زواج سوداناس

صحفية سودانية تسرق مقالا لكاتب سعودي تثير غضب الاعلاميين في السودان



شارك الموضوع :

تعرضت الصحفية السودانية داليا الياس الى هجوم عنيف من قبل صحفيين وإعلاميين في السودان بسبب سرقتها مقال لكاتب سعودي نسبته لنفسها ونشرته على صحيفة اليوم التالي يوم الإثنين 25 أبريل 2016 .

وألمح الأستاذ الصحفي على ميرغني للحدث دون أن يفصح عن إسمها وقال (اقرأ لها احياناً.. عندما اضيق بالاخبار السياسة الناشرة لليأس، لفت انتباهي احد الاصدقاء الى ان مقالها بالامس صورة طبق الاصل لمقال عربي نشر قبل سنة).

وأضاف علي ميرغني بحسب رصد محرر موقع النيلين (رغم انها ليست صديقتي في الفيس بوك ارسلت لها رسالة بالامر، كنت اتوقع منها ان تقول لي ان الامر خطاء وربما خطاء من هيئة التحرير، ثم شكرا على التوضيح والاهتمام والمتابعة..

لكن للاسف سمعتني كلام الخير والإيمان وانها وانها وانها ثم انها… بل وزادت في الأمر ان “التعميم وتسقط الاخطاء شئ مرفوض ومؤسف”، والله ما غاظني الا ردها البكشف انها متضخمة بالأنا وتظن ان كل قارئ لابد ان يعرف سيرتها الذاتية).

وقال الإعلامي محمد الفاتح بحسب رصد محرر موقع النيلين(الكاتبة السارقة حظرتني على فيسبوك … ياخ كان ( ممكن جدا ) تعلقي وتبرري بدل ( الخيار الاخر ) بتاع الحظر ده .. اصلا صداقتك ما بتشرفني ( انداحي ) بعيد مني).

المقال المسروق والذي أحدث ضجة على مواقع التواصل يعود للكاتب السعودي، م. ناصر القحطاني نشره في صحيفة اليوم السعودية بتاريخ (الأحد 10 جمادى الأول 1436 هـ الموافق 1 مارس 2015 العدد 15234). تحت عنوان (ما هو الخيار الآخر؟ ).

لتعود الكاتبة السودانية داليا الياس لتنشره في عمودها “اندياح” على صحيفة اليوم التالي السودانية يوم 25 أبريل 2016 ، أي بعد نحو عام من تاريخ نشره للكاتب السعودي ناصر القحطاني، ونشرته تحت عنوان(الخيار الآخر)، والنص يكاد يكون متطابق بالكامل مع تعديل طفيف في نهاية المقال الذي سرقته داليا الياس.

روابط تدعم القصة الخبرية
نص المقال الأصلي للكاتب السعودي على صحيفة اليوم السعودية
م. ناصر القحطاني
ناصر القحطاني
ما هو الخيار الآخر؟

المقال مسروقاً باسم الكاتبة داليا الياس أعاد نشره موقع النيلين
الخيار الآخر

 

 

المقال مسروقاً باسم الكاتبة داليا الياس نشر على صحيفة اليوم التالي السودانية
الخيار الآخر

 

 

الخرطوم/معتصم السر/النيلين

شارك الموضوع :

تعليقات الفيسبوك

تعليقات


62 التعليقات

إنتقل إلى نموذج التعليقات

      1. 1
        احمد عبد الكريم

        الصحيح خطأ و ليس خطاء يا بتاعين الجرايد .. اااخ ااااخ

        الرد
        1. 1.1
          شكري

          يا أخوي إذا تابعت أخطاء بتاعين الجرايد بتموت من المغصة (المغسة) ساي.

          الرد
        2. 1.2
          ساخرون

          هل تذكرين يا داليا هجومك السيء على الإعلامي ” أمجد ” ؟ أم نسيت ؟

          ذاك الهجوم لم يشبه إلا ردح حريم الحواري الشعبية في مصر ….من جنس حابس حابس …أحمد ياعمر

          حتى لو كان أمجد قد أخطأ في حقك فما كان يجدر بك مهاجمته بتلك الطريقة المبتذلة

          لأننا كنا نربأ بقلمك أن يهبط لذاك المستوى ….وها أنت اليوم في مرمى حجارة الناس ولم يرحموك ورجموك بكل ما استطاعوا

          وصراحة لم يعد قلمك يثير اهتمامي لأنه خيب ظني في رقيك وسموك وترفعك عن السفاسف…ولولا ذاك لقلت لهذا الجمهور ” من

          كان منكم دون ذنب فليكثر من حجارته ” لكنك للأسف قد سبقت بالذنب فاستحققت هذه الحجارة التى تتساقط عليك الآن

          ثم أتت ثانية الأسافي وليس ثالثتها لتزيده سقوطا وانحدارا إلى قاع القاع

          الرد
          1. محمد المزمل

            ممكن يكون استأذنت منه

            الرد
      2. 2
        ابوريتاج

        البلد كلها صحفيين واعلاميين وناشطين

        الرد
        1. 2.1
          ود جعـــل

          يا جماعة ما معقول يكون في زول بهذا الغباء .. و يسرد قصص و حكايات من واقع بلد آخر… و يدعي أنها حقتو !
          احتمال يكون حصل خطأ … يعنى هي كانت (عايزة) تسرق الفكرة … بس حصل خطأ والزول المسئول عن التحرير عمل (بيست آند كوبي) للمقال وسبب ليها سكري وضغط … لكن حكاية تنزل مقال بي (ضبانتو) ما أظن أبدا … و المتابع لمقالاتها يعرف أنها أذكى من ذلك بكثير … خاصة مقالتها المشهورة لبنات جنسها عن كيفية اصطياد العريس المغترب، حيث قال في المغتربين ما لم يقل مالك في الخمر (برضو ما زعلنا منها و اعتبرنا الموضوع .. هظار … عادي !!)
          بعدين اتفقنا أو اختلفنا معاها … خلاص غلطت .. لقيتو موضوع تنزليهو سعر الدولار يعنى …
          ما عندي قضية مع داليا دي .. و لا معرفة حتى .. يمكن شايف أنها فاكاها في روحها … بس هي انسانة معرضة للخطأ و الصواب … و من كان منكم بلاء خطيئة فليرمها بحجر …

          الرد
          1. ود جعـــل

            هذا هو رد الكاتبة الذي أورده (محمد قسم الله) في تعليقات الفيس بوك أعلاه …
            يعنى الخطأ أنها ما ذكرت (منقول) !!!
            هسا الليلة تلقى الواتس ما عنده حاجة غير الموضوع دا !!!
            يلا … شوفوا موضوع تاني … عالم فااااااضية.

            الرد
      3. 3
        عادل

        شيء مؤسف وبدون خجلة نقلت المقال بحذافيره والله السعوديين لو عرفوا الموضوع حيفضحونا فضيحة

        الرد
      4. 4
        يارا

        الله يستر عليك من سرقة الحاجات التانية -البسرق مقال بسرق كل شئ — انتبه يا زوجها العزيز

        الرد
        1. 4.1
          فلانة بت علانة

          الناس بتكلموا عن سرقات أدبية .. أيه داعي المطاعنة و تحذير زوجها … افتكر أنو زودتيها خالص .. و لو انتي مرة ، و أبوكي والدك اكتبي تعليقي دا تحت اسمك الرسمي …. قال (يارا) آآآآآل …. اللي بيسمع الاسم ما يشوف الشكل ..
          واضح انك بتاعة مغارز … و طوالي جارية للسرقات التانية و عايزة تنبهي راجلها … كل اناء بما فيه ينضح و اللي في بطنو حرقص براهو بيرقص.

          استغفر الله .

          الرد
        2. 4.2
          ايمان حسن

          هي دة علي السرقات … وبالاخص الرجال .. والبسرق مقال بسرق اي شي .. دي وحده ما عندها اي شي يعني كيسه فاااااضي

          الرد
      5. 5
        zattoo

        بالغتي حنثق تاني كيف في كتاباتك يمكن تكون كلها ملطوشة.وشعرك ما يكون برضو…. غايتو فتحتي علي روحك باب صعب ..موش كان الاولي تعتذري للراجل بدل الفضايح دي ..

        الرد
      6. 6
        ابو محمد

        يلا الغباء ياخ … بى ضبانتها ( وافق المقاول وطلب مائة ألف ريال مقابل تسليمها خلال 24 ساعة ) على الأقل خليه جنية سوداني قع قع قع ، والله من زمان كنت شاكي انو كيسها فاضي لكن كده إقتنعت شديد بالدليل

        الرد
      7. 7
        الواضح

        فعلا هذه الصحفية عندها تضخم ذات غريب . رأيتها في برامج تلفزيونية . تديك انطباع انها من النوع ال من الصباح يدرع توبو ويلف علي القنوات .وطارحة نفسها كشاعرة كمان مع ان شعرها ضعيف لدرجة الركاكة

        الرد
      8. 8
        zattoo

        ليه ما بتشرو تعليقات الغير الحكاية شنو يا ناس النيلين قولوا لينا الأسباب عشان نعرف دا شين في حقكم كموقع محترم

        الرد
      9. 9
        ود أمبدة

        صحيفة يمتلكها مزمل أبو القاسم لابد أن تكون أخبارها مسروقة أو مكررة .

        الرد
      10. 10
        عازف الكمان

        لافرق بين احمد وحاج احمد الكاتب السعودي نشرها بجريدة اليوم وداليا انشرتها باليوم التالي يعني كل الحكاية يوم ورا يوم
        والاستاذة داليا الياس ياناس زولة بت بلد وحبوبة عكس ماتتصورون فإذا نشرة هذا المقال لذلك الكاتب فكان من باب الامانة ان تذكر اسمه ولكن يبقي السؤال كم وكم من الاعمال السودانية المسروقة دي كويس إنها سرقة مقال ناس سارقة رواية بي حالة

        الرد
      11. 11
        عمر أحمد حسن

        الغريب أنها سرقت المقال بحذافيره ، وحتى العبارات التي قضحتها سرقتها كما هي مثل :
        (فعرضت عليه الشاغر الوحيد لدي بالشركة وهي وظيفة مأمور سنترال براتب 2500 ريال)
        (وتدرج عندي بالشركة)
        فعلاً الغباء لا حدود له ..

        الرد
      12. 12
        يوسف الكناني

        طلعت حرامية ههههه

        الرد
      13. 13
        ابو خالد الدمام

        معنى الكلام انو كل مقالاتها مسروقة … انا كنت فاكر الجبيل مدينة سعودية بس الكاتبة حيرتنا في المعلومة اللي عندنا عملتها مدينة سودانية ,,, والله عيب عليك … الاستحوا ماتوا … وبعدين اين مسئولي التحرير في هذه الجريدة على طول يعملوا لصق للمقال … يعني بتاع التحرير ومدققي اللغة لم يلاحظوا اسم مدينة الجبيل …

        الرد
      14. 14
        mukh mafi

        في حياتي لم ارى صحافي او صحفية بهذا الغباء المهني .. انها لا تعرف كيف تتصرف حين تجد فكرة كاتب راقة لها ,, كان عليها ان تاخذ جزء من الموضوع وتجعل منه موضوعها .. او تاخذ الفكرة وتبلورها على المجتمع السواداني او كان بكل جرأة وشجاعة تكتب منقول وتحدد الجهة ..
        انا شخصيا لا اقرأ لبهذه الكاتبة ابدا ولا تثيرني مواضيعها .. فهي كاتبة كنبة

        الرد
      15. 15
        mukh mafi

        في حياتي لم ارى صحافي او صحفية بهذا الغباء المهني .. انها لا تعرف كيف تتصرف حين تجد فكرة كاتب راقت لها ,, كان عليها ان تاخذ جزء من الموضوع وتجعل منه موضوعها .. او تاخذ الفكرة وتبلورها على المجتمع السواداني او كان بكل جرأة وشجاعة تكتب منقول وتحدد الجهة ..
        انا شخصيا لا اقرأ لبهذه الكاتبة ابدا ولا تثيرني مواضيعها .. فهي كاتبة كنبة

        الرد
      16. 16
        لوراااا

        هسى يا داليا ضحكتى علينا (فجر الكويتية)حا تقول كلامي مش صاح يا عرب — احن تشوفي ليكى وجة اخر والمؤهلات موجودة يا داليا———–

        الرد
      17. 17
        ود نخل

        عادي جداً قبل كدة صحفي سعودي سرق مقال لاحد الصحفيين السودانيين .. نسيت اسمه .

        الرد
      18. 18
        كان حليما ستارا

        هي كانت عايزة تكتب منقول بس حصل خطا مطبعي المهم هو وصول المعلومة للقارئ
        الموضوع عادي ومابستحق كل هذا الضجيج
        وهي كاتبة متمكنة بتكتب بكل المشاعر الجواها ما محتاجة تسرق
        لانو المشاعر مابتسرق

        الرد
      19. 19
        عبد الله

        كان واضح أن المقال لا يعود للكاتبه ومن أول فقره يكتشفه القارئي ….. بعد المقدمه , ابتدرت حديثها بأن لها شركه وسمت أحدى مدن السعودية والكلام عن الخيار الاخر الذي يمكن للمرء أن يتخذه في الوقت المناسب … حيث جاء سوداني خريج ثانوي طالبا العمل ولم يجد وظيفه غير مهنة بدالة تلفون ورفضها فسأله صاحب الشركه وما الخيار الاخر عندك ؟ فقال : الجلوس بالبيت . فنصحه بمزوالة المهنه بدل العطالة … فقبل بالمهنه وتدرج بها حتى صار مدير ل… مش عارف … المهم الكاتبة أستخدمت ضمير المفرد المذكر في أغلب الأحوال … ونقله عن كاتب أخر غير مهم … المهم أنه مقال مفيد جدا ……

        الرد
      20. 20
        الشريف

        جبتي لينا العار يا بت الياس ما كان افضلك تخليك في شعر الما بشبه الاشعار دا بدل تبهدلي بروح وسودي وشك دا لو هو اصلاً فيه كرامه وماء … خليك في شعرك الكيف جري الكلب في اللوبا داء.

        الرد
      21. 21
        محمد صديق عبدالغني

        م. أنور محمد قسم الله يرجى التوضيح في تعليق يبدو أن الأستاذة أوضحت أن المقال من أجمل ما قرأت وليست سرقة فهي ليست بالغباء لتسرق مقال من كاتب سعودي دون أن تغير حتى في العملة …. الأستاذة داليا إلياس صحافية متمكنة وكاتبة جيدة

        الرد
      22. 22
        ازرق

        قبل فترة قرأت للكاتبه مقال لصحفي سعودي في جريدة الرياض إسمه فهد عامر الأحمدي – المقال يدور حول أنها دخلت عيادة دكتور بالهند وكان مكتوبا في لوحة علي الحائط 15 قاعدة للنجاح والمقال يذكر تلك القواعد,,,,,,,

        الرد
      23. 23
        محمد فضل

        اها اسع كلكم قايمين وقاعدين في شنو عالم فاضية وماعندها موضوع …الحساب بتاعها اتهكر ياالبتقول رسلتها ليها وردها كان مستفز والباقين خلاص دا الفاضل في البلد صحفية سرقت مقال وهي اصلا ماسرقت ..رجالتكم دي امشو سوها في السارقنكم جد جد ياخ فكونا عليكم الله محسسني انكم اكتشفتو الزرة قومو لفو

        الرد
      24. 24
        احمد ادم صالح موسى

        ايش معنى يعني سرقت ما الامة دي كلها سارقة بقت على داليا الياس ؟؟؟؟؟؟؟؟؟
        في شبكات حرامية ووووووووووووووووووووووووووو كتير خايفين منها ليه ؟؟؟
        اذا عندكم جراة الصحافه اكتبوا عنها ولو بحرف ….

        الرد
      25. 25
        حسنين

        لو سرقت المضمون وصاغته بلغتها الخاصة يمكن يكون مقبول .. لكن تسرق النص كما هو بضمانتو .. فهذا افلاس وفضيحة فكرية بجلاجل .. واكيد من جهلها ما سمعت بحاجة اسمها الملكية الفكرية .. ومن حق كاتب المقال الاصلي مقاضاتها على هذه السرقة.. فضحتينا الله يفضح دنيا وآخرة.

        الرد
      26. 26
        المعلم

        الصحفية داليا الياس قمة في الاحترام وهي من الصحفيات القلائل الاي فرضنا وجودهم في الساحة الصحفية بسرعة. لذلك المتابع لمسيرة داليا الياس يجد الكثير من الحسد المقصود والمدبر عليها وخاصة من بنات حواء امثالها من الصحفيات. والدليل على ذلك كثير من الانتقاد لمسيره الصحفية داليا ما تكون مدبره وخير مثال لذلك عندما تم استضافتها في أحد برامج قناة النيل الأزرق مع بعض الصحفيات وكان واضح التحامل عليها كثيرا في طريقة الرد وهذا نوع من الحسد ليس إلا. وبخصوص المقال واضح بان الصحفية المحترمة داليا الياس لم تسرق المقال ومن الجهل تترك كل تفاصيل المقال التي تدل على مكانة .

        الرد
      27. 27
        Mohammed

        انت يا شقية الحال ما لقيتي تسرقي الا من واحد سعودي ؟؟؟!!!!!
        والله انو مستواك حضيض فعلا … يا خطافة الرجالة .. اقصد خطافة المفالات !!!

        الرد
      28. 28
        Ema

        غايتو الاستاذه دى أصلا ما مقتنعة بيها ككاتبة او مبدعة زول بتحب الظهور ودمها تقيل

        الرد
        1. 28.1
          mukh mafi

          ايما .. او ايمان كما يفترض .. صدقتي القول انها ليست بكاتب انما متسلبطة زي ما بيقولوا وتلاقيها تكون فرحانة وتوري زول زول شفت مقالي او قريت مقالي وهي يعلم الله ماعندها اي فكر للمقالات عشان توصلها بس عاجباها فرة توبها دي ما عارف القصد شنو منها

          الرد
      29. 29
        مدثر

        شكلكم بقيتو زى المصريين أقصد الإعلام والصحافة ردح وفضائح وغيرة ياعالم استحو بلاش هبل وعبط
        عملت لى بلوك وعملت لى delet داه كلام حريم مش كلام رجال بعدين انحنا ذنبنا شنو عاملين لينا دوشة بتفاهات فارغة يانس النيلين شوفو مواضيع تستحق

        الرد
      30. 30
        sudania

        داليا الياس صحفية معروفة وكتاباتها محترمة .. واضح انه الخطأ من اخراج الصحيفة المفروض في زول براجع الصحيفة قبل طباعتها ولا شنو؟؟.. ويا جماعه الزول البسرق دا ما بدس سريقته؟؟.. معقولة ما تصلح المقال ولو شوية تظبط سرقتها؟؟ ولا دي عشان مرة؟؟
        قل خيرا أو اصمت.. والله المستعان على ما تصفون

        الرد
      31. 31
        ود البلد

        معظم الرعاع من جمهور الصحفيين والصحفيات منفوخي الجلاليب والعم والثياب
        مخهم فاضي – ونصهم غير متعلم ومعظم شهاداتهم مزورة
        كلهم عالم وهم – الناس بقت تعبد المظاهر
        والزول المتعلم والمتمكن لا يجد له طريق لصحيفة او قناة فضائية-
        عندك امثلة
        زي الهندي وبابكر سلك ومزمل
        والكاردينال والعارف عزو مستريح
        بلد تطمم البطن
        جرثومة الفساد

        الرد
      32. 32
        أم غشعم

        أنا غايتو ما مصدق الكلام دا ، لأنو البت دي أكيد قرت المقال دا ولا يمكن أن يفوت عليها تغير الأسماء السعودية لأسماء سودانية ,و إلا تكون قمة في الغباء وكما قال إخوتنا الجنوبيين((قماشات ساكت)) يعني بس وجاهه والراس (قرعوبه)

        الرد
      33. 33
        ابوزيد

        اكاد اجزم ان هنالك سطر مفقود في المقال في اوله او اخره لايمكن أن تقع في مثل الخطأ ده و القال ليها المقال مسروق هو الغبي لان اللبس لا يفوت على خريج صف ثامن كبروا مخكم والخطأ اكيد من الطابع

        الرد
      34. 34
        عوض سعيد المحسي

        داليا الياس/ تلك الدلال واللباقة المكتسية بدلع البنات اللامحدود تمتطي جواد الغير لتعبر لابواب الشهرة المكشوفة بمقالها الذي يحمل اسمها فقط ولكن قامت الطامة الكبري التي لاتعلم عواقبه لتخرج الاقلام المسمومة بسرد سيرت حرامية الاعلام وبعدها تصبح داليا الياس حبيسة المنزل يتحول الدلع والوجاهة والتكبر الي خجل بعد ان انكشف الامر الذي لاتقدر ان تبرأ به نفسها وكان لابدأ لها الصمت والابتعاد عن الكتابة نهائيآ بعد هذه الاهانة والعمل الغير حضاري الذي غير مسيرتها الصحفية من كاتبة لسارقة علمآ بأنني كنت مغشوش برقم قلمي الذي يسبق كتاباتها ولكن كنت ضمن المحبين بكتابات هذه الفيلسوفة ولكن بان الحق وانكشفت الحقائق لمراجعة كل موضوعاتها وكتاباتها السابقة لنضعها في سلة المهملات حتي لانرفع المقامات بالاوهام حليلك يا داليا لن ترحمك الصحافة خير لك الاعتزال عن هذه المهنة الصعبة التي لا تشبه عملك المشين ودربك المتشابك الغامض فهي خصلة يستوجب فيها اقامة حد السرقة وهي قطع اليد وداعآ دليا خروجك من ابواب الصحافة ولكن خروجك المبكر بهذيمة صعبة قبل ان تصلي الي ابواب الشهرة التي كنتي في مرمي حجر منها نأسف لهذا المأتم
        ولكنك جنيتي ثماره بيدك المسنونة

        الرد
        1. 34.1
          بتاع غلاط

          هزيمة … بالزاي و ليس الذال !!

          الرد
      35. 35
        عابد

        هكذا تدمر العقول والمبدعين نتمنى ان يتريث الناس لكي لا نضر بسمعة الكاتب السوداني هذا الضرر لا يقف بحد هذه الكاتبه لكي نقفل ونعرف الصح نتمنى مقابلة رسمية نحن غير مقابلة رسمية خصم ومتهم وبعدها بنميز اما من السهل البهتان والزور على الناس

        الرد
      36. 36
        انجلينا

        ياااااااه لقد سقطت كل القيم التى توارثناها منذ ان كنا وطن واحد ….عند مراجعة التعليقات سفور وفجور وتشفى مما يعكس الحالة الحقيقية للشعب ……السرقة حرام والقبر قدام ……لكن ماذا نقول لشعب سقطت عنه كل القيم النبيله !!!!! عفاكم الله يا ذلك الشعب الذى كنا منهم …..تعوها تتعلم أدب الاعتذار وأفسحو لها صفحة جديدة

        الرد
        1. 36.1
          موندوكورو

          ألا هبي بصحنك فأصبحينا … و خليك في مشاكلك يا أنجلينا !!

          الرد
        2. 36.2
          aboahmed

          يا انجلينا ….
          امشي اوعظي سلفا كير وعصابته السرقوا الجنوب كله لدرجة البلد بقت في مجاعه ….
          اكل تاكلوا مالاقنو جايه تتفلسفي كمان…
          خليكي في حالك وفي جنوبك ده .. والشمال ده ماليكي دخل فيه…
          نحن ماصدقنا اتفكينا منكم … تاني جايه داخله في موقع حق الشماليين ليه…

          الرد
        3. 36.3
          جلابي عنقالي

          انجلينا … اختشي !

          الرد
      37. 37
        somia elfadil

        داليا اليأس زولة راقية ولها امكانيات شعرية مميزة ماتجحفوا حقها مجرد انها مفروض تتكتب تحت المقال منقول واذا تم نقله فقد تقصد عموم الفايدة
        ياخي التمس لأخيك سبعين عزرا

        الرد
      38. 38
        عابد

        اهم حاجة في الانسان الصدق ولكي نكون صادقين وعادلين يجب عمل مقابلة ويعاقب الغلطان بصراحة اي مبدع لمن يصل مرحلة هو ليس ملك لنفسه اي اساءة تصل لشخص قدم وخدم الوطن واجب الاحترام التشفي في السياسة والانتقام عيب ليس من شيم الكرام

        الرد
      39. 39
        الشوالي

        صحافة صفراء ليس إلا

        الرد
      40. 40
        محسن محي الدين

        لاحول ولاقوة الابالله.
        سنظل نحترم الاستاذة /داليا ونقرأ لها رغم ذلك – ويجب علينا أن نحسن الظن فربما انها كتبت منقول وهذا هو الارجح ولكن سقططت الكلمة سهوا سواء منها أو من المصحح .
        أرجو أن لانهدم بعضنا بغضا

        الرد
      41. 41
        mohamed

        أي بعد نحو عام من تاريخ نشره للكاتب السعودي ناصر القحطاني، ونشرته تحت عنوان(الخيار الآخر)، والنص يكاد يكون متطابق بالكامل مع تعديل طفيف في نهاية المقال الذي سرقته داليا الياس…..
        طيب اذا كانت النية صافية و لم تكن السرقة مقصودة لماذا تم تعديل طفيف في نهاية المقال علما ان الكاتب الاصلى لم يتم الاتصال به او استشارته كان ذلك عن قصد او لأنهم لم يتمكنو من الاتصال به…الشيء ألاخر في عصر قوقل هذا لا يوجد شي اسمه لم نعرف الكاتب. أكتب فقط كلمات دالة و يجيك الكاتب مدنكل بعقاله و كبسته كمان….

        الرد
      42. 42
        صابر

        الله يكون في عونك
        اتمنى يكون عندك وقت تقرأي كل التعليق

        الرد
      43. 43
        ايمان حسن

        كلامك صاح يا محمد اذا كان اصلا ما قاصده ما كان تغير فيهو
        بعدين هي زكرت حسب ردها في سودانيز اونلاين انو ما كانت عارفه اسم الكاتب منو
        وتاني فالت في صحفية السوداني انها هي في اجازاة و نشرته الجريده من عندها … معقوله بس ما تحترمي زكاءنا شويه
        بلا داليا الياس بلا بطيخ

        الرد
      44. 44
        ايمان حسن

        بعدين قصة انو عملوا لي حسابه هاكنج دي وكنه ساي منها قالته عشان تتخارج و ماترد علي الناس و ما يعلقوا ليها …
        قفلتي حساباتك براك يا غبيه …
        هو انت عندك شنو … قال اعداء النجاح قال
        وينو نجاحك ده…. اوتي تكوني فاكره ظهورك في التلفزيون ده نجاح
        كان بالظهور في التلفزيون معناها اسامه داؤود افشل زول

        الرد
        1. 44.1
          عباس حسن محمد علي

          و الله انا من زمان حكمت عليها بكده
          بس ما حصل اصتدمت بيها لاني ما احب صدام القوارير
          راجلها الله يعينو

          الرد
      45. 45
        عمر الفاروق

        بابكر سلك مالو

        ود البلد فضلا لا تسئ للاستاذ بابكر سلك.

        رغما عن هلاليتي فاني اعشق قراءة مقالات سلك.

        لروح الفكاهة و الدم الخفيق و اهم شئ هو لا يشتم و لا يسئ مع انه متخصص في معايرة اهل الهلال او ابو الهل كما يقول هو.

        سلك كاتب كبير و له عشاق من كل جماهير الرياضة.

        الرد
      46. 46
        أبو هاجر

        عالم فارغة بشكل!

        الرد
      47. 47
        mr.XXX

        غايتو دي سرقة غبية جدا والحرامية زاتا من ابتسامتها المصطنعة و هدوما شكلها غبية قالبك لابسة ساعة وفيلة وكرحة بنفس اللون زكرتني الشفع يوم العيد
        بعدين الدهب الكتير اللابساهو دا لا يليق بصحفية او مثقفة في دولة فقيرة مثل السودان ويبدوا انها تعيش في مجتمع الكيزان لان استايلها ومظهرها زي استايل وزيرات الانغاز و زوجات الحرامية لصوص الدولة .. انا ما متابع الزولة دي واول مرة اسمع بيها في موضوع السرقة دي لكن عندي تصور معين لكيفية تسلقها ياخ دي فاطنة شاش معقولة اكتر منها

        الرد
      48. 48
        mr.XXX

        غايتو دي سرقة غبية جدا والحرامية زاتا من ابتسامتها المصطنعة و هدوما شكلها غبية قاليك لابسة ساعة وفنيلة وطرحة بنفس اللون زكرتني الشفع يوم العيد
        بعدين الدهب الكتير اللابساهو دا لا يليق بصحفية او مثقفة في دولة فقيرة مثل السودان ويبدوا انها تعيش في مجتمع الكيزان ومنغمسة فيه لان استايلها ومظهرها زي استايل وزيرات الانغاز و زوجات الحرامية لصوص الدولة .. انا ما متابع الزولة دي واول مرة اسمع بيها في موضوع السرقة دي لكن عندي تصور معين لكيفية تسلقها ياخ دي فاطنة شاش معقولة اكتر منها

        الرد
      49. 49
        hamed

        لا لا انا ارجح انو الصفحة تم تهكيرها قبل الطباعة

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *