بالصور.. رئيس الإتحاد السوداني لكرة القدم يتسابق كالمشجعين لالتقاط صور مع رونالدو وبنزيمة ويتجاهل لاعبي منتخبه
امتلأت صفحات مواقع التواصل الاجتماعي السودانية بصور لرئيس إتحاد الكرة ببلادهم الدكتور معتصم جعفر تظهره وهو مع ثنائي ريال مدريد الإسباني البرتغالي كرستيانو رونالدو والفرنسي كريم بنزيمة.
ووجه رواد مواقع التواصل الاجتماعي الذين تداولوا الصور انتقادات كبيرة لرئيس الإتحاد, وأكدوا أن معتصم يتسابق لالتقاط الصور مع لاعبي ريال مدريد كالمشجع, بينما يتجاهل لاعبو منتخبه السوداني الذين لم يشاهدوه منذ فترة طويلة علي حد تعبيرهم.
الصحفي حسام حيدر كان من ضمن الذين انتقدوا رئيس الاتحاد السوداني بسبب صوره مع ثنائي الملكي, وكتب حسام علي صفحته الرسمية عبر موقع التواصل الاجتماعي فيسبوك ما يلي: ” رئيس إتحاد كرة القدم السودانيّ يتسابق كالمشجعين لالتقاط الصور مع لاعبيّ ريال مدريد ،بينما لاعبو منتخبه لم يتشرفوا برؤيتهِ منذ فترةٍ ليست بالقصيرة” .
ياسين الشيخ _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
دا واحد وهم فرحان بس تلقي اقول دي
فرصة تاني مابتجي احسن اشيل صورة
مع الجماعة ديل قبل انتهاء فترة الاتحاد
الله يستر ماعلقه علي الحيطة في البيت
كل صباح اجي اشوف الصور يكون
فخور به اجيب الاصحاب في البيت تاني
متحف صور اجيب غفير في الباب النظرة
عشرون جنيه دخل تمام يازول خاف الله
في المنتخب البقي فضيحة داخل الوطن وخارج الوطن
هو بدل ما يتصور مع رئيس الاتحاد الاسباني ويتباحث معاه في سبل تطوير اللعبة في السودان يتصور مع واحد نصف راجل والثاني تطارده الفضائح مع منتخب بلاده .
أصلا نحنا السودانيين لا بعجبنا العجب ولا الصيام في رجب فالحين في الانتقاد ليس الا
عالم وهم
الصور فوتوشوب ياجماعة
سيبوا الحقد والنظريات الدنونية أيها الجهالة فقط موضوع هايف زيكم شوفوا التخلف والهل والفقر نحن شعب القيل والقال بس
قمة التواضع ، ماذا تعنى الصورة لك يا دكتور ،، كان الله فى عون السودان فى امثال هؤلاء ، نسى نفسه انه يمثل واجهة وطن ، نسى نفسه وحسب فقط مصلحته الشخصية ، كما هو الحال يعمل فى منصبه ليست لمصلحة من اختاروه لخدمته ،، نسى كل شى وما يهمه هو نفسه ،، لك الله يا وطن ،، امثال هؤلاء والله لا شبهون هذه المواقع ،، عليهم ان يشترو تذاكر مثل هذه المباريات من حسابهم الخاص ، وليفعلوا ما ارادو ،،،،
استغفر الله العظيم بس عاوز رد ومبرر يقنعني العيب والمشكلة في الصور ليه لمن شخص يراد انهاء خدماته يرمى في الزبالة ليه الحقد والله سبب بلاوي الوطن دا هو تصرف الناس الغير اخلاقي عيب والله عيب ورب الكعبة لا علاقة لي لا معرفة ولا قرابة ولا حتى ساكن وين م بعرفه الدكتور دا لكن ارجو القيم والاخلاق والبعد عن زرع الاحقاد في قلوب المثقفين اخطر حاجة زرع الحقد في قلب المثقف خطر على الوطن
طيب اشرف الكاردينال دا دكتور قرا وين بس صاحب القروش يكون بروف وكلامه مسموع ومحروس صحفيين يتم تاجيرهم بالمقال اكتب هاك حقك 500 جنيه
أصلا هو ديك و تور
المشكل وين في الصور دي ، اهتمامكم بي الكلام الفارغ دا الجايبكم لي ورا ، بدل لانتقاد والكلام الفرغ امشي امسك الاتحاد دا ولا شارك ليك في حاج تنفع بيها ولا اتبرع ليك بي جنيه ، نحنا فالحين في الكلام بس دايرين اي حاجة جاهزة ما دايرين نتعب ، التغير اللي الناس دايراهو دا ما بجي براهو بنعملو نحنا لاكين للاسف ما شكلو حنمشي لي قدام ونحنا بنهتما في الكلام افارغ