سياسية

إغلاق مستشفيين شهيرين بالعاصمة للمغالاة في الأسعار


أغلقت السلطات الصحية بالخرطوم مستشفيين شهيرين «أط، أم» لمدة أسبوعين، وفرضت عليهما غرامة تبلغ «100» ألف جنيه. فيما بررت مصادر مطلعة الإغلاق لوجود مخالفات بالمستشفيين تمثلت في التلاعب في أسعار العلاج ووجود صراصير في غرفة العمليات ونقص الكوادر الطبية، كما تم ضبط «44» زجاجة دم فاسد مخلوطة بدم صالح مما يهدد صحة المرضى. ونقلت المصادر لـ «الإنتباهة» أن المستشفى الأول اعترض على فريق التحقيق في الشكاوى التي تلقتها السلطات الصحية من مواطنين بسبب فرض أسعار باهظة نظير الخدمة المقدمة لمدة «10» ساعات، حيث قدرت بـ «16» ألف جنيه بدلاً من السعر الحقيقي المعلن بـ «8» آلاف جنيه، وشكوى أخرى من مواطن آخر برفع تكلفة علاجه إلى «2.800» جنيه بدلاً من «500» جنيه السعر الحقيقي. وأشار المصدر إلى أن المستشفى الآخر به نقص حاد في الكوادر الطبية، بجانب ضبط صراصير في غرفة العمليات، بالإضافة لخروج قسم الأشعة من الخدمة، فضلاً عن المغالاة في الأسعار.

الانتباهة


‫2 تعليقات

  1. الشغل ده واضح

    مامون قفل الخرطوم
    و قفل اسيا
    و حسه بدا يقفل في مستشفيات منافسيه في وسط الخرطوم

    المستشفي الباقية في نص الخرطوم هي الزيتونة

    و الأمن دخل سوق العلاج – فهم عايزين يمصوا دم الشعب السوداني انه يحولوهم للمستشفيات الخاصة بتاعت المؤتمر الوطني و جهاز الأمن بتاعه

    كيف وزير منافس يوقف مستشفيات منافسة !!!!! كيف اصلاً رحل مستثمر في القطاع الخاص ، يصبح مسؤول علي مستشفيات القطاع العام و علي الجهاز الرقابي علي نفسه و علي منافسيه !!!!!!!!

    و كيف الأسعار غالية – طيب ما يقفل يستبشرون و الزيتونة ؟؟

    و كيف الدولة تتحكم في أسعار القطاع الخاص !!!

    انت يا جماعة جربندية ، ما تحددوا توجهكم الاقتصادي شنو ؟؟؟ انتوا شيوعية و لا رأسماليين

    لكن انا اوريك انتوا مقطعين جربندية ما يشتروكم بجنيه .

    و بالله المخالفات دي بتطلع بي ياتو إيصال ان شاء الله !!!!! ان شاء الله تكون بتمشي الدولة

    بقول للمستثمرين ، اختوا البلد المعفنة دي – المستثمرين السودانيين مالين مصر و الحبشة و أنجولا و غانا و دبي و كمان في ناس في امريكا

    بلد حكموها الوسخ و أوطي مافي البلد و الجعانيين لازم يصل الفساد فيها للدرجة دي

    بعدين انتوا لمن أقفلوا المستشفيات العامة و الخاصة ، الناس تمشي الاْردن ؟؟؟؟

    اها المستفيد منوا من العلاج في الخارج ؟؟؟؟؟! عبدالله البشير كيف بالله

    هههههههههه

    دكتور مغبون – رمتوا البلد الخره دي في الدمام

  2. والله يا ود البلد كلامك صاح هذا الرجل بحكم مهنتي في المحال الطبي اعرفه منذ بداية التسعينات
    رجل بيحب القروش والاستثمار في المرضي الذين لا حول لهم ولا قوه وحتي جامعته التي افتتحها من اجل المال رسومها عاليه حدا
    اذكر عندما كانت رسوم الماجستير في المختبرات الطبيه بثلاثه مليون في الجامعات الحكوميه كانت في جامعته ب٨ مليون
    رجل بصراحه عندو ضهر في الحكومه وبينفذ كل الاجنده بتاعتها لانو الكيزان عايزين يسيطروا علي كل الاستثمارات والمشاريع وما دايرين يدو فرصه لزول تاني معاهم