زواج سوداناس

سلام مني للعازة..!!


شارك الموضوع :

ليك مني ألف سلام..
يوّصَل ليكي يا عَزَة..
يصل يلقاكي راتعة وهانية في خيرك..
يجيك غيرك..
ينشُد فى حِماكي أمان..
يطير طيرك..
يحلق في سمانا عشان..
تسعدي إنتي يا عازة..
يسلم وطنك السودان..
ما تهتمي للقالوا..
كتيرالقالوا فيـكي زمـان..
قالوا المرأة مهـما كـان..
قاطعة وحادة زي الفأس..
محال تكسِر تَشـِق الرأس..
حالف عَزّة بي سيدي..
إنتي الساس..
أحلى سلامي ليك بهــدي..
يجيك يا العازة بت بلـدي..
وين ما كُنتي برسلوا ليك..
إنتي الكُل..ست الكُل..
ساعة اللمة باقية الضُل..
هى البتدُل..
علي الخيرات …
إنتي الأم تربـي تشيل..
في ظُلماتنا باقية دليل..
واقفة تَشُدِي فى أزري..
ديمة ورايا واقفة عديل..
تعدلي الميل..
إنتي الزوجة أم ولدي..
أهلنا قبيل..
قالوا خليل..
نال العظمة من عازة..
هي الساقياهوا لبن العز..
من ثدياً يفيض تحنان..
يحاكي النيل..
فى فيضانوا لمّا يسيل..
وتسلمي لينا يالعازة..

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *