افتتاح أبراج جديدة بالمنشية لتسكين منسوبي الأمن
افتتح مدير جهاز الأمن والمخابرات الفريق أول أمن محمد عطا المولى، مجمع أبراج المنشية السكني الخاصة بسكن عضويته من الضباط، ضمن سلسلة مشروعاته السكنية لمنسوبيه من الضباط وضباط الصف والجنود، في إطار تهيئة البيئة الملائمة لممارسة العمل لعضوية الجهاز. وأكد محمد عطا لدى مخاطبته حفل الافتتاح الذى رصده «إس. إم. سي» أمس، أن مشروعات إسكان عضوية الجهاز من المشروعات المهمة للجهاز حتى تستطيع هذه العضوية أن تقدم عطاءً غير محدود والتفرغ لتأمين البلاد، واعداً بالاستمرار في تشييد المزيد من المجمعات السكنية لصالح كافة عضوية الجهاز. وفي ذات الاتجاه أوضح مدير هيئة الإدارة بجهاز الأمن اللواء أمن عبد العزيز عبد الله، أن افتتاح أبراج المنشية السكنية يأتي ضمن اهتمام قيادة الجهاز بتهيئة الخدمات للعضوية، مشيراً إلى سلسلة من منشآت الجهاز المتواصلة بكل ولايات السودان وفق متطلبات مهمة في مسيرة تطوير الخدمات داخل الجهاز. وأكد مدير هيئة الإدارة أن الأسبوع القادم سيشهد افتتاح مجمع سكني لضباط الصف والجنود بمدينة أم درمان، مشيراً إلى أن هذه المشروعات التي تخدم العضوية ستتواصل، وذلك لتقديم أفضل الخدمات لعضوية الجهاز.
الانتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
مبروك عليكم والله دى الحاجة الوحيدة فى الوطن القديم قبل الانفصال البتخلينا نحن للخرطوم ……كل الظباط فى جهاز الامن الذين جاؤو من الشمال عفيفى اللسان نظيفين الايادى بعكس الجونا من باقى افريقيا سامحهم الله ودائما نحس تجاههم بالامان لانهم وططو وثبثو حاجة مهمة جدا انهم هم جزء من المواطن وجاءو ليخدمو المواطن بجمعهم للمعلومات وتمليكها للجهات العدلية …. يستاهلو والله السكن الراقى لانو حقيقة هنالك شفافية ومساحة كبيرة للمواطن فى المظالم وكفاية هنالك مكتب وثيييير ومكيف للشكاوى وماعندهم كبير فى الظلم ……بس يبعدو من دخول السوق لانو كلو فساد وكفاية الشركات التبعهم دى يردوها للشرفاء وما اكثرهم ويمارسو الرقابة من بعيد………وشوية كدا الظباط والافرارد المنتمين للهامش يزيدو ليهم الجرعات الوطنية وثقافة العدل وتجريدهم من الاحقاد لوطن قد يجمعنا من جديد بعد السمكرة والبهية هنا وهناك…..البشير وييييييي
السلام عليكم ،
و الله احنا سكنا المنشية دي وقت ما كانت خلاء في الستينات ، لمن كانو ساكننها ناس فرح و بعض الأطباء و التجار و سبناها مما جاها الغزو الهمجي لرعاع البلد أمثال المدعو الترابي و منسوبيه من الرجرجة و الدهماء
اها الجعانين ديل فاكرين انهم حينضفوا لو سكتوا المنشية و الله اسأل اي زول ساكن المنشية زمان حيقول ليك اغلب الناس الكانوا ساكننها زمان سابوها بعد ما جاها الغزو الهمجي ده
حسه عليكم الله في واحد محترم، بيضرب يسكن جمب الهمج ديل.
البلد دي انتهت و يا حليل المنشية وقت ما كان ساكننها الافندية و وقت ما كانت حي محترم و وقت ما سكنها المصريين بتاع الفرع ، و سوقها الصغير و البنزينة و الفرن ، ياخ ايام .
حسبي الله عليكم
عشان كده بنقول و بنعيد اسوء حاجة في الدنيا الثورات ، لانها بتجيب الرعاع فوق و الدم بيطير للركب و الفساد بيعم و المدعين بتاعين الاخلاق و الدين اول ما يشوفوا حلاوة الدنيا بيصبحوا اسوء من الكانوا قبلهم
و الأمثلة كثيرة :
عبدالناصر – ثورة تونس – ثورة الجزائر – لبنان – ده فير الدول الثانية
لكن يا ناس الأمن – الناس خلوا ليكم البلد
و أقول ليك حاجة – المنشية دي كان ما قلبتوها مايو ثانية اضحك علي
اها أديك كسرة : و الله بعرف ناس ساكنين المنشية من زمنا – قالوا ما بيعرفوا الجيران و لا بيقدروا يقربوا منهم لأنهم مستوي واطي
اها شكلوا جيرانهم ديل شبهكم ،
معلومة : الجماعة ديل ساكنين في شارع الترابي
و الله السودان ده نكتة
أنجلينا … في عطبرة كان جارنا في بوليس السكة حديد شرطي من جنوب السودان اسمو جبريل .. من فتحنا في الدنيا بنعرفو كوالد لنا كلنا .. اولادو اتربو معانا كاخوان في المدرسه في الكوره في الحي … واحد من اولادو اسمو حسين جبريل كان ضابط جوازات برتبة رفيعه تم إقالته بعد الانفصال و تهجيرهم للجنوب … كلمي البشير بتاعك يرجع لينا الأسره دي تاني لعطبره و يرجع حسين ده لعمله فكان من خيره البشر في أخلاقه و تفانيه و إخلاصه في عمله
بصراحه كده عطبرة بقت ما عندها طعم بدونهم … بعد داك اقعدي في واطه الله دي واتكلمي معاهو في الوحده
المرافق الترفيهية في هذه المجمعات السكنية غالبا ستكون بيوت اشباح حتى يتسلى الامنجية واولادهم بتعذيب الناس
ناس الحكومة عاوزين يريحوا الامنجية ويستثنوهم من بقية المواطنين حتى يضمنوا البقاء في السلطة ولكن الله سيسلط عليهم من هو اقسى واقوى منهم فعلها صدام في العراق فسلط الله عليهم امريكا التي ادخلت جميع كوادر البعث الامنية مع اسرهم في ابو غريب وساموهم سوء العذاب وهكذا هي الدنيا وارجوا الراجيكم
افضل شيء يسكنو في مكان واحد وان شاء الله يكتمل جمعكم
وان شاء الله يسهل قرضكم