أبرز العناوينمنوعات

امريكي حزين لمغادرته: وجودي في السودان غير حياتي.. لقد شهدت بأم العين الكرم الوفير من الشعب السوداني


قال الأمريكي “بوب” بعد أن أمضى عامين في السودان أنه سيغادر لبلده قريباً وأنه متحمس للعودة لعائلته في الولايات المتحدة ، ويضيف بوب ” لكني حزين وغير مصدق أني تارك ورائي أصدقائي السودانيين الذين أصبحوا مثل الأسرة . أريد أن أقول مع وجودي في السودان تغيرت حياتي ، و أرجو أن أكون قد غيرت بعض من حياة الناس الذين عايشتهم في الخرطوم”.

ويقول بوب بحسب ترجمة محرر موقع النيلين من صفحة السفارة الأمريكية بالخرطوم (أنا عملت في الخرطوم ، وخلال فترة وجودي في السودان، أتيحت لي فرصة لتبادل شغفي بالموسيقى، أنأ كنت موسيقيا محترفاً في حياتي الماضية ، كما أنني تعلمت وتعرفت على التقاليد والثقافة الموسيقية السودانية الغنية).

ويضيف بوب (أنا محظوظ لقد شهدت بأم العين الكرم الوفير والضيافة من الشعب السوداني. السودان دائماً ستبقى له مكانة خاصة في قلبي ! شكرا!).

الخرطوم/معتصم السر/النيلين
بوب2

بوب3


‫8 تعليقات

  1. جايبنك عازف جيتار نحن ولا دايرنك بتاع طبله !!
    ساعدنا وفك الحظر الكتلتونا بيه ده بعداك اتكلم عن كرمنا ولا غيرو عذبتونا ياخ

  2. جايبين ليهم سفير راستا عدييييييييل كده , و الله الامريكان ديل حيرونا معاهم !!!
    ما بعدين يكون شايل ليهو شوال بنقو لزوم الذكرى الابدية 🙂 🙂

  3. طبعاً بعد ترجع بلدك حا تغير كلامك 180 درجة و تركب للسودان وش القباحة.

  4. مليون في المية ابن الوسخة كان مبشر .. وانجز ما اوكل اليه وهو تنصير كم واحد ولذا كان مختلطا بعامة الناس .. او ربما كان عميلا سريا لاي جهة امنية .. والله السودان دا افضل بلد لانه بيكونوا عارفين مرات انه عميل ويخلوه يرتع زي ماعايز لانه عارفين ما عندنا شيء نخاف منه او ندسه لا تصنيع نووي لا صواريخ بالستية ولا زراعة مخدرات ولا جماعات ارهابية .. الواحد فيهم يلف السودان سنتين وما يلاقي غير ناس تحت الشجر يتونسوا ولا في سوق امدرمان فوق العنقاريب يضحكوا ولا في سوق الناقة يضربوا في الشية .. يرجع ويقول لحكومته اما مشيت بلد لقيت اهلها كلهم في رحلة ومأجزين

  5. طيب لو انت كدا زي ما بتقول ما تبقى راجل وترد الجميل تعملوا حمله مليونيه في امريكا مطالبه لرفع العقوبات والحظر على السودان البتمدح فيه دا !

  6. امركا ترسل مخبرين للسودان وبكل عبط يطلق لهم العنان وتحس بالمبعوث كانه ات لرحلة نقاهه وترفيه يصول ويجول ومن الغباء نجهل امكانية الاتصال والتقنية لدى الدول العظمى

  7. تمام ياسعادة السفير لقد كنت حزين لمغادرة السودان أذن حان الوقت بان تخبر حكومة ووزارة الخارجيه الامريكيه برفع الحظر

    عن السودان وتكون علاقات اخويه لخدمة الشعبييين