خط ستة ده ممسوخ ومطموس
    يا بت لمي ركبتك ووراكينك بتبالغي
    لو ما جقة سمينة اكان ورتنا صرتا

  5. انتو يا جماعة مونكا دي سودانية ولا شنو معليش ياشباب بنت جميل بس الاسم دا ملخبطني شوية كدا

    1. سودانية و لابسة توب كمان … بس أصولها من بعيد شوية … زيها و زي الباقين كل زول جاي من بلد .. بس أهلها كتر خيرهم عملوا اضافات ايجابية !!!!!!

  6. الله يخرب بيت دا محرر ما عنده شغلى ومباري حريم ما عندهن وليات ويتسابق في اظهار المفاتن والجمال ..
    بعدين الله يفجر راسك الغليد دا ..هو مش كدا برضه ..؟؟ شنو شابكننا تفجر ويفجر وفجر نحن في داعش ولا في موقع ترفيهي ..
    هسي مونيكا دي راجلها ما بيخجل .. ولنفرض انها ما مسلمة هو ما عنده عرض يعرض لحم مرات للتعليق .. ولا العيون القوية تشوف ابعد من خط المرمى انا ومعاي جماعة يادوب تحت التوب ..
    عليكم الله يا النيل جيبوا الاخبار في صياغ اظرف واجمل وخلوه يكون خفيف الظل .. واهم بعدونا من التفجرات دي ..؟

    1. عذرا للاخطاء لاني اتحمقت شديد والدم غلى في راسي
      وليات: وليان
      مرات : مراته
      النيل : النيلين
      اهم… اهم شيء

  7. دار حامد مونيكا ايطالية بس مولوده في السودان وعايشة فية

  8. الأقباط ديل ناس محترمين يعني ماقدرين يوقفو بتهم الظربونة دي في حدها وهي تظهر في جمالا هكذا
    الله يستر ان تظهر فقط بما هو تحت التوووب ……………؟

  9. يا إخوان الظاهر النظر للاسكيرت نساكم النظر للوجه الحسن شوفوا الابتسامة في الصوره الاولي كأنها ابتسامت الملونيزا .

  10. استغفر الله العظيم من كل ذنب عظيم …. والله الراجل ده جن عديييييييييل كده وين السماحه الفايته اللى لمن يختوها فى عملتنا …. ومسخره شديده التوب شفاف والجيبه فوق الركبه (فعلا غنايه) …. دى الحاله عامله فل ميكب … والله العظيم عباره عن ترله متحركه مشتركه فى محل الزمبا اللى جنب بيتنا ومن غير ميكب ما تشتريها بى عشره تعريفه …. مشكلتكم بقت فى اللون الابيض بس غايتو جنيتوا رسسسسسسسسسسسسسسسسسسسسمى ياناس النيلين فى اخبار اهم بى كتير من التفاهات حقتكم دى …… لك الله ايها السودان

    1. غايتو عليكن جنس حسادة يا نسوان الزمن دا ..

      صراحة لا عايزة ليها ميك أب و فرد شعر !!

  11. العملة السودانية هي أرخص شئ اليوم في السودان وبوضع صورتها علي العملة تكون الحكاية كملت وجهان لعملة واحدة.
    لك الله ياوطني.

  12. زوجها وين مستعرضه كدا ؟! مع احترامي للكل اكيد في ناس باتوا هنا

  13. اقول ليكم معرسه منو تدفعوا كم ؟ عدس ياعدس يالعزابه اكلته عدس يالعزابه

  14. قايتو الملابس الشفافه دي ما بتوقف حد الشووووف بس؛ بتخلي الزول يسررررررررح !
    * الله يجازي الكان السبب عاد *

  15. حساده شنو يازول بتاع غلاط … نحسد لينا وحد عارضه جسمها والعياز بالله عشان شنو يعنى …. دى يقولوا عليها (الحمدلله اللذى عافانا مما ابتلى به الاخرون) …. رجال اخر زمن ….

    1. لو انتي انتقدتي تبرجها و طالبتيها بالستر والاحتشام، دا كان المطلوب وكنا قلنا ليك جزاك الله خير، و ما كان في زول رد عليك .. لكن انت قلتي : كلو ميك أب و هي زي الترلة … و الحقيقة غير كدا … و ما دايرة ليها درس عصر !!

      الحسادة دي الا يعملوا ليها قروب واتساب !!!

      ربنا يهدي الجميع .

      استغفر الله .

    2. مادام جابت ليها تنظير ميك أب وكدا المغصه المغصه الحسد الحسد ههههههههههههههههههه

  16. جمهور تافه . وقريبا بالطريقة دي الفنانات السودانيات حا يعتمدوا علي جسمهم وعلي الاغراء في جلب الشهرة بدلا من الصوت زي هيفاء وهبي واليسا
    يا جماعة عندي سؤال الصحفي الاسمو محمد عثمان واللا منو دة ما عندو شغلة غير مباراة النسوان لانو قبل شوية شايفو منزل ليهو صورة لي شهد المهندس