سياسية

عصام الشيخ: مستعد أن أخسر كل ثروتي من أجل رفع العقوبات عن البلاد


دافع صاحب المبادرة الشعبية لرفع العقوبات الأميركية المفروضة على السودان رجل الأعمال عصام الشيخ بإستماتة عن مبادرته، وقال إنها أحدثت اختراقاً كبيراً في الملف الذي وصفه بالمعقد، مشدداً على أن المبادرة الشعبية استطاعت أن تقنع كثير من منظمات المجتمع المدني الأمريكي وصناع القرار في الولايات المتحدة الامريكية بضرورة رفع الحصار المفروض على السودان وازالة الصورة الشائهة عن البلاد،

وقطع الشيخ في حوار مع (آخر لحظة) ينشر لاحقاً بالمضي قدماً في المسعى الشعبي عبر الزيارات المتواصلة من منظمات المجتمع المدني السوداني لإقناع الأمريكان برفع الحصار، مستفيدين من تجارب شعوب الصين وكوبا التي نجحت في رفع الحصار عن بلديهما، ونفى الشيخ أن تكون له علاقات مشبوهة مع الأمريكان وأن معرفته بالسفير الأمريكي كانت محض صدفة، وأضاف قائلاً «لست عميلاً ولا خائناً، لكني مواطن سوداني وعلى استعداد أن اخسر كل ثروتي من أجل إسعاد شعبي ورفع المعاناة المفروضة عليه بسبب العقوبات».

اخر لحظة


‫17 تعليقات

  1. سوق معاك الدجال المطرود من اللمارات عشان تتموا
    الناقصة .. هههه قصص .. الثروه بتاعتك دي لو
    لفيت علي المدارس واتبرعت بي وجبة فطور احسن من
    رجوع العلاقة مع امريكا ..ياعالم هدو اللعب وخلو
    كورتكم واطه احسن لان الفريق مكون من القصار ..قال
    المجتمع المدني الامريكي قال .. قول يالطيف

  2. انشاء الله اكون شايل معاك من تمباك الجمري
    او ود الباشا ..

  3. ياشيخ ود الابيض السلام عليك !!
    شوف يالاخو الموضوع كله صراع ارادات بينا والصهاينه ؟ تمام كده ؟ وانت اكان ولدا صح ولااشك في ذلك …اثبت ,,, واركز تاني !! واعلم ان السودان واهله ثابتين مع ود حوش بانقا لانو رفع رايه الحق!!تقول لي
    جا بدبابه اقول ليك تمام لكن زمانه كان زمن ختف !! واكان مانط ومسك العايره اكان ختفها بعثي شيوعي !! وكنّا رحنا شمار في مرقه معاهم … بلدنا ملبانه خير وموارد الجماعه طمعانين فيها ومستهونبن بينا خلاس !! ومحرّشي علينا اخوانا ناس الغرب والحركه الشمال وقطععوا الجنوب وخاتين عيننم في المنطقتين !!! لكن ربك سلّم وستر واظهر الدهب مع مساعدات الدب والتنين والجماعه الهنود الامور سلكت شويه ومع مخرجات الحوارالوطني الحكايه ظبطت تمام !! وبتفييذها بكون دربنا مرق !!! ومع دخول برق ورعد الشمال حنخش عصر الافول الصهيوني الذي حدده المعصوم بسبعين عام ولم يوضح هجري ام ميلادي.
    وحرم الشعب الفيهو ناسا زي العمده ود الشيخ عصام والاسد البنتر وود حوش بانقا ارادته حديد وفولاذ لايهزمه من يحب الدنيا ويكره الموت !!
    نحن معاك ومع الجهود المبذوله للتعاون مع منظمات المجتمع المدني واالمنظمات الحقوقيه لكسر المقاطعه غير المبرره وغير المتوازيه والتي اثبتت فشلها العملي التطبيقي وعدم جدواها بالكليه !! وفي النهابه لايصح الا الصحيح وانظر الي واقع المقاطعه مع اخرين. والله من وراء القصد…. ودنبق.

    1. ياخى كلام الطير فى الباقير وكلو قبليه حوش بانقا اتكلم كلام علمى السياسه علم بدروسو فى الجماعات

    2. يقول تعالى : ( وَلاَ تُجَادِلْ عَنِ الَّذِينَ يَخْتَانُونَ أَنفُسَهُمْ إِنَّ الله لاَ يُحِبُّ مَن كَانَ خَوَّانًا أَثِيمًا) 107النساء ويقول أيضاً(ها أَنتُمْ هَٰؤُلَاءِ جَادَلْتُمْ عَنْهُمْ فِي الْحَيَاةِ الدُّنْيَا فَمَن يُجَادِلُ اللَّهَ عَنْهُمْ يَوْمَ الْقِيَامَةِ أَم مَّن يَكُونُ عَلَيْهِمْ وَكِيلًا (109) النساء ،

    3. بالله انت حصل مشيت المدرسة؟ اعوذ بالله منك…انت ظاهر عليك تشادي عميل داخل البلد..لا تدري كتابة اللهجة السودانية و لا حتى اللغة العربية الضعيفة عربي جوبا…وكمان انت تدافع عن حوش بانقا..وانت ما قادر تكتبه املائيا…. يا فرد دعم السريع يا مليشا امشي شوف ليك طلقة في الراس من ناس العدل و المساوة و مني..ولا عبدالواحد ولا عقار

  4. يا ود نبق ما شاء الله بتعرف تتكتب عربي جوبا ،،،،،،،،،،،،،،،،،

  5. عصام الشيخ أصبح من إثراء أثرياء السودان بتحويل الأراضى الزراعية إلى سكنية وتملك آلاف الاراضى بمساعدة مافية الأراضى المدينة المحورية إحدى أملاكه وغيرها

  6. الظاهر صاحبك بناع حوش بانقا مامقصر معاك
    ياود نبق وليك حق تدافع ليهو وانا شخصيا ماكنت اعلم
    بانه من حوش بانقا .. وحوش بانقا منها القرموطي
    كفاية علينا .. بتعرف القرموطي ياودنبق ..
    اما انك رجل عنصري بالجد .. عليك الله انت لو عاقل
    بتقول كلام زي ده .. انت ماشاعر بالحاصل ولا شنو
    البلد في كف عفريت وانت تطبل لي زولك يامزاول
    استحي يا ارزقي يابتاع الاراضي المنهوبة من الغلابة
    القادم اسوأ من ماتصور ياجاهل ..

  7. اثبت جهلك ياود نبق ..بلدك كلها حروب ومشاكل
    وفقر ومستشغياتك عادمة الشاش وبرضو تقول لي
    ثابتين مع ودحوش بانقا ياهطلة .. بانقا في عينك

  8. انت برضو مصدق الموضوع مؤامره وكده ياود نبق
    الموضوع في الاقزام البتطبل ليهم ديل فهمت ..
    الموضوع والخراب الحاصل من كيزانك البصفق ليهم ديل
    اصفقك بص ماشي بي شارع التحدي يامرض

  9. كنت اعلم تمام العلم بان موضوع انتهاء العلو الصهيوني المفسد في الارض حساس وسوف يثير نباح الكثير من كلاب العملاء لانه ايذان بانفضاض السامر وذبح البقره الحلوب التي تغذي بضرعها كل عمليات دمار السودان العلنيه والخفيه !! وان الخوض فيه بدون هدي من السماء كالخوض لتحسس طريق نجاه بطريق محفوف بالمخاطر في ظلمه شديده لذلك استعين بما قاله المعصوم بالحديث المتواتر في هذا الشان بان علوا هذه الفئه من البشر علوا افساد مدته سبعون عاما بعدها ستكون معركه يقاتل فيها المسلمون يهود حتي ينطق الحجر والشجر ليقول هذا يامسلم يهودي من خلفي فاقتله الاشجر الغرقد !!! انها كلمات قليله لكنها الحق النافذ لانها كلمات الله عن رسوله!! وهناك فئات كثيره من مؤسسات الحقوق المدنيه والانسانيه الامريكيه المسيحيه واليهوديه والاسلامه علي علم باختلال موازين العداله وتؤيد الحق وتنصر القضايا العادله مثل حقوق شعب فلسطين والمقاطعه غير المتوازنه لشعب وحكومه السودان!!!
    وكثير من الجمعيات والمؤسسات والفئات الامريكيه علي استعداد للعمل والتعاون علي العمل بالطرق القانونيه الديقراطيه التي يكفلها الدستور لرفع الحظر من علي كاهل الشعب السوداني والشركات الامريكيه الراغبه للاستثمار في السودان ويعيقها الظر المفروض,. والله من وراء القصد…. ودنبق.

  10. اللهم أرفع عن بلدنا البلاء والغلاء والزنا والزلازل والمحن وسوء الفتن ما ظهر منها وما بطن ..
    فترة حكم الانقاذ كافية لإثبات فشلهم أو نجاحهم في كل مناحي الحياة … سياسية واقتصادية واجتماعية وثقافية .. والحكم حال الشعب الآن …
    المواطن البسيط داير يآكل ويشرب ويتعلم ويتعالج ويكون آمن في بيته ..والسودان فيه من الخيرات ما يكفي حاجته ويزيد اذا أحسنت الحكومة التصرف والعدل بين الناس ..وعدلت من سياستها الداخلية والخارجية وأعطت الفرصة لمن هو أولى بها

  11. إنت قلت “على استعداد أن اخسر كل ثروتي من أجل إسعاد شعبي ورفع المعاناة المفروضة عليه”

    ياخي كتير خيرك .. بس رجاءا .. تاني مافي زول يقول لينا “شعبي”

    شعب السودان دا ليس ملك لأحد .. ولا ينتمي الي احد .. بل ينتمي اليه كل السودانيون

    وبصراحة من زول يستخدم الكلمة دي بنشم ريحة انتخابات واصوات !!

    وكان داير الحق المبادرة دي ما جايبه حقها لي سببين !

    لو العقوبات حق إذن التغيير لرفع العقوبات يكون في الخرطوم وليس نيويورك بإزالة اسباب العقوبات

    ولو العقوبات باطل إذن مفروض على الحكومة تشد حيلها وتمنع اي ضرر واقع بسبب العقوبات عن طريق التنمية .. زي ايران مثلا عليها عقوبات 40 سنه لما امريكا لقت ايران ببقت مستغنيه على العالم تماما بالتصنيع والزراعه والاكتفاء الذاتي رفعو العقوبات لعدم جدواها

    طبعا دا اذا في حكومة همها الشعب ودي ماجات من الازهري رفع الاستقلال والناس الهسي دي التقول عندهم تعاقد لهدم السودان