سياسية

تمليك نواب البرلمان سيارات بالأقساط وبإعفاءات من الضرائب والجمارك


دفع البرلمان بكشف أسماء جميع النواب لإحدى الشركات الكبرى العاملة في مجال صناعة وبيع السيارات وأبلغت مصادر برلمانية –رفضت ذكر إسمها أن قراراً قضى بتمليك جميع النواب سيارات من خلال فترة مدتها 48 شهراً دون قسط اولي، واعفاء نسبة 40% التي تحصل لصالح الرائب والجمارك واكد ان الاقساط ستُخصم شهياً من مرتبات النواب لصالح الشركة، وأوضح ان اسعار السيارات متفاوته وأنها ستحدد بحسب نوع السيارة التي سيختارها النائب.
ويتقاضى النواب راتباً شهرياً مقداره (4.900) جنيه منها مبلغ (3.900) جنيه راتب أساسي و1000 جنيه عبارة عن حوافز حضور جلسات ومخصصات أخرى.

صحيفة السوداني


‫7 تعليقات

  1. الله لا بارك فيكم .. المغترب الشقيان التعبان ( دينو طالع ) مالكم ما نظرتو لى حالو .. الا اخر موديل وكمان جمارك تقسم الوسط لعشرة اجزاء .. حسبي الله ونعم الوكيل فيكم ؟؟؟؟؟؟؟؟؟؟ظ

  2. الرشوة بعينها لنوام (اقصد نواب) المجلس الوطني من الحكومة عشان ما اكون ليهم دخل بمشاكل المواطن وما اناكفوا الحكومة

    رئيس الوزراء في بريطانيا (وهي من اكبر 6 اقتصادات في العالم) يذهب الي عمله بالمترو و حكومة السودان (وهو من افقر اقتصادات العالم) يرشي النواب بالسيارات آخر موديل وكمان معفية من الجمارك والضرائب , حسبنا الله ونعم الوكيل فيكم ايها الفاسقون.

  3. دي الحقوق الخشيتو البرلمان عشان تدافعوا عنها؟؟؟؟
    وليه يستثنوكم من ضرائب وجمارك شاركتوا في فرضها ع الناس؟؟؟
    اذا انتو بتتهربوا من دفع ضريبة البلد الفرضتوها وضريبة المناصب الاخدتوها ذورا وترضيات لا بقدرات لا بكفاءات ليه ما يتهرب منها الزول الاغبش المسكين؟؟؟
    هو زاتو ليه خمسمية برلماني ؟؟؟البلد فيه 16 ولاية لو كل ولاية مثلها عشرة انفار يبقي 160 الخبوب الزيادة دا لزومو شنو؟؟؟ مكلفين البلد مرتبات ومخصصات وجات عليها تهرب جمركي وضريبي ……لا بارككم

  4. فعلاً رشوة علي عينك ياتاجر يعني الجماعة مررو قانون زيادة الغاز علي طول جاتم المكافاء والله يستر بعد زيادة الموية والسكر والكهرباء حيجيبو ليهم شنو

  5. اذا كان يستحق اللعنه

    ف نقولها بالفم الملياااااااااااااان

    لعنه الله تنزل ع كل من يستحق اللعنه دنيا و اخري اذا لم يتوب و يرجع ما عافين حقنا لا دنيا لا اخري

    اللهم اميييييييييين

  6. ههههههههههههههههههههه

    برطمان البصمة ,,,,,,,,,,,,,,

    وبرضو نحنا نواب مجالس الولايات عاوزين إعفاءات .