زواج سوداناس

فيديو: شيخ الامين يقدم دروس في ماليزيا ويقول.. لازم نتعلم صاح عشان ما نخش مع ربنا في حتة ضيقة



شارك الموضوع :

اقام الشيخ المثير للجدل الأمين عمر الأمين محاضرة في مدينة كوالا لمبور بدولة ماليزيا تحدث فيها عن الطهارة وقال شيخ الامين بحسب مشاهدة محرر موقع النيلين لفيديو المحاضرة (العلم بحر، لو تكلمنا عن التصوف ممكن حد يكون عنده رأي في التصوف لكن العلم مافي حد بيكون عنده فيه رأي).

وقال شيخ الأمين بحسب الفيديو الذي نشرته صفحة محبي ومريدي الشيخ الامين عمر الامين طه
(العلم نعمة أعطانا ليها ربنا، يا إما نحن نتعلم علم نؤدي به العبادات بطريقة صحيحة أو نخش مع ربنا سبحانه وتعالى في حتة ضيقة جداً).

وكشف شيخ الأمين عمر الامين في إتصال هاتفي مع صحيفة الوطن السودانية من مقر إقامته بهولندا في شهر أبريل الجاري أنه قرر الهجرة نهائياً والإقامة في أوربا وقال في حديثه للصحيفة (الدعوة الإسلامية غير مربوطة بمكان محدد وأن النبي صلى الله عليه وسلم عندما تعرض لمضايقات في مكة هاجر الى يثرب لذلك أنا قررت وبعد تفكير طويل الإقامة في هولندا لأنني وجدت حرية إقامة الذكر ودروس العلم ونشر الدعوة دون التعرض لمضايقات عكس ما وجدته من تجميد لنشاط مسيدي الديني ببلدي وهي الحالة الأولى التي يواجهها مسيد في السودان.

وأضاف شيخ الامين بحسب ما قرأ محرر موقع النيلين في صحيفة الوطن(سوف أعود الى السودان لتصفية جميع ممتلكاتي ووداع الفقراء والمريدين ولن أستكين في أداء رسالتي في إرشاد الشباب).

الخرطوم/معتصم السر/النيلين

شارك الموضوع :

تعليقات الفيسبوك

تعليقات


22 التعليقات

إنتقل إلى نموذج التعليقات

      1. 1
        الواضح

        يا سلام السودان خسر عالما جليلا ومفكرا ألمعيا . نهني هولندا بهذا العالم الجليل والذي بالتأكيد سيضيف لها الكثير . والله لو في حاجة واحدة كويسة للانقاذ هي انها ضايقتك وخلتك تمرق

        الرد
      2. 2
        الصاير وعند الله جزاه

        ما قلت طاير هولندا الجاب ماليزيا شنو؟ الزول لخباط كيف!

        الرد
      3. 3
        الفنجري

        أسلوبه وأسلوب التصوف سيجد ارض خصبة وسط الغربيين حسب العقلية الغربية التي تتعطش للأفكار التي تخرجهم عن الوعي مثل المخدرات والديانات الفلسفية كالبوزية والهندوسية لا سيما ان هذا المدعو يمتلك الكثير من السحر المادي والطلاسم التي ستسهل له مهمته في الدعوة للباطل

        الرد
      4. 4
        ديامي قديم

        لو خليت الشعوذة والبدع والخرافات ما حتخش في حتة ضيقة

        الرد
      5. 5
        atbarawi

        نسأل الله ان يختك انت في حتة ضيقة في الدنيا وفي الاخرة – فقد شوهت سمعة علماءنا السودانيين الافاضل الكرام بجهلك وضحالة تفكيرك وانتسابك لهذا البلد العظيم – قاتلك الله اينما كنت ولك منه ما تستحق

        الرد
        1. 5.1
          أبو هاجر

          لا يجوز لعن المسلم بـ(قاتلك الله) ولا الكافر إلا إذا مات علي الكفر لأن باب التوبة فااااتح يا ….

          الرد
          1. العمدة

            يا أستاذنا كيف يعني (لعن المسلم بقاتلك الله).. فاللعن شيء آخر تماماً..
            كلمتان ينبغي على المسلم حذفهما من قاموس لغته إلى الأبد هما:
            1- اللعن (لعنك الله)..
            2- التكفير (يا كافر) أو هذا كافر..

            أما قاتلك الله.. فلا علاقة لها بهاتين الكلمتين بارك الله فيك

            الرد
            1. أبو هاجر

              (قاتلك الله) لعن والعن هو الطرد من رحمة الله؛ فمن قاتله الله مطرود من الرحمة…(تفسير المفسر).

              الرد
      6. 6
        أحمد أزرق

        لو عملت ليك فرقة جاز في اوربا أحسن ليك

        الرد
      7. 7
        ديامي قديم

        الببسي والجكس راقد هبطرش في اوروبا لذلك فرقة الجاز مناسبة لهذا الرجل وأفعاله

        الرد
      8. 8
        الشريف

        iهههههههههه والله ما عندي تعليق. شيخ اللآمين (من لم يلم )

        الرد
      9. 9
        محمد

        مع موجة الارهاب في اوروبا اعتقد انشطتك دي حتعمل ليك مشاكل .. الاوروبيين ما عايزين لمة فيها مسلمين بيتكلمو عن الدين إلا اذا انت كنت منظم وتابع لمخابراتهم.

        الرد
      10. 10
        عارف وفاهم

        (( ( أو نخش مع ربنا سبحانه وتعالى في حتة ضيقة جداً))………بالله دي جملة تُقال بهذا الأسلوب الفجّ، الأسلوب السخيف ، إنت العلمك دين منو؟يا رويبضة كما قالوا عنك فعلاً.

        الرد
      11. 11
        aboali

        جهز نفسك كويس هناك افعال الفاحشه مباحه شديد يا فاسق

        الرد
        1. 11.1
          أبو هاجر

          اتق الله.

          الرد
      12. 12
        أبو هاجر

        ربنا يوفقو؛ أسلوب التصوّف ناجح في أوروبا؛ الراجل صحيح فيه جهالة،
        لكن مالكم ومالو فات البلد كلللللها سابها ليكم مالكم عليهو…؟
        جنس حسادة.

        الرد
      13. 13
        RABSO

        كلمة واحدة لسيدنا شيخ الجكسي ….
        جاهـــــــــــــــــــــــــــــــــــــــــــــــــــــــــــــــــــــــــــــــل ………..

        الرد
      14. 14
        العمدة

        أول حاجة تمشي تتعلم تقرأ سور قصار المفصل صاح يا شيخنا زي الفلق والناس والكافرون..
        بعد داك ممكن تبقى طالب علم مبتديء يا دوووووووووووووبك ..
        وبعدين شايف واحد اقترح عليك (تعمل فرقة جاز) ..

        والله اقتراح وجيه جداً أفضل من (ذكر الله) البتعمل فيهو ده..
        الغناء فسق وفجور فعلاً لكن ذنوبه أخف من (العبادة) البتسوي فيها دي ..
        ذكر وهزهزة لا سواها الرسول صلى الله عليه وسلم ولا الخلفاء الراشدين ولا الصحابة ولا التابعين..
        والله بلدنا فوضى وجهل ومرض بس..
        ( بلد منزوع البركة ) تماماً..

        حسبنا الله ونعم الوكيل..

        الرد
      15. 15
        ابوريتاج

        ان شاء الله ما ترجع ي منافق

        الرد
      16. 16
        dodo

        جزاك الله خيرا شيخ الامين ونصرك علي حاسديك

        الرد
      17. 17
        أب زرد

        (أو نخش مع ربنا سبحانه وتعالى في حتة ضيقة جداً)…. أه عاد بعد كلامك دا يا الأمين وكمان قعادك في هولندا محل البنقو (الماريوانا) مسموح بيها يا دوب دخلت في الحتة الضيقة وبعدين حيرانك الباركين في الواطة وكل واحد حاشر وجهه في كاخة أخوه القدامه ديل خلاص بعتهم ولا بي كراماتك حتعمل ليهم تأشيرات دخول لي هولندا؟؟؟؟ غايته أنا سمعت تحت تحت كدا يعني أنه مدير جوازات هولندا من حيرانك فهنيئاً لحيرانك الصيع بتاعين السودان يلحقوك هناك بس ما تتقلو في الكمنقة يا ديل… روح بلاء يخمك إنت والكلاب الماشين وراك ديل

        الرد
      18. 18
        الله كريم

        السلام عليكم
        يا حليلك يا سودان …. وين ناس الدين ولا خلاص الدين خشت فيهو السياسه وضاعت ملامحو
        ولا الناس المتابعين الزول دا يجي واحد يقنعني بيهو بس
        دا لمن جابو لقاء معاهو كل اية قراها كانت غلط , كلام خارم بارم وماخفيه اعظم

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *