أبرز العناوينمنوعات

فيديو: حفل زواج سودانية من امريكي في اجواء حالمة والعريس يضع الحناء كعادة السودانيين


على أنغام أغنية رومانسية بثت السودانية “ويني كافي” لقطات من حفل زواجها من الأمريكي “أندريو” على قناتها بموقع يوتيوب
وقد شهد الحفل أهل العروسين بالولايات المتحدة الأمريكية في أجواء من المرح والرقص.
ويني1

بدأت السعادة واضحة على زوج ويني الأمريكي الذي قام بخضاب يديه بالحناء كعادة الرجال السودانيين والتي إرتبطت بمراسم الزواج.
ويني3
وقرأت ريم منصور محررة موقع سوداناس الإلكتروني التعليقات على الفيديو في قناة ويني والتي أوضحت أن أصولها تعود إلى منطقة جبال النوبة في السودان، بينما أشاد المعلقون بلقطات مراسم الزواج ووصفوه بالروعة والجمال وتمنوا لها حياة زوجية سعيدة.
ويني4

ريم منصور
سوداناس


‫21 تعليقات

  1. مبروووك ليها وان شاءالله ربنا يسعدا ويسعد باقى اهلنا فى الجبال بوقف الحرب اللعينه.
    سمار وقوام ومايلقى احلى منك لو فتش افارقة امريكا كلهم وواضح عليها رزانتا وفهما العالى.

  2. مليون مبروك عليك يا ويني السمراء الجميلة وربنا يسعدك Congratulations dear Weeni

  3. اعجبني في الموضوع اولا ان الكثير من الامريكان تخطو عقدة العرق واللون ودا يدل علي رقيهم . الثاني ان العروس معتدة بلونها ولم تعمد الي مصائب الفسخ بتاعة بنات السودان المستلبات الكارهات لونهم . واحييها علي هذا . مبروك

  4. اللون الأسمر ده جميل بس بعض السودانيات متعقدات منو … ما خلن كريم في رف وبعد ده العرس قسمة ونصيب

  5. والله انتو يا أولاد النوبة عجيبين خلاص طوالى قلبتوها عرق وجنس ولون وهلما جرا؟ هسى الدخل العرق واللون والسودانيين والامريكان في عرس وينى شنو؟ في حاجة اسمها قسمة ونصيب وحظ وخصوصا في مسالة الزواج دى.. يا ما شفنا سود اتزوجوا نسوان بيض والعكس كمان ..يعنى مساءلة عادية وما اول ولا اخر مرة تحصل.. وبعدين منو القال ليكم انو بنات السودان كارهات لى لونهن؟؟ انتو بتجيبو من راسكم ساى؟؟؟ طيب بناتكم ما من بنات السودان برضو؟؟ ما قاعدات يستخدمن مساحيق التبييض برضك.. والله العظيم غيركم في السودان ناس معقدين وعنصريين مافى … وجنكم نحن ونحن ونحن

    1. وانت مالك محروق وفاير دمك كده ما ده الحاصل ، داير تقول انو السودان مافيه تفرقة !!!! هو لو كان الناس متحابين ومتقبلين للاخر الناس ماكان اتكلمت في المواضيع دي،فاانت ماتدس رقبتك في الرملة وتقول انه النوبة هم العنصريين ،والقاليك البكتبو ديل نوبة منو ماتخلي العنصرية بتاعتك الكريهة واحتفظ بيها لنفسك ،دمرتو السودان كلو بمفاهيمكم الضيقة دي

  6. مبروك والتحيه لييك فعلا معتذه بي لونها
    فعلا الامربكي لقاها دا لوفتش امريكا كلها ماحيلقي ذي قلب السودانيه واحتراهما لي ذوجها

  7. اي لون جميل ولة ميزة خاصة بة، بس مشكلتنا في السودان عندنا عقدة التشبيه بالعرب. صاحب البشرة الداكنة يحس بالنقص وصاحب البشرة الفاتحة يحس بالعلو والفخر والكمال والجمال وسيد البلد. دى باختصار كل مشاكل السودان في النقطة دى.

  8. اجمل حاجة اللون الاسمر بس اوقفوا الفسخ والكريمات والتبييض وبعد فترة بسيطة البيضاء المفسوخه ولا المصنعة محلياً غير مقبوووووووووولة عند السوداني ..
    على بنات السودان ان يرضين بالوالهن ومحاربة التبييض والسنفرة المحلية بواسطة النيل للاشعاب وغيرها من شركات التماسيح الكبيرة والمختصة في هذا المجال ..

    التبييض الصناعي مرض خطيريصيب المهوسات باللون ..

    يقول احد السودانييين بانه اغترب لسنوات طويلة وترك اسرة جيرانه سمر وعندما عاد من الاغتراب وجد كل اسرة الجيران بيض عدا الاطفال بما فيهم الام وعندما سأل عن الامر قالوا له بان ليلة القدر (قلبت لونهم ابيض وتزوجن كل البنات وانجبن اولاد سمر اجمل من بياض امهاتهن ..

    في السابق التبييض كان يقتصر على الوجه واليدين فقط الان السنفرة عااامة لكل البشرة ( صبغ ) بلون ابيض ولؤلؤي واصبحت البت نفس الكوريلا وظهرت موديلات شعر جديدة واصبح الشعر الذي يشبه ( اللبدة ) اصبح كالحرير مؤقتاً .. والاولاد العوقات كمان شافوا اخواتهم وعملوا زيهم ..

    عزيزي المواطن السوداني لا يغرنك بياض الاسواق او شارع النيل او عبيد ختم او اي مكان فان هذا البياض مصنوع محلياً وان كل القبايل السودانية سمراااااااااء اللون وما احلاه .. ولكن كيف ترضى البنت بماقسمه الله لها ..

    قريباً .. ستتشكل لجنة لمحاربة التبييض وذلك بالفحص على الاسرة ان وجدوا اسرتها لونهم اسمر وهي بيضاء فهذا يعني انها ابيضت محلياً في المنطقة الصناعية الخرطوم .. وعلى اللجنة معاقبتها بغسلها جيدا بصابون بودرة لونا وحبسها شهر على الاقل في بيتهم حتى لا تتفنجط في الشوارع العامة وتغير مشيتها بحثا عن عريس ..
    واما الشباب الخائبين الذين يتشبهون بالبنات فجزاء هؤلاء عكاز في نص راسو حتى يرجع وعيه ويقرا تاريخ الاجيال السابقة من الشباب ( تاريخ البراءة و العفة ) ..

  9. فعلا العروس جميلة والسمار ذادها رونقة وجمالا.. وفعلا تستاهل ان تفرح وتعتز بهذا الفرح والمناسبة السعيدة.
    الف مبرووك لهما وربنا يهنيهم ويسعدهم

  10. انت رجل مريض جاهل وعنصري الله لا يشفيك ويضحك خلق الله فيك

  11. بسم الله الرحمن الرحيم …..
    هوي يا إبن بطوطة مالك شناف كدة مسيخ وممصمص …

  12. اكثر التجار بيعا لادوات التجميل وتبييض البشرة هم من غرب السودان وموجودين بالامارات ولو عايزين الاسماء وارقام الرخص التجارية ممكن

  13. المكافحة تضبط (1000) كرتونة كريم تفتيح بشرة محظور
    اليوم التالينشر في النيلين يوم 25 – 03 – 2016

    أحبطت الإدارة العامة لمكافحة التهريب بهيئة الجمارك فرع شرق دارفور محاولة تهريب (1000) كرتونة كريم (كلورايد) محملة على متن شاحنة قادمة من إحدى دول الجوار في طريقها إلى داخل البلاد، أثر معلومات توفرت عن نشاط المهربين،وثمن رئيس هيئة الجمارك الجهود المتواصلة لمنسوبيه بكافة المحطات الجمركية والإدارة العامة لمكافحة التهريب بالمركز والولايات ليقظتهم في حماية الاقتصاد الوطني.

  14. هشوووووووووووووووووووووووووووووووووووووومه
    الجمال له مقائيس وأسس تقاس بها البنات لا العاطفة والمجامله والسؤال :
    اترضاه اختها زوجة لك؟

    1. ومن قال لك وعلمك ان الجمال له اسس تقاس به البنات؟!!
      يا عزيزى ابن بطوطة الجمال شئ نسبى فما تراه انت جميل قد يراه غيرك شئ عادى او قبيح والعكس هو الصحيح, ولا تنسى ما قالوها اهلنل زمان لولا اختلاف الانظار لبارت السلع ( لا اقصد هنا بأن البنت بمثابة سلعة ولكن اقصد المثل بشكله العام).. فيا ابن بطوطة لا تحكم على كل الناس بما تراه انت جميل او او غير جميل.. فيجب ان تتخلصو من عقدة ان تكون الفتاة جميلة ببياض لونها او شعرها الاشقر او مثل تلك الاشياء.. شى أخير الجمال الحقيقى هو جمال الجوهر والروح فهذا الشئ قد يراه البصير والاعمى.

  15. ههههههه حقيقه الف مبروك لبنت السودان يااصيله
    ضحكت لان معظم التعاليق كان لم يكونوا سودانيين
    حتي الطيب مصطفي لو علق حيعلق ويقول البت حلوه
    والزواج ده اصلا قسمه ونصيب ااااااااه من القسمه والنصيب
    ده كله عشان اتزوجت امريكي ابيض يعني ابيض
    مش زي الطيب مصطفي
    اذا سالنا الطيب مصطفي وامثاله هل نصدق القسمه حتخليهم يتزوجوا من نوباويات ؟؟؟؟
    الاجابه في العدد القادم

  16. اااالف مبروك اليهاوان شان الله الحياة سعيدا عقبال اخون