ثقافة وفنون

“الأسلو”.. حكاية رقصة “تستفز” السودانيين


تلقى عريس علقة ساخنه داخل إحدى صالات الأفراح من أبناء عمومة عروسه وذلك بعد ان قام بتقبيلها في العلن اثناء ادائهما لرقصة الاسلو الخاصة بهما، ذلك التصرف اثار حفيظة المعازيم الموجودين بداخل الصالة من الأهل والأصدقاء ووصفوه بالتصرف الجرئ وغير المحترم، وفي الوقت الذي طالب فيه عدد من أولاء الامور بمنع رقصة (الاسلو) نهائيا في حفلات الزواج باعتبارها رصقة مستفزة ولا تشبه عاداتنا وتقاليدنا كسودانيين ولا تراعي لمشاعر الآخرين، مطالبين بعودة الزفة السودانية اليت تكون على ايقاع السيرة والدلوكة بدلاً من محاكاة الآخرين.
وفي ذات السياق اعلن عدد من الفنانين رفضهم لتلك الزفات الاجنبية التي طغت على المحلية وتمددت وهو ما ذهب اليه الفنان على ابراهيم اللحو الذي قال بأن (الاسلو) رقصة دخيله على المجتمع السوداني الذي يحترم تقاليده ويمتنع عن اثارة الغريزة امام الملأ، مشيراً الي ان زفة العديل والزين هي الاجمل والاقرب لنا وكلمات اغنياتها تحمل مضامين ومعاني جميلة لانها مليئة بدعوات الطيبة والتبريكات للعروسين بدلا من محاكاة الغير.
في الوقت الذي اكد فيه الفنان الشعبي عبد الله البعيو ان الغالبية اصبحت تتجه للزفات الاجنبية التي لم تكن موجودة في سنوات ماضية، لكن بمرور الزمن أقبل عليها البعض بصورة مكثفة مضيفا: “أنا أتأسف جداً للتقليد الأعمى لغيرنا وإحراج الاهل باشياء لا تشبهنا ونحن لدينا الأجمل والأروع من أغنيات السيرة والعديل والزين التي يمكن ان يُزفّ من خلالها العرسان”.
الباحثة الاجتماعية دلال عبد الرحمن اكدت ان بعض الناس اكثر ميلا للإحتفاء بثقافة الآخر بغض النظر عن المردود السالب والسيء الذي ينتج عنه هذا الميول ليتطور الي استلاب لثقافة الغير مع التعامل بشيء من التقليل الغير أجمل، مضيفة: “النساء هن السبب الرئيسي في التقليد ويجبرن الرجال بان ينساقوا وراءهن لأن المرأة بطبيعة تكوينها تتعامل بعاطفتها وتترك التعامل العقلاني جانباً في كثير من الأحيان وهي تسعى من أجل البوبار والفشخرة أمام الآخرين ليس إلا”.

صحيفة السوداني


‫10 تعليقات

  1. علي الطلاق رجااااااااااال اولاد رجااااااال…ان شا الله يكون دشدشوه طلعو زيتو

  2. يستاهل العلقة الساخنة دا عريس حيوان
    معندو احترام الي الضيوف والاهل والناس الموجودة دي كل من التربية الفاشلة تربية الدول الاوربية والتقليد الاعمي عشان شنو الهبل دا وبعدين البنت قليل ادب ما بتخجل من
    الحضور القاعد دي عادات وتقاليد مابتشبه
    الشعب السوداني والله هسي انا داير اعرس
    خجلان وشايل هم من امشي قدام الناس
    ابشر خجلان عديل كمان احضان امام الناس
    وبوس كمان دا عدم حياة والله

  3. عريس كلب وعلي الطلاق اكان انا حاضر المشهد دا الا اديهو عكاز في فقرتو واجيبو ليكم بردلاب في الواطة . وسخ قليل الحياء كمان قدم عيالنا واطفالنا تبوس العروس ؟؟؟؟؟ دقو العفن كفتو برطشو شلتو جضمو ليهو لفخو ادوهو بالجزمة . أحححححح انا مقهور من الخبر دا . على فكرة انا اخف قدر من الزول الجنبي دا قال اكان حضر المشهد دا سكين غرب طعنتين بس .

  4. تستاهل يدوك شلوت ارضي جو في شفايفك دي عشان تاني تعرف تحترم الناس الحولينك انت ما قاعد في غرفه نومك عشان تتجرأ وتقل ادبك في مكان زي ده وقدام الناس في غرفه النوم عندك بوس حضن زلازل عواصف فيضانات تغلبوا الهوبه تعملوا العايزنوا مافي زول بتكلم معاك

  5. يا اهل الخير هو العريس عمل شنو قبل مرتو…. ياخونا يمكن العروسه من النوع البيقول فيها عريسك قلبو الثبات بعدين ميل شويه و مارس حقو و كده بس نقول ليهو صبر شويه يا كوتش ما تبقى ذى لعبين كره القدم تنطط فى الخط و تخش الميدان تقعد تتفرج الله معاك
    و ردك لاهل العروس يكون بعد تسع شهور و تسع يوم

  6. العروس وصحبات العروس وبنات أهل العروس من كان يفترض جلدهم لأنهم من إشترط علي العريس هذا الأمر غالبآ . فكل تجهيذات حفل الدخلة يكون بطلب العروس والذي هو طلب صحباته في الأصل وقريباته . ولو رفض العريس الرقص لرفضت العروس إتمام الزواج بحجة انو العريس معقد ! ولو قام العريس وحاول يكلم ولي أمر العروس مسبقآ في هذا سيكون الرد من والدها والله ياولدي انحنا قاعدين ساي والنساوين هم العندهم الكلمة مشيها وماتذعل بتنا يوم وبنقضي ”
    ولو دق جرس وأصر علي عدم وجود إسلو سيحارب بشدة وممكن يلغي الزواج بكاملة من قبل النساوين وسيسمع عبارة عريس شنو البتأمر من أسع طاطي رأسك ذي باقي الرجال ماطاطو ريسيهم وخلي أمورك تعدي .

  7. ودا كلو كوم والجرتق كوم تاني لأنه شرك بالله وطقوس متوارثة من الملكة كنداكة وهي طقوس تتعارض مع الدين . الرسول صل الله عليه وسلم شرب اللبن وفي الجرتق ممنوع وعليك بخة في وجه العروس . الرسول حرم لبس الخرز وقال من لبس خرزة أو تميمة ما أتم الله له وهنا تلبس 3 خرزات الرسول منع الرجل من لبس الحرير هنا يقال لك حاجة صغيرة لفها في يدك وخلاص . في الجرتق يلبس العريس عقد السومتية السحري عشان يضمن ليك فحولتك . وفي الجرتق يلبس العريس سبحة 99 لاصلة لها بتسبيح الله .
    وإذا لم تسر الأمور علي خير تقول النساء حصلت كبسة للجرتق وعلاجها تؤخذ العروس دون موافقة العريس للبحر ومعها نساء بعد مغيب الشمس بي حافله غالبآ بعيدآ من أعين الرجال ويتم إنزالها للبحر وترفع فستانها حتي الركبة وهي داخل النيل وتأتي إمرأة بلغت سن انقطاع الحيض ومعها موس وتجرح العروس برجلها فإن صرخت فالكبسة فكت وإن لم تصرخ يعاد الأمر في يوم أخر والهدف هنا غير معروف هل هو تبركآ بالنيل أم وجوب تقديم غربان من دمها لألهة النيل كما هو مزعوم . وفي الجرتق لايحق للعريس أن يسأل النساء أو يعترض عشان ماتحصل كبسة !
    السؤال أين الإسلام من ذلك الفعل . إن كان طقوس فهي حرام وإن كان فأل خير فالرسول صل الله عليه وسلم حرم الفأل فقد كان العرب في الجاهليه قبل المعركة يطلقون طائر فإن طار يمنة تفائلوا ودخلوا الحرب وإن طار يسري لم يتفائلوا خير وتركوا الحرب فأتي الرسول وحرم الفأل لأن الضار والنافع هو الله .
    نسأل الله يهدي الجميع ويتركوا التعلق بعادات إبتدعتها الملكة كنداكة وأن يبدأ المرء حياته بتقوي الله والإبتعاد عن طلب الإعانة بطقوس مبهمة لايعرف لمن تتم لم يقرها شرع أو دين .
    وعذر هذا ماوجدنا عليه أبائنا مابحلك يوم القيامة .

  8. السلام عليكم،، نموذج اخر للصورة المقلوبة التي نعاني منها في مجتمعنا،، فموضوع حفل الزفاف وما يحتويه من مظاهر عجيبة يثير الاشمئزاز وكون ان هذا الرجل رضي ان يقبل زوجته حلاله امام الناس انما هو اهون الذنوب بين ما يحدث في صالة العرس من مجون وفسوق وخنوع كامل من رجال الاسرتين لرغبات بعض النساء في الاسرتين،،، وهذه نتيجة طبيعية لتنازل الرجال عن دور القوامة المكلفين بها،،،، وكيف نتحدث عن القوامة،،، والبعض في مجتمعنا يجلب فنانين من اشباه الرجال ليتغنوا بالعديل والزين وسط النساء في ما يسمى بالجرتق،،، امراضنا كثيرة،،، وعلاجها صعب،،، الا بحفظ من الله ورحمة،،،،

    1. الدين النصيحة – احسنت يا مهاجر رد الله غربتك