منوعات

بالفيديو.. النائب البرلماني السوداني صاحب البيت الأبيض بكافوري يتحدث عن سر بناء البيت الذي أثار ضجة واسعة وأصبح قبلة لمن لم يشاهد البيت الأبيض الأمريكي


قدمت قناة الحرة تقريراً مفصلاً عن البيت الأبيض السوداني الذي يمتلكه النائب البرلماني أبو القاسم برطم, البيت الذي أطلق عليه اسم اوباما هاوس أثار ضجة كبيرة داخل مواقع التواصل السودانية.

البيت الذي شيد في مساحة 5 ألاف متر مربع بضاحية كافوري احد أشهر الأحياء بمدينة بحري السودانية يشمل بداخله قاعات فخمة وصالات رياضية وغيرها.

أبو القاسم برطم قال عن بيته: أنه يحب البيوت الكلاسيكية كما أن ترمز للبيت الأبيض, وذكر أن القصة لم تأتي متعمدة لكن عندما جاءت هكذا فإنه معجب بها.

لمشاهدة الفيديو علي قناة فيديو النيلين أضغط هنا

محمد عثمان _ الخرطوم

 

النيلين


‫13 تعليقات

  1. والله يا برطم انا ما حاسد وبقول ليك ربنا ازيدك واوفقك لكن والله اول كتاحه وتجى وراها مطره بيتك الأبيض ببقى البيت الاغبش وبدل اوباما هاوس الناس حيسمو برطم هاوس

  2. اهانة للبيض الأبيض الحقيقي. بلد منهارة بالفقر والفساد الاداري والاخلاقي والكل ينهب الكل الحكومة تنهب المواطن والتاجر الفاسد ينهب خيرات البلد عن طريق رشي الحكومة وانتشار الحركات المسلحة في وتكدس البشر في الوظائف الحكومية وأخذ رواتب من غير مقابل سوى شرب الشاي ونقل الشمارات. بعد كل هذا يأجيك زي المخبول ده السارق قروش الدولة تحت مسمى (تاجر) ويقول ليك بيت ابيض وبيت اسود وهو اسمو كويس ما بكتب

  3. السلام عليكم،،، ما شاء الله بيت جميل ،،، ربنا يجعله عامر بالخير ويحفظ أهله،،،
    بس عندنا سؤال ،،، مع التحية،،، للمحرر محمد عثمان،،، خلوك تخش جوة حوش البيت بالركشة،،، وللا وقفتها برة حيطة الشارع؟؟؟؟

  4. الله يرزقه ويرزقنا اسأل الله الكريم ورب العرش العظيم ان يهنئه فى داره وان يجعله دارا عامرا ماشاء الله ونبارك الله

  5. من منكم سمع بالمدعو برطم هذا من سنوات؟

    من اين له هذه الاموال؟

    هل يدفع برطم ضرائب وجمارك وجبايات؟

    كم يبلغ راب برطم شهريا

    اين مكافحة الفساد من برطم

    يابرطمانية لو قروشك وحلالك ماكان عملت بيها كدا والناس في ضواحي الخرطوم ملاقية ماوي ووجبة تسد رمقها

  6. اكتر مايغيظ في الموضوع انو بتفلسف

    دايرين صحفي يقعد لينا مع الزول دا ويورينا القروش دي جابا كيف

    الا يكون صاحب حاويات المخدرات

  7. البرلمان السوداني يجيز قانون مفوضية مكافحة الفساد وسط ملاسنات وجدل محتدم

    و حذر النائب المستقل ابوالقاسم برطم من استخدام قانون مكافحة الفساد لتصفية الخصومة السياسية

  8. وزير العدل: “سنحقق في أي قضية فساد حتى لو تمت تبرئة المتهمين فيها”

    وتعهد وزير العدل في مداخلة بالبرلمان الذي أجاز مشروع قانون مفوضية مكافحة الفساد في مرحلة السمات العامة، أمس، بفتح التحقيق في أي قضية فساد وإن تمت تبرئة المتهمين فيها والدفع بها للقضاء، وأيد العضو أبو القاسم برطم القانون من حيث المبدأ، لكنه تساءل “هل سيطبق في ظل حكومة يسيطر عليها حزب واحد”، وأضاف “لو طبقت القوانين الحالية بصورة عادلة لن نحتاج إلى مفوضية مكافحة الفساد” وزاد ” الفساد في البلد واضح وما داير دليل”.

  9. وشكك المستقل “أبو القاسم برطم” في حيادية تطبيق القانون في ظل حكم الحزب الواحد

  10. يا جماعة محمد عثمان يكمل الموضوع للنهاية لازم يركب ركشتو ويمشي يعرف لينا برطم ده جاب القروش دي من وين

  11. شكلة برطم دة هيكون رئيس السودان القادم والحمد للة البيت الأبيض جاهز وما في قصر جمهوري تاني أو يبقي يبيع القصر الجمهوري ويعملة برج الفاتح ٢
    الفساد خلاص عدة حدة وبقينا نعمل بيوت بمساحة 5 ألف متر وناس ما لاقية متر واحد وياما جاري في الدنيا يأما جاري