منوعات

ندى القلعة ترثي زوجها الراحل وتطلب الدعاء له: ستة سنين تمام ما شفته فيها منام وعبرات الحلق ذي طعنة الخنجر.. ركن بيتنا أتهدم ومرقو اتكسر


ذكرت بعض صفحات مواقع التواصل الاجتماعي المهتمة بأخبار الفنانة السودانية ندى محمد عثمان القلعة أن المطربة كتبت بعض العبارات ترثي من خلالها زوجها الذي رحل قبل ست سنوات.

وكشفت هذه الصفحات عن عبارات الرثاء التي كتبتها ندى علي صفحتها الرسمية عبر موقع التواصل الاجتماعي حسبما ذكروا.

وتقول القلعة في حق زوجها:

كل الناس البتحب ندى اتمني ان تدعوا ليهو بي الرحمة يوم 22 من شهر 12 فارقني.

الحبيب الطيب المعشر الباسم البشوش حاشاهو ماكشر ودعتو لي الله وبي الجنه يتبشر *********** زرفت الدموع ودعت للغالي فارقني الصبر وحال السواد حالي ابكي عليو انوح الدنيا ماسخه الي لي هسه الوجع جوه الفواد ينحر ******** الدنيا العبوس بي فوته لونه ضلام من فارق رحل لاضقته زاد لاطعام سته سنين تمام ماشفته فيها منام وعبرات الحلق ذي طعنه الخنجر ************** الزوج والرفيق الكان ملازمني في فرحي وشقاي هو الكان بقاسمني شالوه الحنين ياحليلو وين مني ركن بيتنا اتهدم ومرقو اتكسر ********************** ياحليلو الحبيب الليله فارقنا لكن ماكتير عليكا خالقنا يسكن في قصور الخلد في الجنه يارب العباد ان شاء الله اتصبر.

ولم يتسني لمحرر النيلين التأكد من صحة ما جاء علي لسان ندى القلعة, ولكن محبي المطربة أكدوا أن هذا الرثاء قام بكتابته ندى علي صفحتها الشخصية عبر موقع التواصل الاجتماعي فيسبوك.

 

محمد عثمان _ الخرطوم

 

النيلين


‫14 تعليقات

  1. ربنا يرحمو ويهديك ياحبوبة ياعجوزة…
    بس الكذب في الكتابة شين وواضح..لو ستة سنين مانمتي دا لانو بتكوني مساهرة في الحفلات والاوفرنايت…

  2. أخرسي يا دجالة يا نصابة ..راجلك مات مغبون و مقهور من عمايلك الله يرحمه و يغفر ليه ..
    بعد ما كملت مواضيعك و حبك للظهور في الفارغه و فاكره انتي لسع في العشرينات اتزكرتي راجلك!!!
    و انتي قبل يومين بتفتشي في عريس !!!! اخجلي علي نفسك و عمايلك و ارجعي الي ربك

    1. أنا لا أقصد الركاكة

      بل الوزن

      يعني ممكن يكون ركيك ولكن موزون

  3. هى ندى فكت الخط متين ؟؟؟؟ محمد عثمان اختشى عليك الله مليها خمسه وعشرين كلمه مختلفه وجيبها لى اصححها ليها ولى اقول ليك صفر من اسى واكتب ليها قابلنى بالانابه ……ودالشجره وعارف عنها اى حاجه من عمرها عشره سنه

  4. الله اسمه الهادي والنبي اسمه المهدي فاسال الهادي بجاه المهدي ان يهدي المهتديه ندي القلعه وكل الاخوات امثالها علي الاقل تتحجب وتترك الرقص اثناء الغناء وترك الغماء المايع وهوالقادر علي ذلك

  5. ما هو باين في صحتك وفي بَشتَنتِك وإقلاعِك عن الغناء ورقصتِك ، ما هو باين
    في سواد بِشرَتِك والدموع المالية خدّيك ، ما هو باين في تِكِشِرتِك وثوب زراقِك
    ما هو باين في حُزنِك وقلّة طلّتِك ، ما هو باين باعتزال غِناك وفنِّك .