منوعات

بروفيسور بجامعة الخرطوم: شريحة زين ماسورة


كتب بروفيسور شريف فضل بابكر أستاذ الهندسة بجامعة الخرطوم (اشتريت شريحة زين من واحد فى سوق سعد قشرة و وضعت بها مبلغا من المال لكى تسنتعملها زوجتى مها أيام تواجدها فى السودان. و سرعان ما إحتاجت مها لدخول الشبكة العنكبوتية. و نسبة لجهلى التام بكيفية الإشتراك لدى زين فقد استعنت بصديق و تم الإشتراك فى إحدى الباقات بنجاح).

وقال بروفيسور شريف فضل بحسب متابعة محرر موقع “النيلين (وعندما حاولنا إستعمال الحدمة و الدخول للعالم السفلى إتضح لنا أن الخدمة غير متاحة للجربندية امثالنا لان الشريحة غير مسجلة).

وأضاف بروقيسور فضل (السؤال لزين … لماذا لحستوا قروشنا و إنتو عارفين إنكم ما حا تقدموا لينا خدمة… أم هى آخر ما توصل له المستشارون لكم من الأساليب لابتزاز العملاء)…

وختم بروقيسور فضل تدوينته (وكما تقول حبوباتنا “يدخل عليكم بالساحق و الماحق و البلا المتلاحق”).

الخرطوم/معتصم السر/النيلين


‫9 تعليقات

  1. ياخ الدكتور ولا البروف دة كرهنا مرتي مرتي مرة مشيت السجل المدني اطلع شهادة ميلاد لمرتي مرة اشتريت شريحة لمرتي انت ماقاعد تعمل حاجة لنفسك وماتعجبك شنو الشكية دي عرفنا مرتك عندا جواز بريطاني ومولودة في بريطانيا.
    إها انا زاتي عندي شكية ياناس النيلين انشروها عليكم الله الليلة مشيت اكل سمك في حوش سمك كدة طلبت بلطي لقيتو مانافع وموية ساي دفعت 115 الف ومااكلت اي شي.

    1. هوي يا بروف

      أنت من زمن الزين …………….زمااااان اتعرف الفيهم

      باي باي زين

  2. ياخي الناس بقيسوها بي بالفهم …. عليك الله شوف الراجل دا فاهم ومتواضع كيف لي درجة بشارك زوجتو شغل المطبخ …. وانت مسمي نفسك عفيف اللسان بي ياتو منطق …… شكلك قااادي رياضيات

  3. المشكلة لو علقنا او قلنا اي شي
    الدكتور بيزعل وبيرد رودو زول زعلان
    يا دكتور انت عايش فى بريطانيا المفروض تتقبل الراي والراي الاخر حتي لو كان ساخر

  4. البروف شايف نفسه اكبر من القانون مش مستعد يمشى يسجل الشريحة لانه بروف

  5. حقيقة أنت نزلت من مقامك كثير جدا يابروف لأن كل المواضيع التي تعرضها لا تستحق القراءة. كذا مرة أشوف اسمك والدرجة العلمية واسم الجامعة والموضوع افتح الموضوع بتشوق ولكن سرعان ما أجد أن الموضوع لا يستحق القراءة. وبعد ذلك لغة “ماسورة” هذه لا تليق بالدرجة التي تحملها فيا أخي “المرء مخبوء تحت لسانه”.
    طلب لمحرر النيلين رجاء احترموا وقت القراء وأعرضوا لهم مواضيع فيها فائدة.

  6. اذا فعلا هذا الكلام من دكتور بدون تعرض له وبدون انقاص من حقه يادنيا عليك السلام
    الكل يعرف ولاسباب امنية ولحفظ الحقوق وبسبب المشاكل التي سببتها الشرائح الغير مسجلة هناك توجيه واضح من الهيئة القومية للاتصالات بعدم تنشيط اي شريحة غير مسجلة حتي الشرائح العاملة وغير مسجلة تم قفلها ناهيك عن شريحة غير مسجلة