زواج سوداناس

برلماني يهاجم رئيس البرلمان ويطالبه بالكشف عن مخصصاته



شارك الموضوع :

تصاعدت حدة التوتر داخل البرلمان بين رئيس البرلمان بروفيسير إبراهيم أحمد عمر والنواب المستقلين وعدد من البرلمانيين المنتمين لأحزاب مشاركة في الحكومة، وذلك على خلفية مطالب النواب لرئيس المجلس بالاستقالة واتهامه بامتلاك أسطول عربات وإيقاف عربات النواب التي شرعت لجنة شؤون العضوية في تمليكها للنواب، وطالبوه بالتزام الشفافية والعدالة والكشف عن مخصصاته وبدلات السفر ومعايير اختيار النواب للسفريات الخارجية.
وهاجم النائب المستقل مبارك النور، رئيس البرلمان واتهمه بعدم الإحساس بمعاناة النواب، وقال في تصريحات صحفية أمس، إن رئيس البرلمان لا يشعر بمعاناة النواب لأنهم يصرفون مرتباً قدره 3900 جنيه فقط ويؤجرون بها شقة.

وأضاف: (الرئيس مخصصاته كبيرة ونطالبه بالشفافية والعدالة وتوضيح ملابسات 200 عربة تخص البرلمان دخلت للبلاد، وفي ناس استلموا وآخرون لم يستلموا)، وأشار إلى أنهم كنواب مستقلين لم يطالبوا البرلمان بتمليكهم عربات، وتابع: (العربات دي جات بمبادرة منهم وتم إيقافها بقرار منهم، ونحن حنجي للبرلمان راجلين أو بالمواصلات أو نشحد أي زول يوصلنا لنؤدي دورنا بكل صدق وتجرد).
وشدد النور على ضرورة الكشف عن معايير اختيار النواب للسفريات والدورات الخارجية، وذكر (هناك نواب سافروا أكثر من مرة وما في عدالة في توزيع السفريات).

ودافع النائب المستقل مبارك النور عن دور البرلمانيين، وقلل من الانتقادات التي وجهت لهم بأن دورهم في تخفيف الضغط المعيشي على المواطنين يتمثل في المطالب والتصريحات فقط، وقال: (نحن نطالب قيادة الدولة بكبح جماح الأسعار والدولار حتى تنخفض الأسعار، وما تفتكروا إنو مطالبنا غير مؤثرة)، واستند على ذلك بانخفاض سعر الدولار إلى 13 جنيهاً، وزاد: و(سيستمر في الانخفاض).
وفي تعليقه على مطالب رئيس البرلمان التي دعا فيها النواب الى تقديم استقالاتهم، قال النور: (في نواب نايمين، وأي نائب لا يتحدث عليه أن يستقيل فوراً إلا في حال عدم إعطائه الفرصة)، وطالب النور الحكومة بإلزام القنوات الفضائية الرسمية بتغطية جلسات البرلمان على الهواء مباشرة حتى يعلم الشعب السوداني بنضالات النواب.

صحيفة الجريدة

شارك الموضوع :

تعليقات الفيسبوك

تعليقات


6 التعليقات

إنتقل إلى نموذج التعليقات

      1. 1
        Hisham

        سبحان الله … كلها مطامع شخصية بحته

        الرد
      2. 2
        الشريف

        والله العظيم اول معرة اعرف انو النواب بعانوا … ومال الشعب الفوضكم بدل عنه يقول شنو نصكم نايمين والنص التاني جاي عشان يناقش مخصصات وبدلات وسفريات جاتكم داهية تخمكم وتريح الشعب السوداني منكم يا ساقط تربوي…. قال ناس تتكلم بتتكلمو تقولوا شنو هو انتو بتعرفوا تتكلموا؟

        الرد
      3. 3
        m

        الحساب يوم الحساب تزكروا

        الرد
      4. 4
        سودنى اصيل

        اذا اختلف اللصان ظهرالمسروق

        الرد
      5. 5
        Shaikh Tag

        والله نحنا الشعب المسكين الفي جزء مننا كبير ماا شغاال او ما راضي عن وضعو في وظيفتو قاعدين نخجل لمن ناكل نقوول دا دفع و دا ما دفع و دا عندو ودا ما عندو. ديل نحنا الشباب… عليك الله ما خجلانين من رووحكم وااحد فرقو من المووت شبر يتكلم في قرووش و عرباات و سفرياات!! والله انتو رجاال من دون ضمير و خياابه، ارفعو البلد و خلونا نكوون بلد محترمه بدل اي زول حقير زي فجر الزفت دي و لا شعب سفييه زي المصريين يضحك علينا.

        الرد
      6. 6
        Shaikh Tag

        اي وااحد من الشعب السوداني بس يكوون ماا تاابع لاي حزب من احزااب المعاارضه الفاشله العندنا ممكن يحكم السودان و يمشي اموورو احسن منكم ياا اشبااه الرجاال. استغفر الله العظيم، انتو جيتو من وين و داايريين مننا شنو يااا سفلة…. استغفر الله العظيم اشتغفر الله العظيم استغفر الله العظيم.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *