زواج سوداناس

حكاية بائع النعناع تثير اعجاب مجموعة (احترس .. امامك كشة)



شارك الموضوع :

(بعيدا عن كشات المرور موقف مر بي اليوم، كنت قاعد مع صديق في مكتبه في اركويت في اشد أوقات الحر بعد الظهر جا داخل عمك ستيني شايل كيس وقعد في الكرسي وقال لينا والله حر عجيب عمك برد شويه كدا انا قايله داير يشحد لكن عمك فتح كيسو وطلع لينا نعناع).

هكذا بدأ مجدي محمد مجدي‎ عضو مجموعة (احترس .. امامك كشة) على فيسبوك بقص حكاية بائع النعناع وأضاف مجدي (كل النعناع الفي الكيس لا تتجاوز قيمته عشرين جنيه).

صاحبي قال ليه داير بألفين جنيه، انا طوالي قلت لي اديني بي خمسة جنيه ماسمعني كويس اداني بي الفين طلعت عشرة اديتها ليهو قال لي دا بالفين قلت ليه كويس داير يعطيني الباقي قلت ليهو خلي معاك ياحاج قال لي عفيته لي كررها لي تلاتة مرات قلت ليهو نعم دعا لي كتير وطلع علي الحر تاني.

وأضاف مجدي (طلعت وراه والله ماقادر امشي وقف محل صعود بعدينا طوالي سئت الظن قلت عمك دا طوالي داير اكملها في الصعود عمك وقف وبطلع في القروش بالله لمن طلع قريب ثلاثة جنيه اداها لي شحادة قاعدة بالقرب من محل الصعود).

وأضاف مجدي بحسي ما قرأ محرر النيلين تدوينته (انا والله راسي لفه سبحان الله طوالي لحقته وناديته واتعرفت علي اسمه واستاذنت منو صورة وطلبت منه رقم تلفون قلت ليه عندي شباب ظريفين دايرين يساعدوك انتو طبعا قال لي ماحصل استعملت تلفون بي كل براءه عشان نقدر نتبرع ليهو للاسف طلع ماعنده بس اسمه بابكر عبدالله عبدالقادر وساكن طيبه الحسناب بس قال بجي ماري اي يوم تاني سبحان الله شوف العفه دي كيف بس نقول ربنا يرزقه ويفتحها عليه).

وجدت قصة بائع النعناع في شوارع الخرطوم وموقفه الذي حكاه مجدي إعجاب روداد التواصل الإجتماعي خصوصاً في مجموعة (احترس .. امامك كشة).

محمد عثمان_النيلين

شارك الموضوع :

تعليقات الفيسبوك

تعليقات


1 التعليقات

      1. 1
        ساخرون

        ربما هو من الذين عناهم المصطفى ” صلى الله عليه وسلم ”

        إن الله يحب الأتقياء الأخفياء الأثرياء ، الذين إذا غابوا لم يفتقدوا ، وإذا حضروا لم يعرفوا ، قلوبهم مصابيح الهدى ، ينجون من كل غبراء مظلمة ” .

        ” إن من ملوك الجنة من هو أشعث أغبر ذو طمرين لا يؤبه له ، الذين إذا استأذنوا على الأمراء لم يؤذن لهم ، وإذا خطبوا النساء لم

        ينكحوا ، وإذا قالوا لم ينصت لهم ، حوائج أحدهم تتجلجل في صدره ، لو قسم نوره يوم القيامة بين الناس لوسعهم ” .

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *