زواج سوداناس

بنك السودان: اي مغترب يمكنه ان يحول امواله عبر البنوك السودانية و تسلم له اما نقدا او عملات اجنبية



شارك الموضوع :

أكد دكتورعبد الرحمن حسن عبدالرحمن محافظ بنك السودان المركزي استقرار سعر صرف الجنيه السوداني وانتهاج البنك سياسات من شأنها تعزيز العملة الوطنية مما اسهم في انخفاض سعر العملات الاجنبية مقابل الجنيه السوداني .

وقال دكتورعبد الرحمن حسن عبدالرحمن في تصريح (لسونا) ان البنك المركزي سيواصل سياساته الرامية للاستفادة من انخفاض اسعار السلع الاسترتيجية مثل القمح و البترول التى يتم استيرادها عبر البنك المركزي والوفورات الناتجة عن زيادة اسعار الذهب فى البورصة العالمية .

ولفت الانتباه الي انتهاج البنك المركزي سياسة مرنة مع منتجي ومصدري الذهب واستلام نصيب الحكومة من العوائد ومن الارباح عينا وذهبا مما انعكس على الاموال التي تم ضخها من النقد الاجنبي فى المصارف السودانية واصبحت عارضة للنقد الاجنبي مما يؤثر على المضاربين فى السوق الموازي .

وفيما يتعلق بتحويلات المغتربين قال المحافظ “عززنا لهم الثقة في المصارف الوطنية وان اي مغترب يمكنه ان يحول امواله عبر البنوك السودانية و تسلم له اما نقدا او عملات اجنبية او تقابل طلباته بتحويلاتها لاي مستثمر الامر الذي اسهم في جذب تحويلات المغتربين خلال الفترة الاخيرة ” .

ومضي قائلا ” الاضطرابات في السياسات النقدية اصابت كل الاقتصاديات فى المنطقة العربية والافريقية وان تعزيز قيمة العملة يتم من خلال زيادة الانتاج وانتهاج سياسات التمويل واعطاء الاولويه للقطاعات المنتجة لتشجيع زيادة الانتاج وتبسيط الاجراءات وحفز الصادرات .

واعلن محافظ بنك السودان عن إتجاه لتوحيد العملة بين السودان واثيوبيا لتصبح قوة اقتصادية مؤثرة فى منطقة شرق افريقيا من خلال التكامل المصرفي الذي تم التأسيس له عبر البنكين المركزيين فى البلدين من خلال وجود 6 بنوك سودانية تتعامل مع مصارف اثيوبية وفتح فرع للبنك التجاري الاثيوبي لتنظيم التجارة والاستثمار خلال الثلاثة اشهر المقبلة لخدمة مصالح السودانيين فى اثيوبيا والاثيوبيين فى السودان .

شارك الموضوع :

تعليقات الفيسبوك

تعليقات


32 التعليقات

إنتقل إلى نموذج التعليقات

      1. 1
        ياسر

        هو عندكم عمله حره من الأساس كاااااش

        الرد
        1. 1.1
          غير صحيح طبعا

          عندهم عملة يا ياسر ياخوي .. لكن ما بيدوك ليها بالبساط دي .. لانهم بيفتكروا انك حتمشي تبيعه في السوق الاسود

          الرد
          1. ahmed

            معناها ما عندهم …لانه اذا عندهم السوق الاسود حيتملي ومافي واحد حيمشي عليه

            الرد
      2. 2
        Ali

        وميييين المغفل دة يمشي يحرس اللبن للقطة هههههههههههههه

        الرد
      3. 3
        Atbara

        ده شرك ساي من الجماعه الطيبين ديل

        الرد
      4. 4
        غير صحيح طبعا

        كلام غير صحيح طبعا .. انا بنفسي ذهبت لاستلم حوالة من بنك الخرطوم قام بتحويلها اخي المغترب فرفضوا ان يسلمونني اياها بالدولار بحجة انه لا توجد لديهم في الوقت الذي ذهبت اليه و علي بالحضور غدا و اتيت بعدها وبعدها فاضطررت اخيرا لان استلمها بالجنيه السوداني ..
        حتى و ان كان هناك قرارا حكوميا فانه لم و لا اظنه سيطبق ..
        ببساطة لانه لا احد يثق في احد ..
        اعيدوا بناء الثقة و الخدمة المدنية يا اهل المشروع الحضاري

        الرد
      5. 5
        حنفي

        كفاي هراء هذا الرجل يكذب نفسه . كم سعر الدولار اليو 12 جنيه والرجل نايم في العسل لا يدري الحاصل للعملة السودانية . اودعنا بعض دولا راتنا في البنوك ، تذهب للبنك تطلب سحب 1000دولار يعطوك 300 دولار بعد خراج روح وتصديق من مير البنك .
        هذا شرك الحذر الحذر منه .
        الدولار في الخليج يساوي 13 جنيه وتسليم المقابل السوداني قبل تسايم العملة الخليجية .

        تحياتنا لبنك السودان .

        الرد
        1. 5.1
          ابو عصام

          لا يلدغ المؤمن من جحر مرتين

          الرد
        2. 5.2
          Dr. Abogora Basbar

          لا يصح إلا الصحيح
          لماذا غادرنا السودان بالأساس ؟
          إما كنا مضرودين من هؤلاء الكيزان لأسباب سياسية.
          أو مغلوباً على أمرنا للبحث عن العيش الكريم.
          العملة الصعبة لمن يخدمها فقط.
          إحذروا هذا الفخ .إحذروا هذا الفخ. إحذروا هذا الفخ.
          ألهم إني قد بلغت.ألهم إني قد بلغت.ألهم إني قد بلغت.
          نبيع العملة الصعبة بالسعر الذي نريده ، وليذهب الآخرين إلى الجحيم.

          الرد
      6. 6
        ياسر كندي

        ما تدقس يا عمك…………..جدودنا زماااان كانو بيغنو (حم يا حمام شتت ليك سكر)…………..فالمسالة مجرد شرك

        الرد
      7. 7
        ابو عصام

        كمغترب فأنني امتثل بقول سيدنا عمر رضى الله عنه
        ( لست بالخب ولا يخدعني الخب )
        ،،
        ،،
        يا حبيبنا العب في سياسة تحرير الاسعار ورفع الدعم ، فقد كفر المغترب بكم

        الرد
      8. 8
        ودالبدوي

        كان عندي حساب بالدولار في بنك أمدرمان الوطني فيه زي الف دولار مشيت اسحبها قالوا سوداني رفضت حولونا لفرع البنك جانب القياده العامه وبعد كلام كتير مع المدير وافق ان تدفع بالريال السعودي ولكن حصل الاحتيال الآتي
        اشتروا دولاراتي بسعر البيع كأني بعتها للبنك ثم باعوا لي الريال السعودي كأني اشتريته من البنك وبالتالي خسرت حوالي ٨٠ دولار؟؟؟؟؟؟وهذا شرعا لايجوز لأنني عندما وضعت الدولار عندهم كان بمثابة امانه يردوها لي عندما اريد ولكن ذللك ماحدث
        تكلمت مع المدير قال لي. هي كده كان عجبك !!!!!!
        وهذا لعلمكم

        الرد
      9. 9
        abo ahmed

        لا يلدغ المؤمن من جحر مرتين، ناهيك من عشرات المرات، لم تعد هناك ذرة من ثقة في تصريحات المسؤلين على جميع المستويات بسبب كذبهم الدائم والمتعمد، لدرجة اني اثق تماما في ان هذا الامر مقصود وممنهج. الله المستعان، وحسبنا الله في كل من عمل على تدمير البلاد والعباد اللهم عليك بكل من اراد بالسودان سوءا ولو كان من ابنائه او من حكامه.

        الرد
      10. 10
        ty

        اوعكم تدقسوا
        البحول عن طريق البنك يبقى بلو وحمار
        ممكن اشخاص معينين من محسوبي الحكومة عندهم علاقات وواسطات يستلموا بالدولار ولكن مغترب عادي ما بدوك قروشك باخوي واخوك ويمكن ما يدوك ليها
        اوعكم تدقسوا

        الرد
      11. 11
        ahmed

        الحمد لله كل المعلقين لديهم الوعي اللازم ..للأسف الناس ديل عايزين يقتلووا فينا الوطنية
        كل واحد من المغتربين ديل نفسه يساهم ويعمر بلده ، ،،، لكن لما قروشك تتقلع منك وتمشي تشوف
        الناس دي تعبانة قدر شنو فيها
        بتعرف انه الوطنية هي عمارة ليس الا

        الرد
      12. 12
        Al Jali Al Hur

        أيها الإخوة المغتربين ” إنتبهوا ” … و تسلم له اما نقدا او عملات اجنبية ، وأكيد سوف تسلم له نقداً بحجة عدم وجود عملة إجنبية وبسعر البنك أي السعر الرسمي الذي يعلن كل يوم في النشرة المالية في التلفزيون ” اسعار العملات الإجنبية مقابل الجنيه السوداني كما وردتنا من البنك السوداني الفرنسي أو بنك الخرطوم … الريال السعودي: 1670 جنيه بالقديم طبعاً // شوفوا غيرها وألعبوا غيرها يا كيزان الجن .. لن تنالوا من أي مغترب هللة ونحن عارفين كيف يتم التعامل مع المغترب الذي يحول فلوسه عبر القنوات الرسمية “البنوك” لولوة ومطاولات ولؤوم وقلة أدب من قبل الموظفين بالبنك أو الصرافات وكأنك بتشحد فيهم وفي النهاية يعطوك ليها بالعملة المحلية وبالسعر الرسمي ومعاها لو عجبك … الثقة بين المغترب والحكومة أصبحت مفقودة تماما ولن نثق في أي تصريح أو غيره من قبل البنك المركزي مهما كان في شكله يصب في مصلحة المغترب . خليكم في حالكم واتركوا المغترب في حاله …. نحولها ليكم عشان بكرة كلها نجدها في بنوك ماليزيا وتركيا مش كده ….. وبعد أن تم فتح باب استيراد المواد البترولية للقطاع الخاص سعر الدولار حا يطير السماء وسوف ترون وده كله من صالح المغترب الذي ذاق الأمرين في تعليم أبنائه وعلاجهم وفي عدم السماح له بإستيراد أي شئ وجمارك باهظة حتى على الفعش المستعمل .. لا نريد منكم شئ ولا تطلبوا منا شئ ….

        الرد
      13. 13
        aboahmed

        كضاااااااااااااااااااااااااااااااااااااابين ….
        جربناكم قبل كده …. وطلع كلامكم فاضي…
        مافي زول يتورط ويحول … زي ما اتورط انا …
        الله لاكسبكم … وان شاء الله ماتنفعكم ..
        تغشوا في الناس المساكين ديل ساااااي…
        بالله عليكم انتو مسلمين … انا حولت ورفضوا يدوا المستفيد دولارات…
        وادوهو بي حساب بنك السودان …. يعني ضاربين قدر المبلغ الدفعوهوا لي الراجل الحولت ليهو …
        ان شاء الله ماتنفعكم ……….

        الرد
      14. 14
        السنجاوي

        كديس ما بحرسوا الشرموط
        مثل دارفوري
        هههههههه

        الرد
      15. 15
        د . عبيد فضل

        هههههههههههه يا أخي مابالغت عديييييييييييييييييييييييييييييييييل
        أنت بتغش في منو
        ال بيجرب المجرب خسرااااااااااااااااااااااااااااااااااااااااااااااااااااااااااااااان و في رواية أخري ندمااااااااااااااااااااااااااااااااااااااااااااااااااااااااااان
        و الله كلام
        عندنا قنابير

        الرد
      16. 16
        ابوقنبور

        حرص من اخوك ولاتخونو شكرا وسعيكم مشكور قروشنا بنعرف ندخلا كيف

        الرد
      17. 17
        ود البلد

        بسم الله الرحمن الرحيم
        انا لي حوالي 15 سنة بحول عبر اشخاص — بسعر السوق الأسود وفي نفس اللحظة
        استلم بالسوداني وبسعر اليوم – دي قروشي احرقها ادفنها اتبرع بيها للمساكين
        لكن لا للاحتيال والكذب واللف والدوران
        نحنا المغتربين والمهاجرين السودانيين مقارنة بالدول الأخرى
        لا الوطن مستفيد مننا ولا نحن مستفيدين منو
        وكلها من القوانين التي تظلمنا
        واتحداك تجد مغترب ولا مهاجر راضي عن الوضع
        مع انو شايلين عبء عن الحكومة
        مصاريف الاسرة والعلاج والتعليم
        وخدمات إدارة المغتربين
        والجمارك والضرائب والجوازات والرسوم
        أولا الثقة معدومة
        هو بنك السودان نفسه ببيع عبر وسيط جزء من دولاره في السوق الأسود
        ولكن كما قال الاخرون لن نكون طعم ولن نعدم الطرق لا دخال اموالنا لبلدنا
        والدولار اليوم 12 وبكره 13 وبعده 17 وبعد بعده 30 — ساقية لن تقف
        كنكش في دولاراتك هي تعبك تعب غربتك
        كل يوم امش فك مية بمليون وشوية
        حتى المشاريع مطرشقة
        خسائر فظيعة – رسوم – ضرائب- جبايات – قلع -رشوة – غرامات
        ————————————————–

        الرد
      18. 18
        البديري

        للاسف قراراتكم اصبحت بدون مصداقية من قرارات رئيس الجمهورية الى اصغر مسئول وهذه كارثة وطامة كبرى للدولة التي لا يثق فيها مواطنيها وليس من السهل اعادة هذه الثقة .ابحثو عن سبب عدم الثقة!! الله يرحمك يا نميري زمنك لما يزاع القرار في الراديو الكل يحترمه ويطبقه

        الرد
      19. 19
        عبدالله

        الدم قبل الدولار للوطن ولكن .. المغترب ما مواطن .. هذا هو الحال .. حتى هذا اللحن المغترب يحلم بقطعة أرض وقطعة سيارة مستعملة والمتوفر بجهاز المغتربين قطعة ستاره مستعمله وسراير وبعض السرتيه . والمحلب .. والمحلب التاني بالسفارات والقنصليات حتى هذه اللحظة لاضل ولا مويه زرقاء .. وصفوف للجواز الازرق .. وعليك الحوامة لمدة سبعة أشهر بدون جواز حتى (يلد) لك جواز الكتروني. وشركات تشك في ورقها الناقص وتسوق للمغترب مخططات على حدود شمال كردفان مع امدرمان وقطع مقطوعة من القطينة. وهنئا للمغترب بقطية هناك. اين خبراء الاقتصاد من الدراسات والتخطيط ومشاريع تجذب الخبرات والمدخرات . كل الموضوع اصبح حلب وليتكم تعرفوا كيف ومتى وأين تحلبون. اللهم لطفك. ياجماعة الخبر من الصباح مشغولين بأخبار المؤتمر الصحفي لامين جهاز المغتربين لتدشين قافلة متوجهة للشقيقة تشاد قافلة طبية علمية فنية ثقافية . وخبر حار زي دا ماشفنا

        الرد
      20. 20
        عبدالله

        وبعدين اين الشركات المساهمة الوطنية .. لماذا لايكون هذا المغترب المقطوع من شندي ليهو عشرة سنين لماذا لايكون مشارك في هذه الشركات التي تمول من دمه وعرقه وقادي عراقي بالخارج .. وعند عودته للوطن يسمع من الأقارب (شوفو العوير دا) لماذا لايمسح للمغترب بادخال سيارة علة عند عودته النهائية والعودة في علم الغيب .. لماذا لايقوم جهاز المغتربين ببناء شقق بأسعار مناسبة كتلك التي افتتحها فخامة الرئيس قبل أيام معدودة بإسم مدينة العودة .. فتح المغترب ادارة بإسم العودة الطوعية وطلب من الجهات المعنية الدعم.. اللهم لطفك

        الرد
      21. 21
        عبدالله

        ولا احد يسأل عن الحال والاحوال .. من هو المغترب واين هو الان؟ اين ابنائه من التعليم وتأمين السكن والعلاج و و . فقط كيف يحول كيف نحلب . اللهم لطفك.

        الرد
      22. 22
        ود البلد

        والله الواحد ما شايل هم الدولار ولا يعنيه من يلحسون الدولار
        نحن في الاخلاق الانعدمت
        والصدق والأمانة — أشياء انعدمت
        الغش في كل شيء
        الاستنكاح
        الحسد
        التماسيح
        الدجل
        الشعوذة
        الفساد
        كل شيء مضروب
        الشيكات الطايرة
        سماسرة الأراضي اكثر من الأراضي
        تجار الدولار زي الرز
        تجار العربات زي الفاصوليا
        البلد كلها مواسير
        ————————-
        حفلات العرس بقت تكلف المليارات
        سماية الأطفال صار لها حفلات
        الأطفال في رياض الأطفال يتخرجون بالروب
        الخلاوي تغتصب الأطفال
        نخاف من المعلم على طفلنا
        الاف المرضى بالكلى ومثلهم بالسرطان
        المبيدات والجاوياات المشعة والقطن المحور وحاويات المخدرات
        والبنقو عادي في المواصلات والجامعات والمدارس
        ——————- السودان بقى يخوف —————-

        الرد
      23. 23
        الهلالي

        تلقاها عند الغافل

        الرد
      24. 24
        ود إدريس

        عندما ظهر هذا الكلام أيام زيارة البشير للأمارات وقال الآن تحولو فلوسكم بالعملة الصعبة وتستلموها بالعملة الصعبة ..
        قلت أجرب بمبلغ بسيط ، فحولت (200) دولار على بنك الخرطوم فرع السجانه ..
        الأخ راح يستلم .. (لاحظو 200 دولار فقط ) قالو ليهو تروع فرع الرياض لأنو هنا ما متوفره الـ (200) دولار .
        مسكين أخد أمجاد وراح فرع الرياض .. وقعد عندهم من الساعة 11 ما عارف لغاية الساعة 2 ..
        في الأخير قالو ليهو خلاص نصرف ليك بالجنية ، وفي سعر (6) جنيه للدولار فيما كان السعر بره (9) جنيه ..

        هذه الصورة كافية اعتقد ..

        الرد
      25. 25
        osama

        توحيد العملة مع اثيوبيا ههههههههههههههههههههههه يعني الجنية السوداني يعادل 1 بر اثيوبي سبحان الله كان زمان الواحد جنية يعادل 50 بر اثيوبي دمرتوا البلد يا عفن بعدين المغترب لو سعركم في البنوك اعلي من السوق الموازي برضوا ما بثق فيكم نهائيا لانكم ببساطة حراااامية

        الرد
      26. 26
        ود البلد

        نكتفي بهذه الصورة
        كما قال
        ود ادريس
        —————— ويستمر الوضع

        الرد
      27. 27
        ابو العباس

        العلاقة بين المغترب والحكومة تعاني من عدم الثقة والذي كرسته الحكومة باعمالها وافعالها ..انا مغترب وللاسف لم اجد من الحكومة لا سكن لا ارض وكل التعاملات تتم بضبابية وعدم شفافية وشهريا يلجي المغترب لارسال اموالة عبر ككاتب خاصة ليستلم الاهل في السودان بسعر السوق الاسود .
        الرجاء من الحكومة ان تعامل المغترب كمواطن له كافة الحقوق وتعين المغتربين في الحصول على السكن وتعليم الابناء ولا تنظر للمغترب كصندوق جباية فقط وتثقل كاهلة بالضراب والرسوم.

        الرد
      28. 28
        Dr. Abogora Basbar

        لا يصح إلا الصحيح
        لماذا غادرنا السودان بالأساس ؟
        إما كنا مضرودين من هؤلاء الكيزان لأسباب سياسية.
        أو مغلوباً على أمرنا للبحث عن العيش الكريم.
        العملة الصعبة لمن يخدمها فقط.
        إحذروا هذا الفخ .إحذروا هذا الفخ. إحذروا هذا الفخ.
        ألهم إني قد بلغت.ألهم إني قد بلغت.ألهم إني قد بلغت.
        نبيع العملة الصعبة بالسعر الذي نريده ، وليذهب الآخرين إلى الجحيم.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *