بالصور.. شركة جياد للسيارات تفاجئ الشيخ السوداني محمد أحمد حسن وتكرمه بسيارة هيوانداي موديل 2016
فاجأت شركة جياد للسيارات بالسودان مساء الخميس الشيخ والداعية المعروف محمد أحمد حسن بتكريمه بسيارة هيونداي i20 وذلك من خلال احتفالية أقامتها الشركة بفندق السلام روتانا.
الشيخ مقدم برنامج فتاوى لم يكن يعلم بتكريمه حيث قدمت له الشركة التي قامت بتجهيز السيارة من تأمين وترخيص الدعوة لحضور برنامج متعلق بالزبائن والمتعاملين ولم يتم إعلامه بالمفاجأة إلا لحظة التكريم.
وكانت المفاجأة مفرحة له وللحاضرين الذين أشادوا بالشركة وبالمبادرة المجتمعية الرائعة.
وبحسب رصد محرر موقع النيلين فقد تم تسليم الشيخ السيارة التي تم تزينها له ومعها شهادة البحث الخاصة بها كما ظهر فضيلة الشيخ في إحدى الصور وهو داخل السيارة الجديدة.
ياسين الشيخ _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
و الله يا ناس . . أنا سنة 2005 – 2006 زمن الامجادات , مرة ركب معانا الامجاد من محطة البيبسي . .
انا كنت قايلوا عربيتو متعطلة . . .
لكن بعد الخبر دا . . يبدوا إنو مولانا دا زااااااااااااهد بالجد في الدنيا دي . . .
معناها فعلا ما كان عندو عربية من وكت ركب معانا الامجاد . . .
الله يوفقك يا شيخ
( و من يتق الله يجعل له مخرجا و يرزقه من حيث لا يحتسب )
جزاء الله شركة جياد خير الجزاء تكريم مستحق وصادف اهله ربنا يديهوا خيرها ويكفيهوا شرها وربنا يمتعه بالصحة والعافية يارب ، رجل تعجز الكلمات عن وصفه وعالم جليل له مكانة وحب في قلوب الجميع .
والله تكريم صادف أهله .مولانا يستاهل كل خير
شركة جياد شركة مملوكه للدوله يعني ملك للشعب كله فمتي استشير الشعب في هذا الامر؟ ارجو من الشيخ ان يحلل هذه العربيه جزاه الله خير
ناس المرور الرخصه دى طوالى بعملوها كده
يعنى صعب تنظبط الكتابه اى حاجه فى مكانا
العشوائيه دى متين نخليها
لو واحد اجنبي اخد الرخصه دى على طول بيدى درجة صفر للبلد كلها
اكيد مدير المرور بيكون شاف الرخصه دى وتعليقو ياخ مشى مافى مشكله
ان تأتي متأخراً خيراً من أن لا تأتي
فالشيخ محمد حسن يستاهل اكثر من هذا ورجال الدين بصفة عامة شبه مهمشين الي من هم اعوان السلطة فنجدهم يعيشون في النعيم
مبروك يا شيخ محمد تستاهل كل خير لأنك عايش شريف وعفيف
الوفاء لأهل العطاء جزاكم الله خيرا
هم ديل الناس البيستحقو التكريم فعلا ولفته جميلة من شركة جياد ويا ريت الحكومة عموما تهتم بالعلماء والمشايخ
يستاهل الشيخ الوفاء لأهل العطاء
نعم الشيخ يستحق التكريم .. وهو الذى افنى عمره كله فى خدمة الدعوة ولم يعمل لدنيا واذكر ايام الجامعة اتفقنا معه لعمل محاضرة وجئنا اليه بتاكسى لانه ليست لديه سيارة .. ونشكر شركة جياد على هذا التكريم الذى صادف اهله ..
تكريم صادف أهله ربنا يزيدكم فى فعل الخير
شعب تعبان وتعاليق تمغص
الشيخ شغال بمرتب والكل عارف يعني زي اي موظف دوله
تانيا العمل الدعوي لله نسيتوا الكلام ده
فعلا ده مال الشعب كله مش مال الحكومه
والشيخ نفسه لو كان داعي بحق وحقيقه ليه ما يحول العربيه دي
للمزاد العلني سريع ويقول الغيمة بتاعة العربيه دي
بعد شكركم ياناس جياد لكن انا حاهديها للمرضي في المستشفيات
من سكري لفشل كلوي الهو غسيل او لمرضي السرطان او المشردين
او للايتام او لاطفال دار المايقوما او المحتاجين البشحدوا قدام المساجد وهو شايفهم كل يوم
لو هو بيصلي في المسجد والا يكون بيصلي في بيته
ياخي يركب مواصلات زي اي معلم العيب شنو يركب عربيه عاديه يركب اجره ليه لا
القيمة وليست الغيمة، عفواً مجرد تصحيح لاغير.
هؤلاء من يستحقون التكريم والشكر والتقدير
يا ود النيل يا تمساح بان تعليقك خالف الجماعة اذن انت ليس على حق و الشيخ يستحق العربية و الله عيب على الدولة ان تترك رجل بهذه القامة يشحطط فى المواصلات . تكريم صادف اهله و ربنا يديه خيرها و يكفيه شرها .
اعتزر الرئيس الامريكى لطفل سودانى اى قيمه كبنى ادم ما العيب فى هذه الهدية لشخص يستمع له ملايين الناس ويعلم ويربى
والمعلمون الاخرون يجنون ملايين الجنيهات من المدارس الخاصة لا ار اى قضاضة فى هذه الهدية اذا صادق عليها مدير الشركة
اذا بهذا الفهم يجب على الفرد عدم دفع فاتورة الكهرباء لانها مولدة من الماء والماء لكل الشعب السودانى
يا ود النيل تمساح اتقي الله الزول كبر واصبح ليس بالقوة التي كان يعافر بيها في المواصلات ذي زمان.وا فند عمرة كلة في كلام الله و رسولة الا يستحق ابسط شئ في اواخر ايامو يخي اتق الله الناس دي كلها باركت الشئ دا الا انت بس تعليقك دا مشاتر و الله انا من شمال كرفان لكن هدا الشيخ احبة في الله بطريقة توصيلة للفهم وربنا يجذية اكثر واكثر وهذا ابسط شئ عربية. عينك ما شافت الشيوخ التانية راكبة شنو. اسالك باللة عاين عاين لشيوخ الكيزان وشوفهم والنعيم ومال الدولة اللي انت بتتكلم عنة هههههه الاختشو ماتوووووووو زماااااااااان.الا جات علي المسيكين دا.
مبروووووووك للشيخ الجليل محمداحمد حسن
وشكرا