أبرز العناوينمنوعات

صحفية سودانية تصاب بصدمة بعد تداول واسع لصورة طفلتها ومنشور ساخر، مكارم بشير واسيا مدني واصدقاء يتضامنوا معها


حزنت الكاتبة السودانية ايمان حموري واندهشت من الإساءات والهجوم الغير منطقي على مزحتها وشروطها الساخرة بخصوص الزواج من بنتها، وكانت الكاتبة السودانية قد نشرت صورة لطفلتها الصغيرة مرفقة بمنشور يستعرض بقالب ساخر العديد من المشاكل الإجتماعية والمعيشية بالإضافة للإشارة لغلاء المهور في السودان.

وقد حظي الخبر الذي نشره موقع النيلين بتداول واسع ونسخته العديد من المواقع وصفحات التواصل الإجتماعي وتم تداوله أيضاً بكثافة عبر تطبيق واتساب للهواتف الذكية وحقق ردود أفعال غير مسبوقة.

وقامت الاستاذة ايمان بوضع رابط خبر النيلين على صفحتها الرسمية بموقع فيسبوك وكتبت(يا جماعة الواحد مايهظر معاكم والله دي الكاميرا الخفية، علي العموم شكرا ليكم موقع النيلين سعيدة بمشاركتكم فكرتي الساخرة).

وقالت الأستاذة “ايمان حموري بحسب ما نقل عنها محرر موقع النيلين (وضعت صورة بنتي علي صفحتي في الفيس ودا عادي بعض الاصدقاء بيمزحوا معاي عاوزين نخطبها حجزناها وانا من باب المزاح قلت لهم العاوز يتزوج البت دي شروطي وشروط ارتجالية، وبعد شوية حذفت البوست، اصبح الصباح لا اعلم ولا ادري لقيت الخبر في النيلين وفي كل المواقع).

وأضافت ايمان حموري(كلام بكتبه انا مسؤلة منه اذا انتشر عادي ماعندي مشكلة الكتابة كانت في يوم من الايام اكل عيشي وكنت بكتب في العديد من الصحف لكن الأن الزعلني الناس خلت الموضوع الأساسي وقبلت علي الصورة اساءات مبالغة فيها والله اندهشت).

وقالت ايمان حموري (طبعا لي 14 سنة من السودان لكن ما كنت مفتكرة مفاهيم بعض الناس وصلت لهذه الدرجة دي، الله بسالكم ماتتكلموا في اعراض الناس كما تدين تدان، أنا بشكركم علي الحسنات دي مع مودتي).

وتضامن العديد من أصدقاء الكاتبة معها وكتبت الفنانة السودانية مكارم بشير (لا عليكي سيدتي ايمان حموري فخامة الاسم تكفي قسما بالله بنتك اتقول والداها من بطنين البمسها بمسني ربنايحفظها ليكي).

وكتبت الفنانة السودانية اسيا مدني(للأسف يا أخت إيمان ياهو بقي حال السودانيين والمصيبة أشباه الإعلاميين بقو يتصيدوا كل شي عشان عارفين الشعب بقي انصرافي، ما تزعلي ولا تندهشي واحمدي ربنا علي الحسنات الجاتك).

ومن التعليقات المتنوعة على صفحة الكاتبة الصحفية ايمان حموري
امام علي الامام
ما تشتغلي بالموضوع كتير ديل اطفال الفيس وطبعا ما قاصد من ناحية العمر ولكن من ناحية الفهم والتعامل مع وسائل التواصل الاجتماعي

معتز الكبري
ولا يهمك استازة ايمان حموري ومثل هزه الافعال لا تزيدك الا تواضعا وسوف تظلين كم عهدناك دوما رمز للطيية وزخرا للوطن ورائدة الصحافة السودانية

Mohammed Kamal
والله صراحة الناس بقت عديمة شغلة وماعندها موضوع غايتو أجر جاكم في مكانكم

Ahmed Hassan
والله يا بت الخال صورة بنتك وبتنا في كل صفحات الواتساب المشهورة والاساءات مستنا كلنا مش بنتك وانت بس ولكن احتسببها ولكن تكون درس ليك والا تتعاملي بحسن النيه في مواقع التواصل الاجتماعي.

Murtada Khalifa
ايمان .. انا قريت معظم التعليقات علي موقع النيلين وتأكدت تماما انو 90% من المعلقين لم يقرأوا الموضوع واكتفوا فقط بقراءة العنوان ومشاهدة الصوره .. عشان كده جات تعليقاتهم سطحيه ودراب .. الوسائط دي بقت لاااامه ..
.. ماتشتغلي بالموضوع كتير .. كوني كما عهدناك.

محمد عثمان- النيلين

الصورة أعلاه للكاتبة الصحفية
ايمان حموري


‫24 تعليقات

  1. ليش الزعل وليش الحزن والله ماهى مستاهلة كل الحزن انا سبق قلت ليك انا جاهز من 1000 ل100 الف ريال وشقة جاهزة فى برج الرواد يمكن معاينتها فى اى وقت ومالك ومال السودانيين القاعدين فى القهاوي لا شغل وﻻ مشغلة واضمنى مستقبل بنتك ،،،

    1. اصبح الصباح لا اعلم ولا ادري لقيت الخبر في النيلين وفي كل المواقع).

      هذا الكلام يدينك يا محمد عثمان

      وأذكر أن أحد المعلقين سألك : هل تنشر باستئذان من الناس ؟

      ***********************************************
      ويا أ. إيمان
      المقال كان في منتهى الجمال ، وكشف عن شخصية جميلة دون عقد ….ولكن انتبهي لواقع قلمك جيدا قبل الشروع في الكتابة

      وكرري التجربة فقط بطريقة أخرى لا تجر للإساءة

      وهذا الموقف ذكرني بما حدث لأحد الأطباء السودانيين في موقع ” سودانيز أون لاين ”

      الرجل جزاه الله خيرا نشرجزءا من بحث قيم عن ” الختان ”

      وعينه ما شافت إلا النور ….تعليقات في منتهى القذارة …

      لكننا طيبنا خاطره بأن أصحاب هذه التعليقات يكشفون عن جهلهم الذي لا يوصف

  2. يا بتي بقولو العترة بتصلح المشي.. تاني إن شاء الله تبقى ليك توبة وما تهظري في مواضيع حساسة زي دي..وبعدين يا محمد عثمان كان تستر الموضوع وما تتسبب في إحراج الناس الله يهديك ويهدي الجميع.

    1. وكتبت الفنانة السودانية اسيا مدني(للأسف يا أخت إيمان ياهو بقي حال السودانيين والمصيبة أشباه الإعلاميين بقو يتصيدوا كل شئ)
      ………………………….لا تعليق

  3. للاسف محمد عثمان وسراج النعيم ما عندهم موضوع غير تتبع صفحات المذيعات والفنانات والصحفيات فى الفيس ونقل اى صورة او تعليق لهن ونشره على موقع النيلين لكن المؤسف جدا موقع النيلين اصبح 70% من منشوراته تتعلق بهذه المنشورات والله الواحد بقى يفتش فتيش لاخبار كويسة من الموقع بعد عشرين خبر مذيعة او ممثلة او فنانة حتى تجد خبر مفيد

    1. والله انت التافه وسخيف ، موقع النيلين بنشر في اليوم أكثر من 100 خبر جديد يغطي كل مناحي الحياة المحلية والعالمية، كلو ما عجبك مشيت جريت على اخبار المذيعات؟ انت البوديك شنو اصلا تدخلها وتعلق عليها، امشي اقرا في اخبار صحة واقتصادية وسياسية وعلق عليها يا فارغ

  4. الموضوع أصلاً سخيف ولا هزار في مثل هذه الموضوعات ثم أن موقع النيلين صار تافهاً ويتطرق إلى مواضيع تافهة لا فائدة منها للقاريء وتستاهل صاحبة المقال لكل ما مسها من إساءة، وعليها أن تتعظ وتتطرق إلى مواضيع جادة تناقش مشاكل الحياة.

    1. والله انت التافه وسخيف ، موقع النيلين بنشر في اليوم أكثر من 100 خبر جديد يغطي كل مناحي الحياة المحلية والعالمية، كلو ما عجبك مشيت جريت على اخبار المذيعات؟ انت البوديك شنو اصلا تدخلها وتعلق عليها، امشي اقرا في اخبار صحة واقتصادية وسياسية وعلق عليها يا فارغ

  5. إنطبق عليكي المثل الذي يقول يرون الفيل ويطعنون في ظلهو – ضلو
    لقد تحدثتي عن موضوع في غاية الأهمية ولكنه لم يحرك ساكناً بقدر ما اثارت الصورة الأخرين في حين حتي الصورة ليست بالحدث الفريد ولا الشيء الجديد بحيث هنالك الاف الصورة منشورة في صفحات الفيس لكتاب وغيرهم وربما يكون هذا العمل مقصود ولمأرب اخري من اشخاص بعينهم وحتي لايتمادي هؤلاء اردفيهم بصورة اخري .
    غايتو شكلها العنوسة حطول طالمة عقولنا اصبحت خربة لهذا الحد …………!!!

  6. الموضوع بسيط وابسط من بسيط زولة كان صحفية او غير صحفية بتهظر وبتضحك مع معارفها الخاصين في صفحتها الشخصية في فيسبوك .. محرر النيلين يمشي يجيب كلام من صفحة شخصية عشان ينزلوا هنا ليه ؟ أسلوبها في الهظار نحن ما مسئولين منه طالما هي بتتكلم مع ناس بتعرفهم هي بفهموها وهي بتفهمهم .. وناس طوالي تعليقات وانتقادات في شئ ما بخصها ويتكلموا في طفلة واضح من شكلها انه عمرها اقل من 15 سنة .. وكاتبة المقال ما مفروض تناقش مشاكل الحياة في صفحتها الشخصية او مع اصدقائها اي زول مع اصحابو بضحك وبهظر وبقول العايزه بس في عقد وسوء نية غير طبيعي في تعاملنا ونظرتنا للاخرين .. واخيرا لموقع النيلين مفروض محرركم الما عندو شغلة ومباري صفحات الناس ده تلموهو عليكم لأنه ده اسلوب قذر في نشر خصوصيات الناس .. ومفروض الناس تخليها في حالها وكل زول يعاين لنفسه لأنكم ما ملائكة ولا فلاسفة ولا مكملين العلم عشان تقعدوا تنتقدوا في وحدة مرأة .. كل زول يشوف نفسه ويشوف مشاكله وعيوبه

    1. وين بقت صفحات التواصل شخصية؟ دا اتعلمتو وين
      بعدين الزول راضي وقبلان انتو البدخلكم شنو ومضيعين زمنكم هنا؟ امشو شوفو الاخبار البتفيدكم على الاقل في اليوم في 100 خبر جديد، وبس عايز واحد يحلف يقول ماف اخبار سياسية معارضة وحكومة واخبار اقتصاد وعلوم وصحة ورياضة ومنوعات في الموقع.

  7. من الخطأ حتى ولو بالسخريه والهظار ان تعرضي صور طفلتك على مواقع التواصل الاجتماعي انتي سبب نشر صور طفلتك البريئه

  8. إنتي من البداية مالك ومال القراية أم دق ، ومالك ومال الخفة واللقافة .. يلا استحنلي الجاك والجاييك !!

  9. الاخت ايمان حمورى اعتقد انو الموضوع اخذ اكبر من حجمه.. فإذا انت كنتى مقتنعة بما نشرتيه من مذحة شئ عادى فما عليك بكلام الآخرين.. ولكن عليكى بتوخى الحذر فيما تكتبين وتنشرين فى المستقل فالناس ليست سواسية ومجتمعنا السودانى برغم طيبته وكرمه وشهامته ولكنه ايضا لم يخلو من الناس ضيقى الافق رغم انتشار وسائل المعرفة ووسائط اتصال إجتماعية وغير ذلك وان كانت هذه الوسائط هى سلاح ذو حدين يجب التعمامل معها بحذر وخصوصا فى المواضيع العائلية.. فلا تشغلى بالك بهذا الموضوع فلا الصورة عيب ولا المذحة التى كتبتيها عيب، ربنا يحفظك ويحفك لكى كل اسرتك الكريمة.

  10. الابنة ايمان

    كبري الجي ،،،، و روقي الدي ،،،،،، علي قول عادل امام

  11. إِنَّ اللَّهَ كَرِيمٌ يُحِبُّ الْكَرَمَ، وَيُحِبُّ مَعَالِيَ الْأَخْلَاقِ، وَيَكْرَهُ سَفْسَافَهَا. صححه الألباني في السلسلة الصحيحة.
    وسفساف الأمور: توافهها التي تنبئ عن الخسة والدناءة وعدم المروءة، جاء في الصحاح للجوهري: السفساف: الرديء من كل شيء، والأمر الحقير.
    ومعناه كما قال العلامة المناوي: وَيكرهُ سفسافها ـ أَي رديئها وحقيرها وفاسدها، فَمن اتّصف بالأخلاق الزكية أحبه الله، وَمن تحلى بالأوصاف الرَّديئَة كرهه، وَالْإِنْسَان يضارع الْملَك بقوّة الْفِكر والتمييز، ويضارع الْبَهِيمَة بالشهوة والدناءة، فَمن صرف همته إِلَى اكْتِسَاب معالي الْأَخْلَاق أحبه الله، فحقيق أَن يلْتَحق بِالْمَلَائِكَةِ لطهارة أخلاقه، وَمن صرفهَا إِلَى السفساف ورذائل الْأَخْلَاق الْتحق بالبهائم. اهـ ملخصا من التيسير، وفيض القدير للمناوي. ….. ارحمووووووووووووووووووووووونا يا عالم مستوى بقى يخوف

  12. انتى منتظره شنو غير كده مافيش زول عاقل بيضع صورة ابنته فى الفيس

  13. اولا نشر صورة بنتك لا يجوز والامر الثاني والاهم لا يجوز المزح في الزواج كما ورد في الحديث: في ما معناهو جدهم جد وهزلهم جد الزواج والطلاق والرجعة. اذا انتي تتهمي مستوى فهم الناس فاين فهمك من المزاح في امر الزواج؟

  14. اختي ايمان ربنا يحفظ ليك بنتك من عيون الحساد ومن سحر العباد ويجعلها ليك من الصالحات المخطوبات المتزوجات البارات لله ولوالديها ويسترها في الدنيا بثوب العفاف وفي الاخرة بالتقوى وأن يغفر لكل من علق تعليق مافي مكانه وان يجعل كلامهم في ميزان حسناتك اتتك الحسنات من غير تعب ماتتضايقي من التعليق ولكن اتعظي واحذري لكل ماينشر