وصال المهدي زوجة الراحل الترابي يتم تداول رقم هاتفها مقابل خمسة جنيهات
في سجن كوبر وقفت انتظر الرجل الذي يتحدث من هاتف الكنتين منتظرا دوري..
انتهى من مكالمته والتفت الي ليسالني ان كنت ارغب في رقم هاتف امراة ذكرها لي بالاسم.
اندهشت ..
اعمل بيهو شنو؟
فاندهش..
كيف الكلام دة.. لو عندك اي مشكلة.
لم ارد
يا زول بديك ليهو ساي لوجه الله.
انتهرته..
ما دايرو.
لاحقا علمت من المساجين ان رقم السيدة الفضلى وصال المهدي يتم تداوله بينهم مقابل مبلغ خمسة جنيهات (سنة ٢٠٠٥).
وهي مبلغ زهيد مقارنة بالمكاسب التي يجنونها من تلك المكالمة..
فقد كانت السيدة وصال لا تتوانى في فك رقبة.. او اطعام في يوم ذي مسغبة.. سجينا ذا مديونية بسيطة.. او وضعت زوجته مولودا ينتظر السماية.. او بنته مهددة بقطع الدراسة بسبب الرسوم.
فكانت السيدة الفاضلة تقضي سحابة يومها تنتقل بين ازقة قاع المدينة تقضي الحاجات وتقيل العثرات.
لها التعازي في وفاة رفيق دربها و الامنيات بدوام الصحة في #اليوم_العالمي_للمراة
بقلم: أسعد التاي
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ادعوا الجميع للتواصل مع الواحد الاحد قاضي الحاجات ومفرج الكربات
هى كبنات السلاطين فى عرفنا هنا فهذا واجب تربت عليه فى بيتهم الكبير الذى هو بيت لكل السودانين …..رحم الله زوجها الرقم الذى لا يتزحزح ولا يتدحرج باركها الرب ويشد من ازرها
تعجبني ردودك الرائعه والمرتبه وافكارك الناضجه العزيزة انجلينا…
فقط … لو خليتي التركيز في موضوع (احسن اتفصلنا منكم، عشان كده اتفصلنا، ….و…… )..
ياخي …. انا مغترب واعز ناس لي جنوبيين سودانيين اخوان يسدوا عين الشمس…
ودمتي
ربنا يجزي خير كل من نوى للخير
سبحان الله يقولو دوله الاسلام ولا يراعى لابسط الامور
في المملكه توجد جمعيات خيرية حكومية تقوم بواجب رب الاسره المسجون في حل كل ما يتعلق باامصروفات يعني السجين اضانو مريحنها ليهو
حقيقة دا شيء بديهي .اءا ربنا ابتلا مسلم بمشكله ما ذنب اسرته .وما نتيجه الحوجه على اسرة منكوبه .ايها الراعي اتق الله في خلقة . ليس هناك ملجا الى الله الا الية .بوم لا ينفع مال ولا جاه الا من اتى الله بقلب سليم
ده اسعد التاي بتاع القنصليه
شكراً الاستاذ اسعد التاي .. مقال جميل للغاية وكلماتك رائعة .. دوما الى الامام
طلعوهم لينا بقايا صحابة!!؟؟ مؤسسي بيوت الاشباح وقتلة طلاب الهندسه والطب في احراش الجنوب..وعرابي ومهندسي الصالح العام وتفتيت السودان..ووضعنا في ذيل الأمم الفاسده والتعيسه. نسيتو شنطة تمكنا ولاشنو ..