أبرز العناوينجرائم وحوادث

قصة “هند” التي قتلها ابن عمها في السودان بسبب الحب


سلام عليكم ياجماعه هند او هندوية قريبتنا وجارتنا ونسابتنا بابهم فاتح في بابنا القصة حدثت يوم التلاته 12 ابريل بعد ما هند خلصت اخر امتحان القصة من الخرطوم للمسيد وليست من المسيد الخرطوم.

اي بعد هند خلصت امتحان ضرب ليها مجذوب ود عمها اللي رفضته للزواج باعتبار القصة منتهية بجيهم في البيت عادي نست قصة الخطوبه ضرب ليها قال ليها انتي وين قالت ليهو انا خلصت امتحان وهو اصلا سواق حافلة روزة قال ليها خلاص انا طالع المسيد تعالي الموقف

عندما جاءت الموقف شحن لحدي بتري اللي بعد سوبا طوالي وهو مفروض يشحن لحدي المسيد لكن هو مبيت النيه وهند قامت سالتو ليه شحنت لحدي بتري قال ليها ممكن اشحن من الطريق وعندي غشوة لو احد صاحبي في الباقير المهم بعد الركاب نزلو بتري بقوا هندويه ومجذوب في الحافلة المهم لما وصلو ا قصاد جناين الباقير نزل بيها علي الجناين بتاعت الباقير جمب البحر وقال ليها يا انا يا المرضي المرضي دا خطيبها الحالي قالت ليهو المرضي قام خنقها وقطع شراينها وقطع اصبعها الفيهو الدبله خلاها في الروزة

وضرب لي اخوه قاليهو عملت حادث اخو افتكر الحادث في الشارع بتاع الخرطوم مدني لكن قام قاليه في جناين الباقير المهم اخو وزوجته لما جو لقوه عاوز يشنق نفسه في شجرة والروزة واقفه سالوا الحاصل قال ليهم انا قتلت هندويه قالو وينها قال لهم في الحافلة الروزة
قاتل هند
صورة قاتل هند

زوجة اخهو طلعت الروزة لقت هند حية سالت انتي جيتو معاهو كيف حكت ليها القصة انه اتصل عليها وشحن لحدي بتري وكدة المهم الكلام الانا حكيتو دا كلام المرحومه الموضوع مافيهو اغتصاب ولا فيهو اي شي وارجو الناس ماتخوض في اعراض الناس وماتالمو اهلها اكتر من الالم الهم فيهو الحادثه بشعه والموضوع ماساهل مافي داعي للاشاعات وزيادة الكلام والفبركة راعو لي مشاعر اسرتها المكلومه

المهم هندويه بدل مايسعفوها لي سوبا اسعفوها لي جياد ولان المسافة بعيدة هندويه اتوفت قبل ماتصل جياد المهم القاتل مشي سلم نفسه للشرطه وهو مسجون الان في سجن الباقير حكم عليهو بالاعدام وحاينفذ الحكم بعد الاشهر الحرم ادعو لها بالرحمه والمغفرة ان العين لتدمع والقلب ليحزن وانا لفراقك ياهند لمحزنون.

بقلم الصحفية
ايمان حموري
ايمان حموري1


‫24 تعليقات

  1. ولكن يا ايمان بأي حق تنشر الصور إذا كانت هذه حقاً صورهم ومتي اتيتي من المهجر …………..!!!!؟
    نسأل الله الرحمة والمغفرة لها وان يسكنه فسيح جناته

  2. لا حول ولا قوة الا بالله… انا لله وانا اليه راجعون … يا ناس العالم دي حصل ليها شنو سفك وقتل بلا رحمة دا شنو البحصل داء يا اخي ابت وقالت ما عاوزاك تقتلها حسبنا الله ونعم الوكيل … الله يرحمها رحمة واسعة ويسكنها الجنة ويصبر أهلها ويعوضهم خير.

  3. المفروض شخص انفصلت عنه ما ترد علي مكالماته اصلا ناهيك عن السفر معه وهناك عدد من حافلات المسيد غيره

  4. ههه.. الحادث يوم 12 ابريل و حكموا عليه بالاعدام والاعدام بعد الاشهر الحرم.. دا شنو كلام الشفع دا
    هسي دا كلام تنشروا .

  5. يستاهل القتل علشان رفضتو يقوم يقتلها بنات حواء راقدات دا ما سبب .يستاهل القتل

  6. الله يرحمها وبغفر لها ولاهلها الصبر والسلوان انا لله وانا اليه راجعون

  7. يعني شنو لو رفضتك؟ … البلد مليانة كثير بالفتيات… الولد ده ضعيف النفس وما متمسك بدينه

  8. نسأل لها الرحمة والقبول من الرب …..هذه ممارسات اشتثنائية ربنا يستر بنات السودان وكل أهل السودان …..الجهل والفقر من الاسباب الرئيسية للتفلتات الرجعية

  9. اتقوا الله يا أخوان ده كلام شنو الفارغ ده وإيمان حموري دي بتفقع المرارة أكتر من سراج النعيم.

  10. ربنا يتولاها بي رحمتو وإنا لله وإنا إليه راجعون ، ربنا يكون في عون أهلها .

  11. جيتي من وين يا البنية وناوية على وين السفر. إيمان حموري الله يهديك شوفي ليك موضوع تاني.

  12. معقول يكون صدر حكم الاعدام بهذة السرعة الجريمة يوم 12 ابرايل وحكم الاعدام قبل يوم 26 ابرايل سبحان الله
    انا لله وانا اليه راجعون

  13. انتو بتلعبو بعقول الناس ولاشنو هي بتين الجريمة حصلت لمن يحكمو عليه بالاعدام دا ماتعاطف مني مع الجاني لكن جريمة حصلت امس وقتل عمد بس طواااالي كدا الزول دا سام نفسو ودوه للقاضي حكمو اعدام ياعالم احترمو عقول الناس .. .
    اي مسجون في الباقير لكن حكمو عليه اعدام لسه ياشيخ

  14. والله دة كلو من ضعف الوازع الديني صوفية وكلام فاضي و سيدي بق نور ولسع ياما حنشوف اشياء كثيرة

    1. يعني في فرق كبير بين الصوفيه والسلفيه ؟ ما ديل برضو برفعوا الاحاديث فوق القرأن وده غلط كبير جدا في حق الله ..

  15. سمحه شديد الله يرحمها عذبتو القرد ماقدر يتحمل .. مفروض الزول الشين مايحب بت سمحه ..يشوف ليهو شيته زيو يتلمي عليها..والكاتبه الخبر دي سكرانه ولاشنو ..وياناس النيلين شنو شابكننا 2+6=8 عشان الواحد يعلق.. عايزين تعلمونا الحساب ولاشنو .سمك?

  16. معقول جريمه حصلت يوم 12 ابريل وحكم علي الجاني بالاعدام ومنتظرين التنفيذ بعد الاشهر الحرم اكيد القاضي والقاتل ووزير العدل والمحامين والشهود والرئيس والشرطه كلهم كانو في العزاء كل واحد طلع القلم ووقع وبصم وخلاص الباقي التنفيذ لولا الاشهر الحرم كان ما شفنا الدموع دي
    اللهم ارحم كل حي وميت من عبادك

  17. الحب من طرف واحد مشكلة خطيرة جدا ؟؟؟ولكن يمكن علاجها بالاتي :
    1- ان يتم الزواج بينهما ان امكن
    2- ان تدخل في نفسك حالة الياس ان كان الزواج مستحيلا كعدم تكافو النسب ( بنت خباز من بت ملك )
    3- ان تذكر مساوي وسيئات المحبوب
    4-ان لم ينفع السابق تتجه للذي يجب دعوة المضطر اذا دعاه

  18. يا جماعة الخير لا تتجتهدو فى اى تحليللات جانبية …. بل اجتهدو بالدعاء لها بالرحمة والمغفرة وان يتولها الله برحمته وان يصبر اهلها

  19. يا بت الناس شنو حكمو و حينفذو..هو لا زال في مرحلة التحقيق و بعدين تجى مراحل التقاضى الكتيرة ديك عييييييك لحدى تنتهى انت قايلاها محكمة داعش ولا شنو .. أتمنيت أصدق كلامك لكن لقيت ثغرات كتيرة ولدى الصغير ما حيصدقها…بعين بألمنطق كدا واحدة بتنزف و دايرة تموت يقوم يتونسو معاها جيتى كيف و عمل ليك شنو ولا يودوها مباشرة و فورا للمستشفى..تانيا ألبيحدد ألأغتصاب دا المستشفى مش حكاوى صاحبتك دى حتى لو كانت أمها عديل ما بيصدقوها

  20. لاحوله ولاقوة الا بي الله حسبنا الله ونعم الوكيل

  21. هي بت خالتو و العملو كان بدافع الحب و لحظة ضعف و الشيطان غشاهو القصة كانت السنه الفاتت والحكم ف السنه دي
    بدل تستهتروو وتكسبو سيئات على الفاضي ادعو ليها بالرحمه والمغفره وادعو ليهو بالفرج وربنا يلطف عليهو
    وقصتهم م انتهت كانت بتكذب علي ال2 و مجزوب كان متواصل معاها حتى كان بصرف عليها وعلي دراستها و حكاية قطع اصبعها دي زياده من الكاتبه بس م اكترر و خنقها خنقه بسيطه بس البت كانت عندها ازمه