زواج سوداناس

بالصورة.. رجل يزور قبر الشيخ الراحل “الترابي” يومياً ويبلل تربته بالمياه دوناً عن بقية القبور..والرواد يطرحون سؤالاً “هل هي وصية الشيخ؟ أم محبة من هذا الرجل للترابي”



شارك الموضوع :

أصاب رجل سوداني في مقتبل العمر رواد مواقع التواصل السودانية بالدهشة والذهول بزيارته لقبر الشيخ السوداني الراحل حسن عبد الله الترابي.

رجل يزور قبر الشيخ الراحل "الترابي" يومياً ويبلل تربته بالمياه دوناً عن بقية القبور

الرجل وحسبما نشرت بعض صفحات مواقع التواصل الاجتماعي صورته داوم علي زيارة قبر الراحل مستخدماً خرطوم مياه ليبلل به قبر الشيخ الترابي.

صفحات مواقع التواصل اهتمت بالصورة وقامت بنشرها أكثر من مرة  في اليومين الماضيين,وبحسب متابعات محرر موقع النيلين للتعليقات المصاحبة للصورة فإن أكثر سؤال تم طرحه علي صفحات مواقع التواصل الاجتماعي كان يقول: (هل هي وصية من الترابي؟ أم محبة من هذا الرجل للترابي).

وجاءت بقية التعليقات متعجبة من تصرف الرجل وقال بعضهم (لماذا استثني هذا الرجل قبر الترابي دوناًً عن بقية القبور).

محرر موقع النيلين لم يتسني التأكد من صحة الصورة المتداولة بشكل كبير داخل صفحات المواقع الاسفيرية.

 

محمد عثمان _ الخرطوم

 

النيلين

 

 

شارك الموضوع :

تعليقات الفيسبوك

تعليقات


14 التعليقات

إنتقل إلى نموذج التعليقات

      1. 1
        ساخرون

        نســـــــــــــــــــــــــــــــــخ

        محرر موقع النيلين لم يتسني التأكد من صحة الصورة المتداولة بشكل كبير داخل صفحات المواقع الاسفيرية.

        ******************************

        تعليقي

        من علمك مثل هذا الاستدراك والتحفظ ؟

        رأس معتصم السر الذي طار مع واحد من الأخبار الإسفيرية !!

        الرد
      2. 2
        الرقراق

        كل الموضوع الترابي زرعو لي جم راسو شجرة والزول دا كل يوم بجي يسقي الشجرة وكمان يقوم برش القبر بالمرة
        إلي الشجرة دي ماشا تعمل لي الميت شنو ولا ظلها بكون بارد والميت برقد مرتاح في ضُلها ………..!!!!؟

        الرد
      3. 3
        ودالنيل تمساح

        هههههه وصاهو شنو حتي لو هو قال وصاني يكون كذاب لان الترابي نفسه ماكان مصدق انه حيموت مشي المستشفي ووسائل التواصل نقلت خبره انه في المستشفي قام هو علق ساخر من وسائل التواصل قال كذابين انا مشيت ازور واحد صاحبي راقد في مستشقي واخيرا مات هو وصاحبوا قااااعد يضحك هههههه ربنا قال ليهو كمان تكذب صبرك لو نمت الليله .
        بعدين البيرش في القبر ده مش كان احسن يمشي يرش قبر جده ولا جدته من يرش قبر الترابي؟
        ومين قال ليهو خلاص الترابي رجل صالح هل هو من يحدد من هو الرجل الصالح وهل يوجد رجل صالح ورجل فاسد
        ياعالم الناس كلها سواسيه وربنا هو من يحدد .

        الرد
      4. 4
        ابوالقاسم

        الناس شهداء الله في الارض ياجاهل

        الرد
      5. 5
        أب زرد

        شكله حارس الزريعة تقوم

        الرد
      6. 6
        aboabdallah

        يمكن جاه في المنام عطشان ههههه يلهث يأكل الثرى من العطش هههه

        الرد
      7. 7
        aboabdallah

        صدقوني الشجرة ده حتموت

        الرد
      8. 8
        عبدالرحمن

        الناس دي تعبانة تزرع شجرة وواحد يرش في القبر ليه يعني عشان شنو ؟؟؟؟الناس البعملو ا بعملوا رجاء في تخفيف عذاب القبر علي الميت بس الترابي قال مافي عذاب في القبر سامعين مافييييييييييييييييييي عذاب القبر طيب بتزرعوا وترشوا مالكم؟؟؟؟؟؟؟

        الرد
        1. 8.1
          aboabdallah

          سلمت يداك فعلا الراجل ده منكر عذاب القبر ليه بتزرعوا ليه شجرة وتسقوه كمان مش قال مافي عذاب في القبر

          الرد
      9. 9
        سودانى مغبووووون

        جهل يقوم للواحد عمبلوق فى نص راسو … هسه الوهم ده ( شكلو الغفير ) بتاع المقابر رش القبر معناها شنو ؟؟؟؟؟ يرشوك بى ار بى جى ..

        بالله المره الجايه جيب ليهو نص لوح تلج معاك .. يمكن بالليل تجيهو عطشه وكده … يقوم ياخد ليهو جغمتين

        الرد
      10. 10
        مدحت الهادي

        يا ناس استهدوا بالله … الترابي بين يدي الله يا ناس خلااااااااااااااااااااااااااااااص إنسوا الموضوع بالله عليكم الله يجزاكم خير …….

        الرد
      11. 11
        ود نخل

        وهل يشمت الانسان بانياب آكله يامسمي نفسك تمساح !!! والتمساح برئ منك ياسحلية …

        الرد
      12. 12
        بيكانتو

        الماسورة دى شغالة كيف بدون موتور

        الرد
      13. 13
        ابو عفان

        بي بركة شيخ الترابي شغاله

        الزول دا كل يوم يجي هنا ليتاكد
        ان الشيخ ما حيقوم تاني .

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *