باسم يوسف: محمد أبو تريكة بيدفع تمن قعاده في مصر !

أكد الإعلامي باسم يوسف، أن محمد أبو تريكة نجم النادي الأهلي والمتنتخب المصري السابق، مازال يدفع ثمن بقائه داخل مصر.

وكان أبو تريكة قد صدر في حقه قرارًا بإحالته إلي النيابة العامة للتحقيق بتهمة الانضمام جماعة محظورة أُسست على خلاف القانون ودعم وتمويل الجماعة.

وقال يوسف على صفحته الرسمية على موقع التواصل الاجتماعي “فيسبوك” :” ردا على سؤال في اخر لقاء تليفزيوني “ليه ما قعدتش في البلد دي زي ابو تريكة؟” قلت اني باحييه على شجاعته بس انا ما اقدرش أخاطر و اعرض اهلي للخطر. ناس زايدت و قالت ان انا بابالغ و باهول .ابو تريكة بيدفع تمن قعاده في البلد. النهاردة أتحول للنيابة بتهمة تمويل جماعة ارهابية. تهمة جاهزة و محفوظة. ابو تريكة ما عملش حاجة غير انه كان بيفرحنا كل مرة بيلمس فيها الكورة. و برة الملعب و موقفه بعد مذبحة بورسعيد كان اكتر من محترم. ربنا يكون في عونه و يخفف عليه هو و كل اللي متاخدين ظلم. بالنسبة للتعليقات بقى بتاعة انه راجل و انت جبان و هربت و كده. لو انت مش قاعد بتكتب التعليق ده من جوه زنزانة في سجن العقرب يبقى يا ريت تخلي شجاعتك المزعومة دي لنفسك”.

بوابة الفجر