عاجل..في أول ردة فعل عقب الخروج الأفريقي..الهلال يستغني عن الثلاثي الأجنبي “نيلسون وسيسيه وأبيكو” ويسحب جنسياتهم السودانية

كان يغير من الحال شئ
افضل لو شيلتو المدرب كمان
ما الحاجة لمدرب أجنبى ?
عشان يجيب كأس الدورى يعنى ؟
دا لو فاز بيهو الهلال طبعا

ما فى طريقة نفس القرار دا يطبقوهو على السيد الدكتور الكاردينال والسيدة بذئية اللسان غاطمة الصادق …بس ما اكون كتبت اسمها غلط …لانى والله استحى ان انطقه …واذا قلته قدام ناس بقول :لا مواخذة والله يكرم السامعين …. الله يكرمكم قولو امين

يا اهل العلم افتونا
انا والله ما رياضي ولا بحب الرياضة بس شداني اقراء الخبر ( ويسحب جنسياتهم السودانية ) يعني الهلال دا او اي فريق يجنسوا ويسحبوا الجنسيات علي كيفهم هي الجنسية السودانية دي سايبة كدا
الحتة دي والله ما واقعة لي كدي بالله لو في زول عندو فهم في الحتة دي يفتينا

لما الهلال سجّل الثلاثي المرح كُتب عنهم ما لم يكتب في ميسي وقالوا كردنة ما بختار إلّا
الاعب الفلتة، وبكل بساطة شطبهم بل ويسحب جنسيتهم السودانية (الهاملة ، الرخيصة)

كسرة: لا نريد من كردنه شراء ميسي وهو يستطيع، لأن ميسي ما بوافق على ذلك فقط نريد
من كردنه أن يفرّح الهلالاب والسودانيين بدعوة فريق برشلونة للعلب في الخرطوم مع الهلال.
والله يا كردنة لو اشتريت القمر وبنيت فيه استاد الهلال فلن تشبه ظفر جمال الوالي وهذه
عقدتك وعقدة الهلالاب ، فأوجه المقارنة أصلاً غير موجودة بداية من الشخصية وانتهاءاً بالأخلاق
السمحة ولباس العمة والطاقية والبدلة والجلابية والأسلوب الرفيع والرومانسية.
وهذه السمات إن لم تكن في الشخص بطبعه فلن يستطع شراؤها بملء الأرض ذهباً.