أبرز العناويناقتصاد وأعمال

الدولار الأمريكي يسجل خسائر لثلاثة ايام متتالية أمام الجنيه السوداني


هوى سعر صرف العملات الأجنبية أمام الجنيه السوداني منذ منتصف الأسبوع الجاري في السوق السوداء بعد موجة صعود في الأيام الماضية، وبدأ الهبوط التدريجي منذ يوم الإثنين.

وسجل سعر صرف الدولار الأمريكي يوم الأحد 17 أبريل 2016م 13.90 جنيه كأعلى رقم قياسي يصله الدولار مقابل الجنيه في السودان بحسب النشرة اليومية لأسعار العملات في موقع “النيلين”بينما سجل الدولار الأمريكي في السوق الأسود يوم الأربعاء 13.55جنيه .

ويقول أحد المتعاملين في السوق الأسود بالخرطوم فضل حجب هويته لموقع “النيلين” (سبب إنخفاض الدولار في السوق السوداء، يعود لقيام السلطات السودانية بحملات أمنية مكثفة طالت المتعاملين في السوق الموازية وتم القبض على عدد كبير من تجار السوق السوداء في الخرطوم ).

وهذه أسعار الدولار والعملات الرئيسة الأخرى ليوم الأربعاء 20 أبريل 2016م بحسب موقع “النيلين”.

أسعار السوق( السوق الحرة ، السوق السوداء ):

الدولار الأمريكي : 13.55جنيه

الريال السعودي : 3.51جنيه

اليورو : 15.31جنيه

الدرهم الإماراتي : 3.61جنيه

الريال القطري : 3.62 جنيه

الجنيه الإسترليني : 19.37جنيه

الجنيه المصري : 1.24جنيه

الخرطوم/معتصم السر/النيلين


‫7 تعليقات

  1. ده نزول بالرجالة بتهديد تجار العملة الكبار حيسبب بعد شوية ندرة ويرتد الدولار بارتفاع قوي

    1. ههههههههههه والله كفيتني شر التعليق كلامك في محله
      ياخي معروف السوق الموازي هذا موجود في اي مكان في العالم
      فقط تتم محاربته بتوفير العملات الصعبة او الحرة علي وزن خروف حر مصطلحات بالية ومعتتة
      قالوا موظف في مطار الخرطوم بيسال في واحد خليجي بيقول ليه عندك عملة صعبة
      الخليجي ما فهم علي السوداني يقوليهو ويش صعبة يا شيخ؟
      المهم الموظف مصر علي معاك عملة صعبة لما تدخل واحد مغترب زهج من سخافة الموظف قال للخليجي الراجل دة بيقصد عندك استرليني دولار ريال درهم الخ الخليجي قال عجيبة والله ياشيخنا هذي مب صعبة عندي
      هذه انت اللي عندك صعبةز في داعي للاحراج دة.
      شغل البلطجة وارهاب التجار دة مابجيب نتيجة الناس عايزة دولار عشان تمشي تستورد خردة من الصين ومواد غذائية منتهية الصلاحية من مصر وكريمات ووويسكي من الحبشة وسلاح من ليبيا وبنقو باللواري من تشاد
      وفي ناس عايزة دولار عشان تجيب اثاثات فخمة وكماليات من ماليزيا وكوريا الجنوبية وموبايلات بالشنطة من دبي تدخل عبر صالة كبار الزوار انتهي الكلام يا كبار.

  2. بروبقندا النظام….. كأنهم انجزوا شيئا !! عصفورين بحجر رفعوا السعر فكوا دولارهم وينزلوا السعر ويشتره مرة ثانية ويقولوا خسائر الدولار امام الجنيه السوداني!! اتقوا الله فينا .. لك الله يا السودان .

  3. الغريبة رغم أطنان الرز التى منحت للسيسى ورغم أطنان الودائع الدولارية التى أودعت بالبنك المركزى ورغم الهبات البترولية والقمح المجانى ودخل قناة السويس الثابت ورغم تحويلات مغتربيهم فكما يقول مثلهم (الحال من بعضو) حاجة تحير

  4. ههههههههههههههههههههههههههه
    يسجل خسائر؟؟؟؟؟؟؟؟؟؟
    مين الخسران اسي الجنية ولا الدولار
    والله العظيم مسخرة

  5. لايمكن نقول سجل خسائر الا بعد نزوله الي اقل من السعر الرسمي