الليلة ليلتك يا مريخ
* اليوم يعلن الواقع ويسجل التاريه تأهل الزعيم للدور الأفريقى
القادم
* القصة ما مضمونة لدرجة التقاعس
* فالمسألة ليست مسألة وقت فحسب
* ولكنها قبل كل شئ مسألة تفانٍ وإجتهاد وتحديد الترقى هدفاً
إستراتيجياً لايقبل الإحتمالات
* أى زول يقوم بى شغلو كامل
* أى زول تكون حدودو هى حدود شغلو وبس
* الجهاز الفنى يقوم بعمله دون تدخلات
* اللاعبون يسكبون العرق على الملعب ليرتوى عشب العشق
الأبدى
* والشفوت على المدرجات يدركون دورهم جيداً
* إنهم جندنا
* يحرسون الثغور بهتافهم الداوى
* بأهازيج الفرح التى تشق دفاعات الخصم لتنفذ منها عفريتا
* لا لصافرات الإستهجان التى توتر أولادنا
* لا لتوجيه النقد أثناء اللعب لفلان وعلان
* لا للتشتت والتحزب
* فكلنا تحت راية لن ندعك تسير وحدك يا مريخ
* محاربة مافيا الدخل واجب المجلس
* أيها الناس
* لا للشماريخ
* حذرنا منها الإتحاد الأفريقى
* ولبد لينا
* ومن يستعمل الشماريخ التى تضر بالمريخ
* لا نستبعد ان تتعرض حياته للخطر والفناء
* فمشجع قادم عبر الفيافى من الولايات
* ومشجع إقتطع من قوته وحضر للإستاد من الصباح
* بالتأكيد لن يسكتوا على تصرفٍ ضار بالمريخ
* عليه
* الجماهير الواعيه هى التى تعرف كيف تدعم
* وأصحاب الإستراتيجيات يدركون جيداً ماذا يضر المريخ
* يبقى على الشفوت رقابة ذاتية على أنفسهم
* وعليهم رقابة ومراقبة غيرهم
* من يستعمل الشماريخ يقصد الإضرار بالمريخ
* ومن يقصد الإضرار بالمريخ عليه ان يتحمل ما يحدث له
* فالجماهير العاشقة ردة فعلها تفوق كثيراً فى مقدارها مقدار
الفعل الضار
* المهم
* المريخ عالمى
* يشرفنا اليوم السفير البريطانى بأسرته والنجمة تلمع على
صدورهم
* خواجه مريخابى شفت
* قرر ان يقود التشجيع من اى موقع يجد فيه الفرصة
* تشرفنا أسرة السفارة الألمانية
* المريخ عالمى
* ديل ناس الآرسنال وتشلسى والبايرن وهامبورج
* لايعرفون فى البلد دى غير القصر الجمهورى وشارع النيل
والمريخ
* عااااااااااااااااااااااااالمى
* المهم
* أمس كشافات الجماعة ولعت
* تشبه لى كشافات الأكسنت الفى التصادم تحت ديك
* والغريبه حاجه مدورة اللمبات قدام وورا قاعدة ساى
* زى طقم الأسنان
* من قريب زى زنن الركشه
* والعميان شايل المكسر
* النور دخل المسح الإجتماعى
* تانى ناس محمد عبدالماجد لو جيتهم بقولوا ليك نديك عصير
ولا نولع ليك النور؟
* أول أمس الهلال عمل حاجة المريخ عملها قبل حداشر سنة
* وفرحانين
* الجديد فى الكرو حلو
* لكن إخلاء الدكاكين حايتم بى ياتو قانون يا فطومة قولى لينا
* قانون تم نهى كرتا
* المهم
* عندنا شافع فى حلتنا يا دوبك بيتعلم فى الكلام اسمو أحمد
* الشافع ده زى الأخطبوط الألمانى بتاع كاس العالم داك
* أى شى بيتنبأ بيهو بيحصل
* جيت لقيتوا قاعد مع ابوهوا
* أبوهوا هلالابى
* قلت ليهو ازيك يا حماده
* رفع يدو وقال لى: أديك
* قلت ليهو كورة المريخ بتنتهى كم وكورة الهلال بتنتهى كم؟
* قال لى (الإتنين دلون)
* أبوهو نكرو نهائى
* غايتو كان بقت يا حماده تبقى أخطبوط عديل كده يا ولدى
* أيها الشفوت
* كلنا من عصراً بدرى نحضر
* نعمل للتأهل
* بالحسابات كده تعادل بنتأهل
* يبقى مافى داعى للشفقة
* والفوز بهدف بأهلنا برضو
* يبقى مافى داعى للشفقة برضو
* يشفقوا الناس البطيرهم درون حمادة
* الناس اللو جا فيهم قون إلا يطفوا حلاوه نور الجديدة بتاعتهم
دى
* المهم
* أى زول يلبس الشعار زولنا ونشجعوا
* لست مدرباً ولا فنياً
* ولكن من الجاهزية حسب متابعتى ستكون التشكيلة كالأتى:
* جمال ورمضان وأمير وعلى وبخيت وعمر بخيت والحسن
وراجى وتراورى العقرب وجابر
* على أهبة الإستعداد..كوفى وأوكراه والنعسان ومصعب
وعنكبة وعلاء وضفر
* ولكنى أتوقع تألقاً غير عادى للواعد بخيت خميس
* اللهم درونات حمادة..يارب العالمين
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* زمان فى المدرسة قالوا لينا
* إنما الأمم الأخلاق يا والينا
* حقتنا ذهبت وأهلنا ذهبوا ولا لسه يا والينا؟
سلك كهربا
** ننساك كيف لو زول دقه بابنا الكلب بقول ليهو الجماعه ديل
ذهبووووووووووووووووووا يا أخينا؟!!
ﻭﺍﻟللللللللللى ﻟﻘﺎﺀ
سلللللللللللللللللك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة