رياضية

بالصور.. إستاد الهلال الجديد يدهش العالم..شاهد التصميم النهائي لملعب الهلال “الجوهرة الزرقاء”..وماذا قال جمهوره عنه؟


لفت التصميم النهائي لإستاد الهلال أنظار كل من شاهدوه وذلك بعد نشر صور توضح الشكل الرسمي للملعب المسمي بــ(الجوهرة الزرقاء).

الهلال يدهش العالم بإستاده الجديد

الهلال يدهش العالم بإستاده الجديد

صور الإستاد الذي لم يتم الكشف عن موعد انتهاء العمل منه ظهر كجلة زاهية جذبت أنظار الكثيرين.

الهلال يدهش العالم بإستاده الجديد

الهلال يدهش العالم بإستاده الجديد

وتوقع جمهور الهلال المتواجد علي مواقع التواصل الاجتماعي أن يكون ملعبهم محل فخر للسودان.

الهلال يدهش العالم بإستاده الجديد

وذكروا بلهجة واثقة (ملعبنا الجوهرة الزرقاء سيدهش العالم إذا اكتمل بهذا الشكل).

 

ياسين الشيخ _ الخرطوم

 

النيلين


‫25 تعليقات

  1. هههههههه أنا ممكن اصمم على الورق ملعب اجمل منه المشكله فى التنفيذ خصوصا” اننا فى السودان مشهورين بسوء اللمسات الاخيره يعنى الجماليات الموجوده فى الصور ناتجه من البيئه المحيطه / land scape / وانا متاكد انه لن تزرع ولا شجره واحده من الاشجار الموجوده فى الصور ناهيك عن الارضيات الخضراء والممرات المرصوفه .

  2. التصميم ده تنفيذه مستحيل … منطقة استاد الهلال منطقة تجارية مخازن دكاكين شاحنات الشعبي امدرمان دخاخين غبار تراب … كل ده بيدخل على الهلال ملايين من ايرادات الايجارات … حتى توسعة المدرجات حتكون محدوده

    1. يا زول شالوها كلها الدكاكين الخارج الاستاد دي .. كسرناهم وحنبيع ابواب الدكاكين ونتبرع بقروشها للمريخ لأنهم مساكين .. مدربهم قال من جا ما ادوهو مرتب ورسوم الاولاد بتاعة المدرسة ما دفعها ..

    2. انتو الزول دا عايش وين
      الدكاكين مؤجرة لاتساد الهلال واستغنى عنها وممكن يستعيض بمحلاات ارقي وكفتريات ومطاعم .. والاستداد قرب ينتهي وانت تقول كدا ..

  3. بالنسبة لزراعة الاشجار ممكن تتم في يوم واحد اشجار جاهزة يتم نقلها وتركيبها

  4. عين المريخاب فيها عووووووووووووووووووووووووود

  5. انشاء الله يتم بهذا الشكل وبالتاكيد البلد محتاجة لاي شي جميل

  6. مجرد رسم زي رسومات المطار الجديد
    ولو النجيلة البرانية دي قامت زي الفي الصورة شنبي يقوم في الزلط

    1. التجيلة خليها في حالها اهتم بشنبك لو عندك شنب اساساً

  7. الحمد الله تم الإنتهاء من 60% من هذه الصورة ولم يتبقي الي القليل في البناء ثم التشطيبات بعد ذلك

  8. ما فيش صورة للملعب من الجو ؟ شنو جايبين لينا زاوية صغيرة من الملعب . عرض غير موفق للجوهرة .

  9. النشوف الزمن بيننا ، الرسم على الورق هين والكمبيوتر بعمل كل شئ .. لكن التنفيذ المشكلة ” الأوتوكاد”

  10. والله نتمنى أن يكون واقعاً ..
    لكن والله عايز أسأل .. أخبار المدينة الرياضية شنو .. شفنا تصميم قبل أكتر من 20 سنه ومكانك سر ..
    وأخبار مطار الخرطوم الجديد شنو .. شبعنا شوف في التصميم ..
    الله يكضب الشينة .. ونشوف استاد الهلال يكسر القاعدة

  11. بما انى هلالابيه على السكين اباً عن جد بتمنى انه يكون بالصوره دى واجمل من كده …. من غير اى ماكله لى زول وان شاءالله كمان مايحصل المدينه الرياضيه يوسف عبد الفتاح اكل القروش وعملوا نايمين لى يوم الليله لى يجيها فرج من ربنا …. الهلال يستاهل اكتر من كده … لكن للاسف الفريق انتهى يعنى ما فارق معاهم يلعبوا وين يحليلهم (صلاح الضى والى الدين له الرحمه هيثم مصطفى وزولو عمر وخالد بخيت وبسطاوى واللسته تطول …… الخ )..

    ان شاء الله يتنفذ بس ادعو ربنا يبعد العوارض وما يكون فى تلاعب فى المواد والا حاجه …..

  12. سبحان الله كان المعلقين ليسوا سودانيين او لم يسمعوا او غير متابعين
    اولا الاستداد العمل شاغلين فيه على قدم وساق والرسم عبارة عن تصميم كمبيوتر ثلاثي الابعاد وبالطبع تم ازالة كل المخلفات القديمة واعتقد لم يبقى شيء غير جسم المدرجات الذي سيتفاد منه في عمل المدرجات ام السور الخارجي والمحقات تت ازالتها ..
    لا مستحيل تحت الشمس والتميم هذا عادي وبسيط جدا المشكلة ليست في التنفيذ وانما المشكلة في المحافظة عليه لاطول فترة برونقه لانه نحن ما بنعرف نحافظ على شيء ولا بنعمل صيانة لو اتكسر حاجة او اتخلعت يرموها بدون بديل او يشلعوا من حتة تانية .. لا احد يراقب النظافة والعاملين لانه ماشافوا خارج السودان كيف يعني الواحد تلاقي مكتفي بالحد الهو عايش بيه في بيته ويكون هو دون المتوسط ويعتقد تانه هو افضل زول
    مريخابي

  13. ان شاء الله يتم بهذا الشكل الجميل شكرا جزيلا هلال الملاييين

  14. الكاردينالي ما يحتاج يقول وينظم وانشاء الله حتشوفوا الاستاد قريبا
    ربنا يديكم العمر يا هلالاب عشان تشوفوا الجديد

  15. الف مبروك للهلال ولجمهوره العظيم وقبل ذلك نبارك للسودان هزة التحفة المعمارية الزاهية التي تجعل كل سوداني فخور بان في السودان ملعب بهزة المواصفات الحديثة .