أبرز العناوينمنوعات

شيخ الامين يهاجر نهائيا الي هولندا


كشف شيخ الأمين عمر الامين في إتصال هاتفي مع صحيفة الوطن السودانية من مقر إقامته بهولندا أنه قرر الهجرة نهائياً والإقامة في أوربا وقال في حديثه للصحيفة (الدعوة الإسلامية غير مربوطة بمكان محدد وأن النبي صلى الله عليه وسلم عندما تعرض لمضايقات في مكة هاجر الى يثرب لذلك أنا قررت وبعد تفكير طويل الإقامة في هولندا لأنني وجدت حرية إقامة الذكر ودروس العلم ونشر الدعوة دون التعرض لمضايقات عكس ما وجدته من تجميد لنشاط مسيدي الديني ببلدي وهي الحالة الأولى التي يواجهها مسيد في السودان.

وأضاف شيخ الامين بحسب ما قرأ محرر موقع النيلين في صحيفة الوطن(سوف أعود الى السودان لتصفية جميع ممتلكاتي ووداع الفقراء والمريدين ولن أستكين في أداء رسالتي في إرشاد الشباب).

وختم شيخ الامين قوله ب(وسوف تصفو الليالي من بعد كدرتها وكل دور اذا ما تم منقلب).

الخرطوم/معتصم السر/النيلين


‫58 تعليقات

  1. سبحان الله سبحان الله سبحان الله

    الحمد لله الحمد لله …. إنت غادر بس … والله ما عايزين منك أي شيء … ولا نافع البلد بأي شي …. غادر وبس … الله يعدل عليك ودي البلاد اللي إنت بتنفع معاك ….

    لكن تشبه هجرتك إليها بهجرة الرسول صلى الله عليه وسلم … ؟؟؟ لا لا خليك في حالك …

    1. لكن المريدين ما أكلوا برسيم

      تركتهم وسيتيهون في الأرض ….ولسان حالهم يقول :

      والبلد بعدك كوم رماد

      1. بل لسان حال المريدين يقول: ( البلد والدجل من بعدك سراب ما انت رحت وحتطول الغياب )

        1. بل لسان حالهم يقول :
          اشكو ليك ياربي من حبيبي الظالم الاترسم في قلبي

    2. يعني حتبقى لاجئ ولا شنو؟؟
      بعدين جملتك الأخيرة دي شامي فيها ريحة تهديد كدة: وختم شيخ الامين قوله ب(وسوف تصفو الليالي من بعد كدرتها وكل دور اذا ما تم منقلب) يعني جايينا رئيس جمهورية ولا شنو؟؟

  2. مع السلامة والقلب مرتاح….كمان البنقو حلال في هولندا وقانوني و الويسكي والحنة والنسوان راااااقدين………يلا ورينا شطارتك معاهم

  3. والله خير ما فعلت فطر عجيب يودي مايجيب قال دعوة دعوة شنو هو انت كﻻم ما بتعرف تتكلم فال شيخ ههههه

  4. اقرأ ما قاله الرسول صلى الله عليه وسلم في الاقامة بين ظهراني الكفار يا شيييييييييييييييييييييييييخ ثم قارن هجرتك بهجرته صلى الله عليه وسلم حيث لا مقارنة

  5. اصلا انت لو كنت داعية حقيقي وفيك خير – ما كان حاربك المسلمين ولا اخذاك الله – ولكنك والعياذ بالله داعية ضلال ودجل و مسخرة – وان شاء الله ماترجع السودان تاني وشيل حيرانك معاكل والله يكفينا شرك وشر دعوتك ولا بارك الله فيك – والحمد لله الذي خلصنا منك

  6. مرات ناس النيلين بيتحفونا بأخبار تسر القلب و تشرح النفس و ياداب سوف تصفو ليالي بلدنا بعد كدرتها
    و عقبال البقيه كمان من شاكلته

  7. الحمد لله فقد هاجر ابليس أخيراً إلى أرض الكفر والشرك حيث الحشيش والخمر مباح والنسوان المنتظرات الحنة راقدات هبطرش

  8. مع السلامة يا خوي والقلب يدعيلك ، بس ما تنسى تخم معاك الوسخ بتاعك من جكس وجكسيات وعطالة

  9. يا ناقضا للعهود والمواثيق يا خائنا لجكاسيه ( جمع جكس ) ماذا تفعل سوسو ونونو وحماده ومتعاطى الببسى ( المحاية المودرن ) اتتركهم تتناوشهم سهام معارضيك بالسودان وهم لا حيلة لهم ولا ( بصيرة ) ام سترسل لهم فيز لللحاق بك ( ان اقدمت لهذه الخطوة فيا بختهم لان ( المحاية ) الهولندية (بيور ) وسكى ووووسيبك من السودان المتخلف دا ……. يقول المرحوم الفنان محمد وردى : ” بلا وانجلا ” وتقول امثالنا ” قطر عجيب يودى ما يجيب ” … التهنئة لاهلنا بالسودان بمهاجر الاباطيل والفتن ونخشى عليكم من ظهور مصيبة اعظم مما ابتليتم به.

  10. بلاء وإنجلى….
    الحمدلله الذي أذهب عنا الحزن والخزي والعار….
    الحمدلله الذي طهّر بلادنا من وسخ وعفن….
    الحمدلله الذي جعلك طريدا حقيرا شريدا…
    نسأل الله الهداية للشباب المخدوع فيك يا بن سلول…..
    الدرب اللي يودي ما يجيب…
    ان شاء الله يدفنوك هناك يا ني…قاتلك الله من منافق صعلوك

  11. اذا افترضنا ان هجرتك كهجرة الرسول صلى الله عليه وسلم وهذا بعيد جدا .. ولكن اعلم ان الرسول لم يهاجر خارج وطنه بل داخل وطنه … لماذا هولندا ؟؟؟

    1. بالإضافة أن الرسول عليه الصلاة والسلام لم يهاجر إلى بلاد الكفّار..

  12. و الله ده أجمل خبر من سنين الواحد يسمعو ,,

    اما حكاية تشبيه طردتك بهجرة خير بني آدم أجمعين دي حا نمشيها ليك باعتبار انو دي اخر مرة حا نشوفك و لا نسمعك فيها, و ما تنسى انو اوربا برضو ما بتسمح بالدجل و الشعوذة !!!

  13. الخطر القادم على السودان التطرف الفكر ماذا فعل شيخ الأمين ليتعرض لكل هذه المضايقات بغض النظر عن فكره. يجب أن نحترم حرية الغير فى التعبير عن أرائهم طالما يعبرون عنها بأدب .لم أسمع يوما شيخ الأمين يسء لأحد أو يسخر من أحد.لكن سمعت مزمل فقيرى وزمرته يسخرون ويشمتون ويكفرون وهؤلاء اولى بنفيهم من السودان وليس شيخ الأمين.أقول لك أخى شيخ الأمين أذهب وعش فى فضاء الحرية الفكرية وأنشر دعوة الأسلام بسماحة الصوفية.ويوما ما سوف تعود الى وطنك مرفوع الرأس وسوف يطرد مزمل فقيرى وزمرته وينفون من السودان.حتى نستطيع العيش فى جوء فكرى نقى

    1. الكلام البتقول فيه ده .. أحلام زلــــــــــــــــــــــــــــــــــــــــــوط ….

  14. الكلام المكتوب فوق كلو جميل بس انا أضيف حاجة واحدة
    الله يستر على هولندا منك

    1. عقبال البلا الأكبر … البشير و زمرته الفاسدة … يا رب سفر البن الدق و حرق للبشير و زمرته

      1. آمييييييييييييييييييييييييييييييييييييييييييييييييييييييييييييييييييييين

  15. الى المدعو
    dodo
    انت لسه غافل شكلك وجاهل..
    هسي عليك الله دين ربنا عز وجل هل محتاج لآراء وتنظيرات وخرف وكلام فارغ؟!!..
    واحد منافق عندو قروش أخذته العزة بالإثم بقى يسئ لرب العزة والجلال وللرسول صلى الله عليه وسلم ويقول أنا زي الرسول في الهجرة وبعد دا تجي انت بكل وقاحة تقول ما أساء لأحد، انتو الإسأة للدين بتقبلوها وما بتقبلو الكلام فوق بن سلول بتاعكم دا!!!! سبحان الله.. ومزمل فقيري دا ماعندو فرق من شيطانك دا..دا برقص بإيم الدين و حواليهو عواطلية دايرين قروشو وداك بنبذ ويسئ من طرف لي أيي زول وقايل روحو شيخ وهو واحد تافه صعلوك ساي يحب الشهرة برضو زيو وزي شيطانك دا….
    هسي عليكم الله كان قلنا كلنا نحن مسلمين بس لا صوفية ولا اخوان مسلمين ولا أنصار سنة بحصل شنو…ربنا قال :((يا أيها الذين آمنوا لا تموتنّ الا وأنتم مسلمون)) صدق الله العظيم

    1. طبعا للمعلومية انا هولندي الجنسية اعيش فيها منذ قرابة العشرون عام اعرف جيدا اللغة وكل شي يخص الهجرة واتحدث واكتب واقري الهولندية والله العظيم احسن من لغة امي ولا فخر شيخ الامين كذاب لا يستطيع الهجرة الي هولندا لانه لن يستوفي شروط الهجرة اللجؤ السياسي باختصار الذول دة الا يقدم لجؤ سياسي وهذا حق مكفول لكن سيرفض الطلب وسوف يرحل باختصار لانه خل هولندا بضمان شخص من منطقة اسمها دوردرخت واقسم وبصم في ارونيك الفيزا ان لا يهرب او يقدم لجؤ فكيف!!! يستطيع هذا الدجال ان يصرح كمان يخطط بالهجرة ولاقامة بهولندا !!!!!!

  16. يقول المهاجر لبلاد الكفر:- (( ودروس العلم ونشر الدعوة دون التعرض لمضايقات عكس ما وجدته من تجميد لنشاط مسيدي الديني ببلدي وهي الحالة الأولى التي يواجهها مسيد في السودان.))…….. يا زول إنت قايل نفسك عالِم دين ؟ إنت زول مُتفيقِه ومُدّعي العِلم فقط وغير عالِم، وغلطان الأدّاك الإذِن وخلّاك تتخيّل نفسك عالِم دين، لأننا سمعناك في كذا برنامج إنت لاتحفظ القرآن الكريم جيّداً ولا تقرأهُ بتجويد ، ولا تحفظ الأحاديث النبوية جيّداً، و الدليل أن مُقدِم البرنامج صلّحك في كم آية – قراءةً وتجويداً-فمن أين إكتسبت – التشيُّخ-؟، أمّا تجميد ” مُشاط مسيدك” وليس نشاطه فنسألك لماذا لم يتم تجميد نشاط أي مسيد قبلك ؟ طبعاً لأنك كُنتَ مُثير للجدل فعلاً وكنتَ لامّي ليك شوية حيرانين ما لاقين مُرشد حقيقي ( مُش حيران)، ونحمد الله على هروبك. وهذا أكبر دليل على زعمك – بالتشّيُّخ -.

    1. وبالله يا ناس موقع النيلين ، ما تجيبوا لينا عن الزول دا أي أخبار بعد -هروبه- (مش هجرته) ، وكمان شبّه هروبه بهجرة الرسول (صلى الله عليه وسلم) ، وتعملوا لينا مغص زي ما بتجيبوا أخبار أحمد عز وطليقته، و (واحدة تانية) ما بجيب إسمها في حاجات حامياني.

  17. أسأل الله الكريم بمنّه وكرمه أن يتعافى السودان من جميع هذه الأمور
    التي هي الداء والبلاء وأن يكشف عنا الغمة ويُعلي الهمة في المناصحة
    على هدي الصحابة ، وأن يكون إعتمادنا على الواحد الأحد الفرد الصمد
    فهو الخالق الرزاق الباسط الكريم العليم الرحيم ، وأن نتوكل عليه حق
    توكل (لو توكلتم على الله حق توكل لرزقكم كما يرزق الطير تغدو خماصا
    وتعود بطانا) أو كما قال صلى الله عليه وسلم . فهذه الخزعبلات والخرافات
    هي التي أوصلتنا إلى هذه الحالة المزرية (لا يغير الله ما بقومٍ حتى يغيروا
    ما بأنفسهم) صدق الله العظيم، السودان بلد مليء بالمدخرات والمكونات
    لكن بسبب ذنوبنا واعتمادنا على الدجل والشعوذة مُنعت عنا تلك الخيرات
    وسُلبت منا المُدّكرات وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ
    السَّمَاءِ وَالأَرْضِ وَلَـكِن كَذَّبُواْ فَأَخَذْنَاهُم بِمَا كَانُواْ يَكْسِبُونَ).

  18. السلام عليكم اخوتي الاعزاء……
    مادفعني للتعليق على هذا الموضوع هو ماورد من الاخوة المعلقين على الرغم من ان الموضوع غير مهم بالنسبة الىّ اطلاقاً.
    فقد هالني ماورد من تعليقات تصادر كل الاراء المخالفة و كأن رايها منزه من كل نقص و عيب مع اني اختلف مع الرجل تماماً.
    فهذا يعكس ما وصلني اليه من استقصاء للاخر و مصادرة حرية الرأى و الفكر فكان من الاجدى ان نناقش افكار الرجل بهدوء و دحضها بدل هذا التجريح و السب و الشتم و هو ليس من صفات المؤمنين كما تعلمون.
    حماني الله و اياكم من داء العظمة و الادعاء بامتلاك الحقيقة المطلقة.

  19. بتشبه نفسك بالرسول عليه الصلاة والسلام ؟؟؟؟
    خســــــــــــــــــــــــــــــــــــــــــــــــئة ………

    وأنشاء الله ناس هولندا بعد شوية حيصنفوك من أتباع القاعدة وداعش … والموية ما بتكضب الغطاس ….

  20. قطر عجيب يودي ما يجيب .. وان شاء الله ستقبر هناك في قبر مؤجر لمدة عشرة سنوات وبعد داك يدفنو على انقاضك واحد تاني .. في ستين داهية واربعين صباح .

  21. وختم شيخ الامين قوله ب(وسوف تصفو الليالي من بعد كدرتها وكل دور اذا ما تم منقلب يكون كتر خيره لو كدك الحكومة دي قلبها وين امكانياتك ولا كلام الزول الواقف قدام بحر احمر صح زهجان ويسب طلع ليهو مارد من نص بحر احمر قال ليهو شبيك لبيك تدلل امنياتك قال ليهو كبري اقطع البحر دا قال ليهو اختار طلب تاني قال ليهو اقلب لي الحكومة دي قال ليهو الاول قلت شنو

  22. في ستين داهية وعنك ما طبيت تاني انسان فارغ ومدعي وفاسد يفسد ما حوله باسم الدين .زجاتك مصيبة تخمك

  23. الله يعينكم يا ناس بيت المال فرع هولندا .. على الكللللنق كللللنق … قال ليك الرسول تعرض لمضايقات .. الله الضيق الخرم ابره .. اى واحد طالب النصاب ده قروش يشيل عنقريبو ويبيت جمب الاملاك الجاى يصفيها دى … واوعك من احتسبها

  24. إستغفرالله العظيم من كل ذنب عظيم
    دي ما أخلاق السودانيين السمحاء التي نعرفها
    بلاد الاسلام كلها تعيش في فتنة عظيمة ومنذ
    أن وجدنا علي أرض السودان كنّا نوصف بسماحة
    الأخلاق والأدب فإذا عدنا للتاريخ فسنجد أن الاسلام
    دخل السودان عن طريق تاج الدين البهاري وهو صوفي
    من المغرب ، دوماً إختلاف الآراء لاتفسد للود قضية
    ولكن مجاهرة بلا قيود فتعد إنتهاك نبينا الكريم أوصانا
    بالسماحة ، البشر خطآؤون فلايوجد أحد مكتمل ،
    للأسف الوازع الأخلاقي في تدهور مريع والحركات المسلمة الحديثة مستحدثة تحتاج لمراجعات بعيداً عن التسيس
    إخوتي لكم التحايا ودامكم الخير

    1. سيدي الكريم,

      الاسلام دخل السودان في عهد متقدم جدا” مقارنة بماذكرت , اتفاقية البقط التي وقعها عبد الله بن ابي السرح في عهد سيدنا عمر مع مملكة المقرة كانت في العام 31 هجرية و كانت احد شروطها ان يحافظ السودانيون على مسجد المسلمين و ان يسمحوا لهم بممارسة شعائرهم بحرية , و رغم كل ذلك فأن الصوفية أصبحت متجذرة كأسلوب حياة و تعامل يومي لنا جميعا” حتى لو لم نتبع أي طريقة و الحمد لله أكسبنا ذلك تسامحا” و حسن تعامل لا تجده في كثير من الدول الاسلامية .
      الاسلام دخل عن طريق الحبشة و الذين اسلم بعضهم بعد الهجرتين الى ارضهم و انتقل الاسلام الى اقصى شمال السودان خلال تلك الفترة القصيرة منذ الهجرتين الى زمن سيدنا عمر و عثمان رضي الله عنهما, هذا بالاضافة الى الهجرة من الجزيرة العربية الى سواحل السودان بغرض التجارة أو الهروب من الظلم .
      الصوفية لم تنتشر في السودان بتلك الكثافة الى في زمن الدولة السنارية و ذلك نتيجة لدعم حكامها للصوفية ضد علماء الدين الذين عابوا عليهم الكثير من تصرفاتهم و قراراتهم التي يرون انها تخالف الشرع و يمكنك الرجوع الى :
      1 – طبقات ود ضيف الله – و سترى الصراع بين الجناحين و غلبة الصوفية نتيجة لدعم الدولة لهم
      2 – كتاب الشونة – و ان كان يصعب الحصول عليه
      3 – السودان عبر القرون – مكي شبيكة .

      1. احسنت ياسامح من خرف وخرب تاريخنا غير المتسلقين والاغبياء في عن عمد وفيهم الجهلاء النجاشي مدفون بدنقلا وسيدنا محمد لمن تمت مضايقة اصحابه ارسلهم له كان سنة كم دا

  25. الحمد لله الذي اراح البلاد والعباد من شر هذا الدجال واسال الله العزيز الجبار ان يزيح من هذا البلد الطيب كل الدجالين والسحرة والمشعوذين اللذين عاثوا في هذه الارض فسادا وتدثروا بثوب الدين وهم في الواقع عبدة الشياطين. واسال الله العظيم أن يتولي امرنا من يعينه الله علي ان يطبق فيهم حكم الله

  26. طبعا للمعلومية انا هولندي الجنسية اعيش فيها منذ قرابة العشرون عام اعرف جيدا اللغة وكل شي يخص الهجرة واتحدث واكتب واقري الهولندية والله العظيم احسن من لغة امي ولا فخر شيخ الامين كذاب لا يستطيع الهجرة الي هولندا لانه لن يستوفي شروط الهجرة اللجؤ السياسي باختصار الذول دة الا يقدم لجؤ سياسي وهذا حق مكفول لكن سيرفض الطلب وسوف يرحل باختصار لانه خل هولندا بضمان شخص من منطقة اسمها دوردرخت واقسم وبصم في ارونيك الفيزا ان لا يهرب او يقدم لجؤ فكيف!!! يستطيع هذا الدجال ان يصرح كمان يخطط بالهجرة ولاقامة بهولندا !!!!!!

  27. قرأت الكثير عن المدعو/ الشيخ الامين ولكنني لم اجد اي شئ عن سيرته الذاتية اين ولد ومن اي اسره والمدارس التي التحق بها في السودان زمعلمية واين تلقي العلم وكيف جمع هذه الاموال افيدونا

  28. اها انا يا دوب عرفت سبب عزومتك اسفراء الدول الغربيه فى عيد ميلادك ……. عفارم عليك شفت بكسر الشين.

  29. سبحان الله! كلكم اثنيتم على هذا الدجال شراً
    وجبت له انتم شهداء الله في الارض
    اللهم عليك بكل الدجالين الفضولوا في بلادنا يعيثون في الارض فسادا متسترين بعبائة الدين والتصوف اللهم احصهم عددا واقتلهم بددا ولا تغادر فيهم أحداً

  30. عندما تسقط الشعوب هكذا تتهافتون على التعليق على السواقط …..يا ايها الشعب النعامة اتدرون ماذا انتم قائلون ؟؟؟؟ والله يالبشير ربنا يكون فى عونك يا أبوى ….دا استفتاء واضح وصريح لجهل هذا الشعب وفهمه للحرية والعدالة والحقوق الانسانية ياريت لو تعطى ناس الهامش حق تقرير المصير ولو ما ح تترش تانى بتمنى ان تسلم ما تبقى من وطن للمصرين لاعادة صياغة هذا الشعب المافيه أمل

  31. مرحب بشيخنا في اوروبا ونتمنى ان تزورنا في ايطاليا لتفتتح لنا زاوية بمدينة ميلانو !

  32. مع الف سلامة وربنا يعدل طريقك والقشة ماتعتر ليك بلا وانجلي

  33. الله لا عودك للسودان وان شاء الله تدفن هناك واما وساختك ( حيرانك ) الموجودين في السودان نحن قادرون على نظافتهم وتطهيرهم

  34. حسب قوانين الهجرة الاوروبيه شيخكم ده ماعندو طريقه للإقامة في هولندا الا بتقديم لجوء سياسي او ديني او اقتصادي، وحاليا يتم قبول اللجوء السياسي او الإنساني في حاله تعرض حياتك للخطر في حاله بقاءك في وطنك الام….الورطه الحقيقيه للحوار الذي أرسل الدعوه لشيخكم ده ….في حاله تقدم شيخكم بطلب البقاء في هولندا سوف يراعي مدي الخطوره علي حياته في حاله عودته للسودان اذا رفض الطلب والنتيجة واضحه وضوح الشمس…..مع وضع الاعتبار انه خالف الشروط التي بها حصل علي الدعوه المقدمة من الحوار بالاضافة لذلك حصوله علي تأشيرة خروج من الجهات الامنيه في السودان الشيء الذي ينفي وجود اي خطوره علي الشيخ …..اللهم الا اذا ساعدها برتينزات …

  35. انتا زاتك يا شيخ امين كتير على الخرتوم ما يستاهلوك هولاند احسن ليك من وسخ خرتوم

  36. اذا تمكن من الحصول على حق اللجؤ فيا بخت عطالة هولندا ….هولندا سجن كبير للسودانيين بسبب صعوبة اللغة وصعوبة الحصول على عمل متلائم مع المؤهلات , بالإضافة الى ان معظم السودانييين ماديين ويحبون الإتكالية فعندما يفتح لهم شخص داره فقد وقع في شر اعماله فسوف يتوافدون عليه ويقيمون معه عالة عليه لتوفير قرش قرشين لكي يستعرضوا بها , و ما حصل للرجل الطيب المضياف الجرافي عوض عكاشة ليس ببعيداً , حيث كان بحق رجلاً كريماً شهماً داره مفتوحة للجميع وعندما تعثرت ظروفه المادية هرب منه الجميع وتنكروا له ومنهم من اقام معه لعدة سنوات . المدعو شيخ اللمين سوف يعلن افلاسه خلال سنتين فمكان اقامته سيكون هوتيل اوربي , فقط عليك أن تحزم وسطك وتأخذ نطة نطتين وتدعى بانك حوار لتدخل الهوتيل