زواج سوداناس

يحدث في السودان..الإقبال علي الخضر والفاكهة يزيد بسبب شهد المهندس



شارك الموضوع :

كشف عدد من متابعي برنامج أشرقت والذي تقدمه نجمة قناة النيل الأزرق شهد المهندس أنهم أصبحوا يقبلون علي الخضر والفواكه بعد الفوائد الكبيرة التي ذكرتها شهد عنهما.

الجدير بالذكر أن نجمة الشاشة الزرقاء كانت قد قدمت حلقة عبر أشرقت خصصتها للحديث عن الخضر والفواكه وفوائدها وحتى أسعارها.

محرر النيلين قام برصد بعض تعليقات متابعي البرنامج عبر مواقع التواصل الاجتماعي الذين أشادوا بفكرة البرنامج ومقدمته.

وذكروا أنهم استفادوا فائدة كبيرة من برنامج أشرقت الذي قام بمدهم بعدد من المعلومات التي كانت خافية عليهم.

الإقبال علي الخضر والفاكهة يزيد بسبب شهد المهندس

وإليكم بعض التعليقات المصاحبة

علي رحمة (الشكر لأسرة برنامج أشرقت وللمذيعة شهد المهندس علي المعلومات الجميلة..حقيقة أنا ما كنت عارف فوائد هذه الفواكه والخضروات إلا بعد مشاهدة الحلقة, ومن اليوم سأترك أكل المطاعم وأتوجه للغذاء المنزلي).

ربيع المجاهد (شكراً شهد علي هذه المعلومات.. وفعلاً الخضر والفواكه فوائدها عظيمة).

إدريس الجموعي (أنا طوالي بأكل الخضروات بس ما عرافها مفيدة كدة.. وحقيقة الموز بالذات أنا ما كنت متخيل تكون فوائدو كبيرة كدة).

صلاح بلة (بعد حضرت الحلقة دي السوق المركزي جاك زول..تاني اصلو التلاجة ما بتفضي من الطماطم والخيار والخص).

(كلامك عن الفواكه جميل يا بت المهندس وكمان وريتينا الأسعار عشان ما نتغشي يا سلام عليك).

 

محمد عثمان _ الخرطوم

 

النيلين

شارك الموضوع :

تعليقات الفيسبوك

تعليقات


8 التعليقات

إنتقل إلى نموذج التعليقات

      1. 1
        Hafiz

        والله ياخي انت راجل عجيب ياخي العاجبك شنو في البت دي ومقاييسك للجمال شنو مشكلتنا نحنا السودانيين نحب الشحم والودك لغاية نصنا اتقفلت شراينهم وماتوا بالذبحة ارحمونا عليكم الله.

        الرد
      2. 2
        Tango

        مذيعه شنو ال 150 kg’s يا بنتى ارحمى نفسك و انقصى

        الرد
      3. 3
        غاضبة

        تخلف عاملين ليها قومة وقعده اكتر من اللازم ويعني شنو …. الاعلام دا من زمااااان بتكلم عن الخضار والفواكه وفوائدهم.
        كبرتو للبت دي راسها اكبر من اللازم وانا ماحاقده ولا حاسده عشان مايجي واحد ينط لي …

        الرد
      4. 4
        محمد ادريس

        هى زاتها بتقدم شنو ووين والله الزول ما بيشوفها إلا فى الموقع ده ربنا يديكم يا ناس النبلين

        الرد
      5. 5
        محمداحمد

        شحم ودك ودكوة

        الرد
      6. 6
        ودبارا

        ياخى الموقع بقا اخبار فانين ومذيعات وشابكين فى بنت الناس دى شبكة شديدة

        الرد
      7. 7
        shada

        هههههههههههههههههههههه مهازل والله … يعنى الناس كانت منتظره شهد تتكلم عن الخضروات والفواكه عشان يمشوا ياكلوها ……… هههههههههههههههههههههههه قصه عجيبه …….. كان تشوف ليك سبب تانى عشان تجيبها …. عجبتك طرحتها والا المنكير والا النكشه اللى هى فيها والا البمبى اللابساه ……….

        ويااااااااااااااااااااااا خلف الله عزبتنا

        الرد
      8. 8
        الوهج

        ههههههههههههه

        والله انا بستغرب فى تعليقات ناس الفيس المرصودة دى .
        الواحد فيهم تلقى يمدغ فى السلطات والدكوة بالسنين يجى يقول شكرا وريتينا يا شهد .
        زكرنى كلامهم دا برنامج الاعلامى الزمااان محمد سليمان بدون عنوان كان عندو اسئلة وهدايا للبجاوب اتزكر كان قال ليه سؤال سااااهل كدا وادى فرصة الاجابة لى بت جميييلة وجاوبت قام انفعل مع الاجابة بصورة ما اعتيادية ياسلاااااام وقال ليها تستاهلى الساعة القيمة دى واجابة كذا وكذا .
        اسى جماعة العجور ديل منفعلين فالفوائد دى شديد . اكلو ربنا ينفعكم

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *