منوعات

بالصور والفيديو..سوداني من موظف أمن بالإمارات إلى الرجل الأكثر أناقة في بطولة كأس دبي..شاهد ماذا قال عقب تتويجه باللقب؟


استضافت قناة العربية صباح الأربعاء السوداني نادر تيراب الذي يعمل موظف في شركة خدمة أمنية وجاءت استضافة تيراب بسبب لفته للأنظار بعد فوزه بلقب الرجل الأكثر أناقة في بطولة كأس دبي العالمية.

 

وتمكن نادر من تحقيق اللقب في البطولة التي شاركها فيها أكثر من 60 رجلاً من مختلف البلدان العربية والأجنبية.

سوداني من موظف أمن بالإمارات إلى الرجل الأكثر أناقة في بطولة كأس دبي

تيراب الذي حل ضيفاً علي قناة العربية كشف عن حبه للألوان, وذكر أن أصدقائه في السودان فخورين به بعد فوزه علي 60 شاب من مختلف الجنسيات.

سوداني من موظف أمن بالإمارات إلى الرجل الأكثر أناقة في بطولة كأس دبي

وأكد أنه استبعد فوزه باللقب خصوصاً وأنه أصلع مقارنة بالمشاركين معه من أصحاب الشعر, لكنه عاد وأكد أن قرر المشاركة لأنه لن يخسر شي إذا ما شارك.

سوداني من موظف أمن بالإمارات إلى الرجل الأكثر أناقة في بطولة كأس دبي

لمشاهدة الفيديو علي قناة فيديو النيلين أضغط هنا

 

ياسين الشيخ _ الخرطوم

 

النيلين


‫40 تعليقات

  1. كدة يا اخوانا السوداني الجد يشعر بالفخر من الموضوع دة يرفع يده.

    1. يا شباب الراجل بالفعل فيه نوع من الكاريزما اللطيفة

      وله برستيج وماهو سطحي …لأنه تناول الموضوع بنوع من الفهم العالي

      نقطة مظلمــــــــــــــــــــــــــــــــــــــــــــــــة :

      نحن يا السودانيين فينا شوية في حكاية اللبس بالنسبة للرجل ، ونحسها موضوع نسائي تماما

  2. و رب الكعبة حاولت اكتب تعليق ما لقيت كلام ينفع بتنشر ، المرارة و اتشالت ،، الصبر يا كريم

  3. عشان كدا يا اخوان كثير ما ننتقد بعض الاخوة في زيهم وطريقة لبسهم بهدلة وعدم نظام تلاقي الواحد في السوق او في مول بعراقي وشبشي او بنظلون من بلد والقميص من بلد والمصيبة مرات تلاقي الواحد منصبه كبير

  4. هههههه هسي ده لبس شنو يا ساتر
    بدلة صفراء!
    الاخ فلاتي؟

    1. خلى الحسد يا ابا القنفد ومثل ما قالوا الما بتلحقو جدعو

  5. كل من يفتخر بسودانيته سينجح

    وكل من يستحي منها سيفشل ويقبع اخر الصف

    اللون ليس مشكلة

    افتكر دا درس لكل زي عقدة من لون السودانييين

    وعلي من اوجعوا دماغنا بالعنصرية البغيضة والفتنة بان السودانيين ليسو عرب

    اقول لهم السودانيين سودانيين امثال نادر لايلتفتون الي اللون ويجعلونه عقدة وحياء بل يؤمنون بمواهبهم وانهم لايقلون عن الاخرين في شئ

    فوز نادر وفي دولة عربية القم اصحاب الفتنة حجرا وسقاهم حنظل

    برااااااااااااافو نادر

    1. شكرا” لك لنظرتك الايجابية للأمور ,
      للأسف و نتيجة لظروفنا السيئة اصبحنا لا ننظر الى للنصف الفارغ من الكوب, يا جماعة كونوا أسم السودان يرتبط بشئ جميل حتى لو انتوا ما مقتنعين بيه دي حاجة كويسة و الدليل اسألوا اي اجنبي لما يذكر أسم السودان اول حاجة حا تخطر على بالهم شنو ؟
      حا يقولوا ليك مجاعة 84 و السيول و الفيضانات 88 و الحرب في الجنوب و دارفور لامن بقى العالم ينظر لينا كعاهات و اشرار ….
      انا شخصيا” بفتكر انو انيق بالرغم من انو ما ممكن البس بدلة صفراء و علينا ان نتذكر السودانيين البنلاقيهم في المطارات و لابسين جلاليب وسخانة و سفنجات و عمم مكرفسة و نقارن ايهم افضل !!!

      و شكرا” .

    2. شكرا” لك لنظرتك الايجابية للأمور ,
      للأسف و نتيجة لظروفنا السيئة اصبحنا لا ننظر الى للنصف الفارغ من الكوب, يا جماعة كونوا أسم السودان يرتبط بشئ جميل حتى لو انتوا ما مقتنعين بيه دي حاجة كويسة و الدليل اسألوا اي اجنبي لما يذكر أسم السودان اول حاجة حا تخطر على بالهم شنو ؟
      حا يقولوا ليك مجاعة 84 و السيول و الفيضانات 88 و الحرب في الجنوب و دارفور لامن بقى العالم ينظر لينا كعاهات و اشرار ….
      انا شخصيا” بفتكر انو انيق بالرغم من انو ما ممكن البس بدلة صفراء و علينا ان نتذكر السودانيين البنلاقيهم في المطارات و لابسين جلاليب وسخانة و سفنجات و عمم مكرفسة و نقارن ايهم افضل !!!

      و شكرا” .

  6. أول حاجة لون القميص والأكمام ما ملائمة مع اللبسة ، يعنى اللون الأبيض شاذ مع اللبسة دي … دقسة زي دي مفروض تجيبوا تاني الطيش. بعدين الشرائط دي خلتو زي لبس فرق الموسيقى العسكرية … حب الناس مذاهب

    1. وبعدين اهم الخطين القاعدين في الكم ديل هههههههههههههههههههههههه

  7. الخطين دي رتبه
    اسمها انيق
    انيق غصبا عنكم وعن ابوكم وابو الخلفوكم للناس
    البتسيئ وتنتقد وتضحك في اخيها الذي يشبهها
    ياجهويين ياقبليين يااميين ياناقصين يامتخلفين
    ما انت بتضحك في نفسك اهو لونك وشعرك
    كلنا سودانيين ونفتخر بلونا وشعرنا او بالاحر
    نفتخر بزنجيتنا..

    1. سوداني الكلام عن العصبية والقبلية ياهو المرجعنا ورا الناس البتنظر في اللبس مافي مشكلة ، لكن تخش في انها تقلل من شأن الاخرين وتنعتهم بنعوت قبيحة ذميمة ده بوريك سطحية جهل بعض الناس البتحاول انها تبخس قدر الاخرين، ونقول ليهم:
      كم هزا فرعك من قزما يطاوله،،،،،، فما انكسرت ولم تقصر ولم يطل.

    2. **** نفتخر بزنجيتنا ****
      ==================

      كلام جميل و يا ريت يحصل ياخ …

      بس المشكلة انتو لا عايزين تفتخروا بزنجيتكم، و لو في أي واحد تاني افتخر بي قبيلته تقيفوا ليهو في حلقو !! أرسوا ليكم علي بر .

    3. انت يا زول غبي ؟؟؟
      اول شي كان موجه كلامك لي اقراهو كويس ولو ما فهمتو ما ذنبي انك عايش جوة عقد وبتفهم اي شي غلط
      ثانيا اذا في ناس انتقدت الزول ده انت مالك ومالهم ما ينتقدوا .. زولك ده شخص منزل من السماء ولا نبي ولا هو عالم .. زول دخل مسابقة اناقة .. ناس بتفقوا معاه ذوقيا وناس بختلفوا معاه
      وانا عن نفسي علقت عن كونه ظريق لكن كونك غبي ما بتفهم دي حاجة راجعة ليك ولتفكيرك السئ وغباءك اللامحدود
      اصلا في بشر مليانين عقد واحقاد واي شي يشوفوهو عنصرية .. دي نتاج عقدة نقص جواك امشي شوف ليك طبيب نفسي ولا اي مصيبة زمان تعالجك .. انا عن نفسي تعبت من النوعية المتخلفة دي

  8. بدلة زي لبس فرق الموسيقى العسكرية .. و الياقة (الكولا) و الأكمام البيضاء ديل فظيعات (أديييل) كدا، أنا (العنقالي) دا ما بلسهم، لأنو ما ملائمات. مفروض يكونوا (بيج)…
    وشرائط البدلة و البنطلون رهييييييييبة !

    غايتو مني أنا تلاتة من عشرة !!!

    و حب الناس مذاهب، عشان ما نظلم الشاب و المنظمين ,

  9. ياخ انت فعلا عنقالي ساكت هو التقييم بطريقتك التقليدية دي الاستايل ما لللبس هو للشو او العرض فقط بعدين الاناقة في الترتيب

    1. يا (محمد يس) يا خوي ما تاكلنا حنك ساكت، و تعملها لينا (شو) و (استايل).
      القميص بتاع الزول دا ما مناسب مع لون البدلة و البنطلون، يعنى (not matching)، لون قميص زي دا، ممكن يناسب بدلة سوداء، رمادية، كحلية… و ال colors matching هو من ابجديات الاناقة الذي يراعيه حتى مرتادو صالات الأفراح في الخرطوم، ناهيك عن متسابقو الاناقة في دبي. ودي حاجة ما دايرة غلاط .. حتى لو لجنة التحكيم كانت مكونة من ايف سان لوران و فرشساتي و توم كروز. نحن عنقالة بس الحد الأدني موجود.

  10. فالبعض امرهم عجيب فإن خسر سوف تقولون هو الودا هناك شنو وحينما يكون الفوز يكثر التنظير يعني الناس الإخترو ماخريجين بيطرة يعني ناس خبيرة في عالم الموضة نقول للفائز الف مبروك بغض النظر عن الجائزة

  11. دي أناقة واللا مياعة و … قال أنيق قال …. أين الأناقة في هذا ؟

  12. حرم علاقته مع الاناقة زي علاقة حبوبتي مع الجلاكسي
    الشنطة شنو ؟

    1. هو مرتاح كده

      مااتكلف واتصنع وقلد لبس زول معين

      هو شايف انو كده مناسب جدا مع زوقو

      بعدين حتي رفعتو لي الشنطة دي طريقتو

      اختار يكون متفرد

      بما انك تنتقد الشنطة لو كانت الشنطة من متطلبات المسابقة ويشترط رفعها لرفعتها انت مثل البنات

      كفو عن النقد
      تدعمون الفاشل وتنتقدون الناجح

      الراجل حتي في شيلة الشنطة اتصرف ببداهة السوداني كما يحمل الكيس بالعكاز وحتي عندما وقعت تصرف بكل ثبات ولم يتوتر

      نادر فخر للسودانيين في كل مكان

      —————-
      لجنة التحكيم هذه المسابقة نزيهة وغير معقدة وذكرتي بقصة السوداني في مسابقة امير الشعراء حينما طلبو منه ان يرجع العصا قبل ان يبدا القاء قصيدته وهي تنم عن عقدة اللجنة حتي من التراث العربي والسوداني عندما تكون علي هناك مسابقات عالمية

      اعجبتني جدا اللفتة البارعة لنادر وتوصيله معلومة ان العصا لاتدل علي ان السوداني متخلف ومبتدي ولاتقلل من قدره حينما تكون نظرة اللجنة ليست فيها اي عنصرية وانا اقول انو لو في مسابقة امير الشعراء شاركت اجنبية ومعها قطة او كلب لم ينتقدها احد من حكام اللجنة ولكن مثل تعليقاتكم السالبة تساعد اي عربي او غير عربي بالاستهزاء بالسودانيين

  13. هو مرتاح كده

    مااتكلف واتصنع وقلد لبس زول معين

    هو شايف انو كده مناسب جدا مع زوقو

    بعدين حتي رفعتو لي الشنطة دي طريقتو

    اختار يكون متفرد

    بما انك تنتقد الشنطة لو كانت الشنطة من متطلبات المسابقة ويشترط رفعها لرفعتها انت مثل البنات

    كفو عن النقد
    تدعمون الفاشل وتنتقدون الناجح

    الراجل حتي في شيلة الشنطة اتصرف ببداهة السوداني كما يحمل الكيس بالعكاز وحتي عندما وقعت تصرف بكل ثبات ولم يتوتر

    نادر فخر للسودانيين في كل مكان

    —————-
    لجنة التحكيم هذه المسابقة نزيهة وغير معقدة وذكرتي بقصة السوداني في مسابقة امير الشعراء حينما طلبو منه ان يرجع العصا قبل ان يبدا القاء قصيدته وهي تنم عن عقدة اللجنة حتي من التراث العربي والسوداني عندما تكون علي هناك مسابقات عالمية

    اعجبتني جدا اللفتة البارعة لنادر وتوصيله معلومة ان العصا لاتدل علي ان السوداني متخلف ومبتدي ولاتقلل من قدره حينما تكون نظرة اللجنة ليست فيها اي عنصرية وانا اقول انو لو في مسابقة امير الشعراء شاركت اجنبية ومعها قطة او كلب لم ينتقدها احد من حكام اللجنة ولكن مثل تعليقاتكم السالبة تساعد اي عربي او غير عربي بالاستهزاء بالسودانيين .

  14. للحقيقة الزول دا انيق حتي لو لبس مرقع لسبب واحد انو لبسو للمرقع بختلف عن لبس باقي الناس كان سودانيين او غير سودانيين والسبب الاخر انه ليست لديه عقدة نقص والسبب الثالث انه يثق في نفسه وموهبته ويعتز بسودانيته

  15. بما انو الموضوع عصري وماادراك ماعصري في زماننا هذا فهو ادخل العامية السودانية والثقافة السودانية من اوسع الابواب

    واتحدي اي واحد منتقد يجلس امام شاشه عالمية ويتكلم بعامية سوداني “شفتك يامنقة” ويوصلها بطريقة رائعة الي العالم

    هذا الشخص ناجح ومواهبه تؤهله للعمل اعلي من موظف امن

    وهذه المسابقة فاتحة خير عليه وقريبا سيلقي حظه في اوسع شركات تصميم الازياء والديكور

    ادعو له بدلا من هذا الاحباظ

  16. الناس البتعلق على الزول دا تعليق سالب ، ياخي الزول دا انيق او لبيس ، والله شفت واحد في مطار دبي شرط عيونا لابس بدله شكل او بنطلون شكل مع جزمه اسبورت كبك .

  17. ههههه برافو نادر والله انا امنت بحقد السودانين لا حوولا ؟ لاحظت كتتار معلقين بقولو اللون الاصفر ؟ وفى بعض بقولو ما انيف ؟ خشوو صفحتو فى الانستقرام واتفرجو عشان تغهمو حااجة والله ممثلين عالمين مابلبسو زيو .. اما حكاية البدلة الصفرا دى اختيار زكى للتفرد منو بخصوص المنافسة وهو قال ما بحب يقلد زول .. اما الناس اليعرفوو نادر ما بلبس البدلة مرتين وبهتم بالتفاصيل بدقة .. بس اى واحد حااقد او جااهل بابجديات الاناقة يخش انستقرام بتاع نادر .. وتاانى حاجة الناس البنتقدو ديل ما اظن انتو بتفهمو اكتر من لجنة المسابقة دى ناس متخصصين فى الاناقة والموضة يعنى ناس خبراء ومحترفين مش ناس جابوهم من سووف الملجة زى احد المعلقين الجهلاء .. حتى ما بعرف معنى الالوان ..

  18. الراجل ما شاء الله. ثقافة و فهم و تحضر و اناقة. ربنا يوفقك با نادر