منوعات

بالفيديو:بسبب”الطلاق” ردح وشتائم واتهامات بين خالد الجندي ومحمود المصري


استنكر الشيخ خالد الجندي، الداعية الإسلامي، الهجوم والانتقادات العنيفة والشتائم والاتهامات التي وجهها إليه الداعية السلفي، الشيخ محمود المصري، بسبب فتوى الطلاق الشفوى.
قال “الجندي”، في برنامجه “نسمات الروح” المذاع على قناة “الحياة”: “المصري راجل محترم وفاضل وله وزن في الدعوة، لكن في العلم على أده، راجل كان فنان ومطرب، وربنا هداه، وهو مثال للشاب العظيم، لكنه تهرب من مواجهة الذين يهاجمون الدين ولم نسمع له حس ، ولم يشارك في أي مناظرة للرد، وسلم الجميع من لسانه إلا أنا، وانهال عليا بالشتائم والاتهامات”، حسب قوله.
وأضاف “الجندي”، مخاطبا “المصري”: “ملكش دعوة بالطلاق ولا أنت أده، ده كلام مشايخ، أنت شككت في عقيدتي وتقواي وسخرت مني، وأنا مكسوف وخجلان من هذا الكلام، وكنت بحسبك أنت وأمثالك من السلفية بتفكرونا بالنبي، لكنكم وصلتونا لنكبات وصدمات ولبستونا في الحيط ووديتوا البلد في داهية بسبب أفعالكم، دي مصيبتكم سودة”، حسب تعبيره.
وتابع: “الورع والتقوى حاجة في القلب وبتاعة ربنا، وحضرتك بتعرفها إزاي أيها الشيخ، هي بتكيت ولا شريط بينزل من الرقبة، بتحتقرني وبتتطاول عليا، تكذب عليا وإنت راجل تقي وورع، لم تفهم كلامي بشكل صحيح، حضرتك تلبس الحق والباطل، تتهمني بالباطل، نحن سلفينن لكن مش زيكم، لا أنت أد القضية ولا ليك فيها ولا أنت عارف إحنا بنتكلم في إيه، سيب للمشايخ مشكلة الطلاق،.
مشددًا: “عامل علي أسد وعلى غيري نعامة، لكن أن هقتدي بالرسول وهعريك أمام الناس وهقول لك الله يسامحك، مش معقول التخبط اللي إنت فيه ده، مش لازم تكون حذر ومؤدب في كلامك بلحيتك اللي بتفكرنا بالنبي وجلبابك اللي بيهفهف، ربنا يهديك وأنا منتظر منك الاعتذار”، على حد تعبيره.
وكان الشيخ محمود المصري، الداعية السلفي، هاجم الشيخ خالد الجندي، متهما إياه بأنه يدعو للزنا ويعين الشخص على العيش في الحرام، وفتواه تتماشى مع هوى الشخص، ولا يتمتع بالورع والتقوى، بسبب فتوى الطلاق الشفوي.

لمشاهدة الفيديو اضغط هنا 

المرصد

 


‫2 تعليقات

  1. وسقط ورق التوت عن العورات المصرية

    عمرو أديب يردح مع مرتضى منصور

    وبكري يسب عكاشة

    ووزارة الداخلية تردح لأمناء الشرطة الذين فضحوا فسادها وإجرامها

    والفرعون يردح لشفيق ، والجهات التي تعارضه وتريد إسقاط نظامه

    وكله يردح لكله