منوعات

فيديو: طلاب من جامعة السودان يرقصون فرحا بمناسبة تخرجهم،مذيع الحفل يتغزل في خريجة ويقول: أساتذة الجغرافيا كذبوا حينما قالوا في بلادي شمس واحدة


إبتهج طلاب من جامعة السودان وأسرهم بحفل تخرجهم من كلية تقنية المعلومات، وشهد الحفل فواصل مختلفة من الغناء لحظة تسليم الشهادات.
جامعة السودان2
وسط زغاريد الأهل عمت الفرحة الخريجين الجدد، ورقصوا على أنغام العديد من الأغنيات الأجنبية والعربية والسودانية، وقدم مذيع حفل التخرج الطلاب بجمل أنيقة.
جامعة السودان1
وواصل مذيع الحفل عباراته الجميلة وتغزل في إحدى الخريجات وقال بحسب ما شاهدت ريم منصور محررة موقع سوداناس الإلكتروني (تعرفي يا يم، زمني دا كله بسمع في أغنية يا دوب عرفت معناها،سماحة الزول في الطول والعلا، يم قالوا: كذبوا أساتذة الجغرافيا حينما قالوا في بلادي شمس واحدة قادرة على الضياء فحينما تكون هناك يم تكن في بلادي شمس أخرى قادرة على الضياء،
جامعة السودان4
يا يم، ما كل هذا الجمال وما سر هذا البهاء، ووالله يا يم لو كانت قلوب الناس تخرج من صدورها، لأخرجناها ووضعناه تحت قدميك). لتدخل الخريجة بعدها في وصلة رقص رائعة هي وبنات وأبناء دفعتها.
جامعة السودان3
ريم منصور
سوداناس

https://youtu.be/XKqAt2MAsvE


‫30 تعليقات

  1. ولو اتخرجتو من طب كان عملو شنو
    تقنية معلومات ديل في السعودية بشتفلو طباعين ورد

    1. وداعا أيتها الأحزان

      تتبعت الحفل بعين ناقدة خاصة ذلك الاحتفاء المبتذل بالخريجة ” يم ” …حللوا معي :

      إما أنها قريبته أو معارفه ….أو تمت عليها توصية خاصة …أو مواساة لها في فقد الأم التي غيبها الموت عن تلك الفرحة

      ولكن أن تنال كل تلك الحظوة من أجل الجمال ، فلم يكن هناك غير شكل عاااادي

      وجلست أنتظر احتفاءا بالتقدير ولم أجد شيئا …فقط أن يتخرج الطالب هو أقصى أمانيهم …الله يرحم أيام التنافس على الامتياز

      بعد ذلك وجدت النقد يتضاءل …معذرة لشرائح كبيرة في المجتمع …كأنما يطبقون مقولة اقتل الهم بالفرح ….

      تلك الفجوة التي اتسعت بين طبقات المجتمع …وتحت أعينهم شريحة سكنت الأبراج البلورية وتنفق ببذخ خرافي ، يدعوهم إلى اختلاق الفرح من أي شيء ” واعمل من الفسيخ شربات”

      فيا ترى أين ستقف المسيرة الهادفة ؟

      1. والله انك جاهل يا ماجد .لا تتحدث عن شي لا تعرف عنه ..مين قال ناس تقنية معلومات شغالين طباعة
        اعرف معني كلمة تقنية معلومات شنو وبعداك علق عليهم , ديل ناس مقدمين خدمة دعم فني كامل للحاسوب

        عالم وهم تزرع في الوهم…

        1. انا عارف
          يا استاذ
          بس اي شغل في الكمبيوتر بيشتغلوهو الهنود احسن من استاذهم القراهم
          واسع انتا لو في السعودية بجيب ليك دستة من الناس دي لو لقيت ليهم شغل غير الطباعة في المكتبات وكتابة الفواتير في المحلات تعال اديك حلاوة حربه يا بيبي
          شكلك دارس الدراسات الماسورة دي
          هههههههههههههه

      1. ليه حاقد
        انا فاكرني عاطل
        والله يشفقو
        دراسة ماسورة
        اسالني انا في سوق الخليج وعارف الوضع

  2. شتان ما بين إحتفال كفر الشيخ و جامعة السودان

    وخاصة الخريج رقم 2

  3. والله دا شي مؤسف . الواحد بدا يخاف لما يشوف حفلات التخرج علي اليوتيوب يخاف علي السودان.وبعدين حكاية الحنة للاولاد دي شنو ؟؟ والله الحنة في الراجل خياسة حتي لو عريس

  4. لو كنت مكان والد ذلك الشاب حالق الراس بالصورة الشيطانية لما تجرأت وحضرت حفلة التخرخ يخسي عليك يا ولد ويان خسارة بلد يكون مثل هؤلاء هم رجال مستقبلها

  5. نسبة كبيرة من الناس اصبحت انصرافية وفاقدة للهـوية وثقافة البوبار اصبحت مرتكزات اساسية وسلوكا تعويضيا لفقراء الشعب للاحساس بآدميتهـم مع اثرياء الانقاذ الجدد .اللهـم اصلح الحال والعباد والحكام.

  6. اف على شباب خضب انامله كالنساء . واف على شباب اصبح لا فرق بين احمد وشيماء .. اف على شباب تخرج ولم يحسن العلم ففرح بشهادة هي مجردو وريقة ملونة تزهو باسم وتفتقر لتحصيل العلماء ..
    اف لشباب اصبح يتراقص ويتمايل كما الحسناء ، واف لهم الف مرة حين قصو شعورهم قصة شنعاء ..
    نتبرأ من غابت الرجولة في مشيتهم وحديثهم لانهم في كل شيء قلدوا النساء ..

    1. أبدعـــــــت يا عزيزي واستاذنك للتنسيق

      أف علـــــــــــــــــــــــــــــــى شـــــــــــــــــــــــــــــــباب خضــــــــــــــــــــــب اناملـــــــــــــــــه كالنســـــــــــــــــاء
      وأف علــــــــــى شـــــــــــــــــــــــــــــــباب اصـــــــــــــبح لا فــــــــــرق بين احمـــــــــــــــــد وشيمـــــــــــــــــــاء
      أف على شباب تخرج ولم يحسن العلم ففرح بشهادة هي مجردو وريقة ملونة تزهو باسم وتفتقر لتحصيل العلماء
      أف لشـــــــــــــــــــــــــــــــــــــــــــــــباب اصــــــــــــــــــــــــبح يتراقــــــــــــــــــــص ويتمايل كمـــــا الحســــــــناء
      وأف لهـــــــــم الف مــــــــــــــــــــــــــــــــــــرة حين قصــــــــــوا شعورهــــــم قصــــــــــــــــــــــــة شنعـــــــــــــاء
      نتبرأ مــِــن مَــــن غـــــابت الرجــــولة في مشيتهم وحـــــديثهم لانهم في كــــل شـــــيء قـــــلدوا النســــــــاء

  7. هذه المذيع اهبل ولا يعرف ما يجر الويلات عليه وعلى الاعلامنم السوداني .. وكيف له يصرح بقوة داعش ويقول اوقفت هجماتها واطلاق الميران هل هذا تسويق لسطوة داعش ؟؟؟؟ غبي ..
    ومن ثم كيف له ان يجعل بنات لبنان وكانهن الذهب ويكن مضرب مثل وكان بنات السودان اقل منهن .. ومن هن بنات لبنان حتى يعظمن هكذا

  8. نقول ليهم مبروك التخرج لكن بعد خمس سنوات اذا لم تجد عمل داخل اوخارج السودان اوصي الشباب برفع قضية ضد الجامعات الخرجتهم.

  9. نقول ليهم مبروك التخرج لكن بعد خمس سنوات اذا لم تجد عمل داخل اوخارج السودان اوصي الشباب برفع قضية ضد الجامعات الخرجتهم. ……………….شباب فرحان بالتخرج انت مزعلك شنو عالم حاقده ……….. اي فرح احتمال يكون غالب الزي ديل مقبول مقبول عادات دخيله اسر مفككه منحله وهم الراجل ما يهاون بعرضه مفروض يكون في حسم رجولة نخوةافرح داخل بيتك العروس ما بيفعلوا فيها زي دا

  10. و الله قمة الإنحطاط من المذيع و تغذل فاضح رغم أن البنت ليست بالجمال الكبير و رقص لا يليق و الغريب أن واحدة منهن أغنية الظار
    و كلام فاضي الله يكون في عون السودان

  11. الحاصل شنو ياجماعة ماتفهمونا حاجة معقولة السودان أصبح كده

  12. مبروك (يم) و كل الخريجين .. و التخريج مناسبة عظيمة وحصاد سنين(خاصة من جامعة السودان) و يستحق الاحتفال،… و ربنا يوفقهم في مستقبل حياتهم العملية… بس حقو الناس تتحفظ شوية.
    المذيع بالغ .. وأخجل البنت .. و هي ذاتها ما أظن عايزة زول يشكرها بالصورة دي، لي درجة أن ينتزع قلوب كل الناس لتمشي عليها.. طيب لو اتخرجت أختها اللي مرافقاها دي كان ح يقول شنو !! … باختصار المذيع دا بيديها كم جردل موية لكل خريج !! مما يحرج الخريجين أنفسهم و يفسد بهجة المناسبة.
    بس الموضوع كلو بزنس .. لأنو هو بمثل شركة لتنظيم تخريج الطلاب ..

  13. تخرجوا من ماذا … وهل التخرج نهاية المطاف … والله غرائب اخر الزمان ان ينقلب التخرج … إلى هزه الفوضى ..زالتى لا تناسب الخريج الذى تسلح بالعلم والمعرفة … لبداية حياة جديدة … هل تكون هزه هى العتبة الاولى بعد التخرج .. هزا زمانك يا مهازل فامرحى … اين الادب والاخلاق وايون ثوب العلم والمعرفة …

  14. والله الواحد يضحك علي التصرفات ويبكي علي فرح الامهات
    لكن والله والله عيب
    الله يهدينا ويهديهم

  15. انحطاط اخلاقي ليس الا ..

    جامعات زمااااااان وجامعات اليوم .. فرق االنهار من الليل ..

    حتى شباب الامس بختلف عن شباب اليوم ..

    شباب الامس ابداع .. اما شباب اليوم خيابه و انحطاط اخلاقي ومخدرات … والود مابفرق من البت حاجة بل العكس البت في الزمن دا ارجل من الراجل ..

  16. اخرتكم سوداء
    عطاله و من ضل لى ضل و احتمال كبير ينتهى بيكم المطاف فى احضان البحر الابيض المتوسط فى رحله الهروب الى اوربا و الدول المتقدمه

  17. ماشاءالله التخريج الله يكتر من امثالهم بس موضوع الحنة دا ؟؟؟؟؟؟؟؟؟؟لأكن اصلا من فوق فاكة زي ماقال مجاهد وحدين حتى في الطباعة مابيشتغلو