زواج سوداناس

وصول المصارعين الدوليين الخرطوم لاقامة اول بطولة عالمية للمصارعة الحرة في السودان



شارك الموضوع :

وصل إلى السودان في الساعات الاولي من فجر يوم الاربعاء وفد المصارعين الدوليين وكان في استقبالهم بمطار الخرطوم المدير العام لوزارة الشباب والرياضة بولاية الخرطوم مولانا/محمد عثمان الخليفه وذلك للمنافسة علي علي الحزام الذهبي كاول لقب سودنى لمصارعة المحترفين الذي تنظمة شركة بحر العالمية

تحت رعاية واشراف وزير الشباب والرياضة بولاية الخرطوم الاستاذ/اليسع صديق التاج وباستضافة كريمة من معتمد محلية ام درمان الاستاذ/مجدي عبدالعزيز حيث تلعب البطولة علي حلبة استاد المريخ بام درمان يوم الجمعة 11مارس 2016 م من الساعة الثامنة صباحا وحتى الساعة الحادية عشر صباحا..
ويشارك في البطولة ابطال المصارعة الحرة من دول ::-
امريكا 🇺🇸
المانيا 🇩🇪
انجلترا 🇦🇺
النمسا 🇦🇹
المكسيك 🇲🇽
كندا 🇨🇦
بورتريكو 🇹🇭
ومن ابرز المصارعين الذين وصلوا هم ::-
ريم استريو – كارلينو – جون ميرسون – كريس روبر -كريس ماستر – واخرون..
مساعد مدير عام ادارة الرياضة الأستاذ/محمد محي الدين محمد (الجميعابي) ومدير المراسم والعلاقات العامة الاستاذ/انس الناطق ومندوب الاعلام الاستاذ عادل والسيد بحرام آدم بحرام المدير عام لشركة بحر العالمية والمالك لها والذي أكد أنهم أتوا بحزام من ألمانيا الذهب الخالص لبطل الحلبه وبالنسبة لفئات التذاكر ستكون ب 200ج و 300ج و 500ج وألف جنيه
نسأل الله سبحانه وتعالي التوفيق والسداد لاول بطولة عالمية للمصارعة الحرة بالسودان..

الخرطوم: جادين أحمد جادين
مصارعة السودان2

مصارعة السودان3

شارك الموضوع :

تعليقات الفيسبوك

تعليقات


17 التعليقات

إنتقل إلى نموذج التعليقات

      1. 1
        Fahim

        مرحبا بجون سينا… ما القاكم في عوضية ولا صاج السمك… واندرتيكر براو داير برميل مريسة…

        الرد
        1. 1.1
          عبدالله

          اجمل تعليق في نظري بس اعتقد انو ديل ماناس wwe raw ديل مصارعين الحزام

          الرد
      2. 2
        مسطول على طول

        تزاكركم دى غاليه شديد ومن هسا انتظرو الفشل وضعف الحضور

        الرد
        1. 2.1
          تمساح

          فشل مين اولاد المصارين البيض موجودين يعني كان مليون بخشو الي ال 200 دي كتيرة علي وعليك
          حسع الناس ديل نصاح حزام من ذهب ونسمع تحت تحت بأن الشركة المنظمة دفعت قرابت المليون دولار
          كل هذا ما كان اولا به مستشفي الاطفال لسرطان ولا بناء مدرسة ولا دعم مرضي الكلي
          لكنها الفوضة
          نسأل الله ان يسلط عليكم داعش في هذا اليوم ويفجركم انتم ومصارعنكم

          الرد
      3. 3
        اللهم لا شماتة

        اسمو (ريم استريو)؟؟؟؟؟؟؟؟؟؟؟؟؟؟؟؟
        فضحتونا الله يخرب بيوتكم..
        حقو الواحد يكلموا يديكم بونية في راسكم الكبير دة

        الرد
      4. 4
        سوداني ود بلد

        اوعا الجماعة اقطعوا الكهرباء والطشو حزام الذهب . مهازل يا بلد وكمان تحت رعاية واشراف وزير الشباب والرياضة بولاية الخرطوم .

        عايزين نسمع رأي ما يسمي بهيئة علماء السودان عن هؤلاء العراة .

        الرد
      5. 5
        سودانى مغبووووون

        نسأل الله سبحانه وتعالي التوفيق والسداد >>>

        الله لاوفقكم ولاسدد لكم خطى … عالم وهم … والتمامه رخم

        الرد
      6. 6
        hamad

        الله يكون في عون الشعب

        الرد
      7. 7
        عمر

        بسم الله الرحمن الرحيم
        يا اليسع انت مولانا المدير العام لوزارة الشباب والرياضة
        اولا لو كان ينطبق عليك كلمة مولانا ما كنت قمت بدعوة هؤلاء المصارعيين
        ثانيا هناك اولويات كثيرة ممكن بدل ذلك شوف فريق يتبارا مع الفريق القومى لكرة القدم
        وانت يا اليسع احسن تبعد من االحكومة واحسن ليك تجارتك فى دبى زى زمان
        لانك مشجع من المدرجات ليس الا

        الرد
      8. 8
        mukh mafi

        ولا واحد من المصارعين ديل من المصارعين الكبار
        الزول الاول دا رحب بجون سينا وماشايف اسمه من وين جاب الاسماء الرحب بيها دي

        الرد
      9. 9
        Omda

        هو الشعب السوداني ناقص مصارعة ما حياتنا كلها بنصارع في الحياة ومستلزماتها ياكيزان السجم

        الرد
      10. 10
        توفيق

        للأسف الناس ما فاهمه الغرض من الموضوع ,,,

        الهدف الاساسي من جلب المصارعين هو عكس صوره ايجابية للبلد وتصحيح صورة أن السودان بلد حرب وغير امن كما يتصوره الغربز

        الخطوه ذكيه من القائمين بالمشروع,,

        وانا معهم قلبا وقالبا..

        الرد
        1. 10.1
          الرقراق

          انت يازول طرطور ولاشنو طيب دارفور والنيل الأزرق وجنوب كردفان ديل وين في الصين ولاشنو ……..!!!؟
          ولا الأمان هذا فقط ينطبق علي العاصمة ؟؟

          الرد
      11. 11
        عبد المطلب محمد

        و الله ديل اكتر من فاضين بلد مواطنين اصبحو مشردين في جميع دول العالم و ديل دايرين يجيبو ليهم مجموعة كفار و يدوهم قروش
        و الله دة خزي و عار علينا كلمة اسلامية

        الرد
      12. 12
        أبو عثمان

        مصارعة شنو يا ناس يا وهم الناس في شنو و ناس الرياضة في شنو إذا إعتبرنا المصارعة رياضة أصلا يعني ديل لو عشرة مصارعين كل واحد حياخد ليهو أقل شيء 20 ألف دولار يعني 200 ألف دولار ( يمكن ياخدوا بالجنيه هههه ) مش كان أفضل نجيب بيهو جهاز غسيل لمرضى الكلى و المصارعة موجودة في عشرين قناة تلفزيونية

        الرد
      13. 13
        حسن يعقوب

        اها شفتو كيف شفتوا المصارعة و العراة وقروشكم راحت ……. هسى … لو الواحد اصدق بيها ماكان اخير ليه او اكل بيها .. باسطة ….ههههههههههههههههههههههههههههههههههههههههههههههههههههههههههههه

        الرد
      14. 14
        bushra saad

        جمهور المصارعه كبير جدا حول العالم واكثرهم لا يعرف عن السودان الا بلد الجوع والفقر والحروب وغدا بعد مشاهده المنافسات والجمهور اول حاجه تتغير فكرتهم عن السودان وافريقيا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *